Ephesiami 4:28 - Sumi Naga CL (Re-edited) Bible (BSI)

²⁸ Hinguno hilau ye küpkami no aküpka qhivelo, tishi nike züqhu ichheime mu aphiau pesü amikucho lono mla chulo, tishikeu lono khuana avesa akeu lau küsajelu nani.

BAIBEL (BSI)

²⁸ Timi pukaqhi chekemiye hinguno hilauye puka kevilo, ikemu pa phiau peithano akikhishi mlano qechulo, tishino kumlhomi kuphukulupu shilo.

Sümi Tiqhelimi Bible

²⁸ Khuu no püka cheni keno pükamove moayesa, eno tishini ke züqhulo akümlà shi moayesa, pano likhi pano u peitha no kiuala akivipu kümlà shi moayesa, tishianguno panongu pelo khunoqo aveküsa shi ani keno tipaqo lau kiuala aghí keu pesü küsajelu kepu shilu pelo.

Ephesiami 4:28 Referans Kwoze

1 Tim. 6:18

Panongu ye akivi mla masae, akivi kümla lo nibonilei masa, tsükinimi shimasa eno küsajeni keu lo kutope khemasae.

Galatiami 6:10

Tishiaye ningu no ado kivi ithuluke kümtsü lo timi kümtsü lau akivi kümla shini, eno akhotoshi khunoqo aküpülü lo kibolomi shive akeno panongu lau mlani nolo.

IPEKULU 20:15

“No ye püka moni.

ZEKHARIA 5:3

Pa no I vilo pi, “Hi ye aghakhu kümtsü shou ghukusho ikughi akeu ke. Kughengu liküküzü kaku tüxau akeu kiqi lono püka chekemi kümtsü kileqhive nani, eno itaghi tüxau akeu kiqi lono akimki shoqhi shi chekemi kümtsü kileqhive nani.

John 12:6

Pa ye kumlhomi ghenguno alomsü kehu hi pike kumoe, ikemu pa ye küpkami, aqow pisabo puche eno tilehi sükeu pesü pa vehu shiche ke.

Luke 19:8

Zacchaeus no müzüchoi ngove no Ampeu vilo pi, “Julo, Ampeu, I no akeu küakini tüxa ye kumlhomi tsüve niae. Eno I no kiuala pesü khuana pishiqhi püaghi aye, ghuthu bidi no küghüsüpe athoputho tsüni.”

HOSIYA 4:2

tushokiqhi, akimki, ghikiqhi, aküpka, eno asalha likhi ani; panoqo no akütsüghaqo kuqhove no ajikuqo no kibe ke.

JEREMIYA 7:9

Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

IPEKULU 20:17

“No ye o kisüghüu ki jumine moni; no ye o kisüghüu nipu, momu pa qemi kiptimi totimi, momu pa mishitsü, khurgha, momu kiu kiumu paw shi aghikeu jumine moni.”

2 Kor. 8:12

Kughengu pulopinyi keu aghi aye, milakhi no kühakeu kumo püzü kiu ani keno ti ikhilutsü nani.

2 Kor. 8:2

kughengu aghime kitikhi no peju kelo, panongu lokivi ye kije eno aqüagha no ihulo akeghi panow tsü-jekini yeliqole pephe piye ke.

Rommi 12:13

Küpülümi vehupu lo qhasü tsülo eno pütüta ki lo shoinami sasükinimi shilo.

John 13:29

Judas no pisabo puche kehu Jisü ye pa vilo “Aghulhu ghenguno ningu no kiu avehupu shiani keno qhüvelo,” momu kiu kiumu pesü kumlhomi tsü masae, ipi ani küghashi khami ye kümsüve.

Luke 3:8

Aküxü xaidelu keu michipu shi axathi pithilo. Nongu dolono, ‘Abraham no ningu pasüe,’ ipi kevilo. Kughengu I no nongu vilo piani, Alhou ye atu hipaqo mu pesü Abraham tianuli shi saputhulu nani.

AHOLE 30:9

tikumo aye ni ye kutomo auve no O milive ghi, “Ampeu ye Khuu kea?” ipilu nosa, momu ni ye kumlhomi shive no püka püzü I Lhou je shikuchhubelu nosae.

AHOLE 28:13

Axine peküsü chekemi ye aküxü lo ikoishe lumo nani, ikemu ti piphe no qhive aye kimiyeqhiyi keu ithulu nani.

AHOLE 14:23

Aghimeshi mla kelo ala ani, ikemu atsa likhi pi akeu ye aqüagha lo ilove cheni.

AHOLE 13:11

Akumou lono küakini pekikelu keu ye hauve nani, ikemu kititi no pekütsülu keu kughukolu nani.

JOB 34:32

I no kiu ithuluamo keno I shika tsülo; akumou shi püaghi aye, ni ye shikithe moae’ ipi püani nio?

IPEKULU 21:16

“Khukhumu timi küghape jechuve keu, eno khukhumu pa sasü ngo aghi keu ye pithiveni.

AHOLE 21:26

Puchopuju pa ye mineqhiyi keu likhi ikemu amikuchomi ye süchile mono tsü cheni.

AHOLE 31:20

Li no shonu shimono kumlhomi eno aveküsami tsü-je acheni.

1 Kor. 4:12

ningu ye ichheime ni u no mla cheni. Ningu ghusho aye, nino kümghave tsü cheni; ningu shikighime aye nino kutuu cheni;

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

Titus 3:14

Niw timiqo pelo amlo tsüqhiyi akümla kivi shikalu pelo, tishikeu lono avehu küküha küxü xümono avehupu shikütü akemi kuphulu peni.