Ephesiami 4:14 - Sumi Naga CL (Re-edited) Bible (BSI)

¹⁴ tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

BAIBEL (BSI)

¹⁴ Tishianguno ninguye itimi toi izuichoi pemo eno pishikiqhimi kukutsu jelino ningu fusasu wuvepemo nani, timi hipaqono muqu mugha vesuno kutami ghi akumou lalo sawuve chenike.

Sümi Tiqhelimi Bible

¹⁴ Tisheno ningu ye itimi shiauvemo nani. Ningu ye azü no tukucho akeshi eno shiküka zümlhü jeli kümtsü vechewo timiqo no panonguw tuqhou pishikiqhi kukughu eno müqüijo keu vechewo hula-hila fupuwuvemo nani.

Ephesiami 4:14 Referans Kwoze

IBRIMI 13:9

Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

1 Kor. 14:20

Athiküzümiqo, nongu kükümsü lo itimi toi kevilo. Alhoksa loye itimi toilo ikemu akükümsü loye tekhoi lo.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

James 1:6

Ikemu pa ye lipi mono aküpülü lono khulo, kughengu khuu no lipini keno pa ye amülhü no azüghi lo azü fukucho sawu-sawo keu toike.

Ephesiami 6:11

Tüghami mqümgha shou puthugholu kepushi Alhou ghünanu kümtsü pepu lulo.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

2 Tim. 4:3

Kughengu timi no kuchou shiküka lumoni keu ghuloki cheni, ikemu mthomzai keu kini xapu panongu gho-apulou shipenishi kelauno panongu no ini nishi akeu likhi pipeni kemi shikükami sawo qhinani,

Jude 1:12

Hipaqo no ighümo no nongu gholo kuposhu kelo nonguw kikimiye ghulhu tichetighepu shivetsü ani, ambekhemi no panongu ampi loji aketoi; tsütsüghu küha keu khüngküsü amülhü no fupe chekeshi; tixi lo axathi pithimo keu sübo, akuhu lono nhüve no thi kitheve ketoi;

Piyeküsü 19:20

Tüghashi eno tipau gholo kichile tungkupu hughi küghaluve, pa no tüghashi zülono akümzapu kümla shikeu vecheo tüghashi michipu auve kemi eno tipau julho kümllami pishiqhi cheke. Hi küma ye aküxü no küghape amichu pesü küiqü chekeu miyizü lo vesüve.

Galatiami 3:1

O Galatiami mbomzümiqo, khuu no nongu shiküghüzüve kea? Jisü Khristo ye nongu nhethe lono pekipheshi yedave ke.

MATTHEW 24:11

Kichile tungkupmi kutomo ipeghi no timi kutomo saküghüzü nani.

1 John 2:26

Khunono nongu pishiqhini ke pükapütsa ani keno ni ye panoqo ghili pesü nongu lau yelu ani.

2 Tim. 3:13

ikemu alhoksami ngo keghilishi kemi ye kütami pishikiqhi eno pano ampi ghi pishiqhi keu lono alhoksa shikithe nani.

ISAIAH 28:9

“Pa ye khuu shika niye ani, khuu lau atsape hepho piye nani kea? Anga anileshi khoveno akeqo lau keo?

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

MATTHEW 11:7

John khopemi no idewo chekelo, Jisü no aqokitikhi vilo John ghili pithuve: “Nongu ye yenguyi ke-a lo kiu juniye wu kea? Amülhü no ayeghü fukini keu keo?

1 Kor. 12:2

Nongu no ithi anike kughou nongu no Alhou mthano ache keno kiukiu gholau nomu nongu sasü atsa pikümla julho lau wuve cheke.

Apostolmi 23:21

Ikemu panongu pelo o züluvepe kevilo, kughengu timi lhobidi shou no Paul pithive moke kutolo chushomo nikeu ashoqhi shive no itshüpe pa khe ani. Itehi panongu ye kutope ow puloza khe ani.”

MICAH 7:2

Alhou pape chekemi ye ayeghi lono kühavae, eno timi gholo akümzümi ye khumu kühavae; panongu kümtsü no aji peleni ye ngokhe ani eno akhame pesü lakhino lakhi hakuqo ani.

LESHELE 59:3

Kughengu julo, panongu ye I küxü miqe ani; mkamihi kemi no I shou aküküpna xukutho ani. O Ampeu, I kipimi momu axine kiumu küha keghi,

LESHELE 10:9

abongshuu toi pa no asüminipho lo itshüpe ghüthe cheni; kumlhomi tsüqü luveni ye pa no itshüpe ngo cheni; pa no kumlhomi tsüqüpe pa khame lono sünhesü luve cheni.

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

2 Peter 2:18

Kughengu mbomzüshi ighale atsa pikeu lono panongu no ashi lo ngosükümla xine pesü alhoksami launo pokaluni ke akushukulu ipeche keqo müsü sailove cheni.

James 3:4

Zükiluqo ghi julo: tipaqo ye akuloghi eno amülhü kumto no fusawu cheni kemu tipa sakicheu no helisa aghulo pesü khila khilamu pa pulou lono satsüghüsü wucheni.

1 Tim. 3:6

Pa ye anileshi Khristo chineye lukemi shimoni, tikumo aye pa ye aqheküza lono kumobeive no tüghami gholo küghaküthapu lo ikiqive nani.

2 Tim. 1:15

Nono ithi anike, Asia yeghi lo akemi kümtsü no I qhivae, eno tipaqo gholo Phygelus ngo Hermogenes pama ghi ke.

1 Kor. 3:19

Kughengu Alhou züloye hipa yeghi lo lokütsü ye mbomzüe. Kughengu ishi yepüani, “Pa no alokütsümi pano mqükini lono meluve cheni,”