Ephesiami 1:3 - Sumi Naga CL (Re-edited) Bible (BSI)

³ Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

BAIBEL (BSI)

³ Ningu Mpeu Jisu Khristo paPu Alhou lau ninguno sheqhe ani. Ninguno Khristo gholo xukimepe akeu pano angugha kukumghapu jeli kumtsu kungugha lono pesu ningu kumghavetsuke.

Sümi Tiqhelimi Bible

³ Alhou eno ningu Mpeu Jisü Khristo Papù khuu Khristo lono kungugha kükaqha lo aghungu kükümgha jeliqo kümtsü pesü ningu tsü keno pa sheqhe ani.

Ephesiami 1:3 Referans Kwoze

1 Peter 1:3

Ni Mpeu Jisü Khristo Papu Alhou sheqhe ani! Paw kimiyekini kije pesü akithi lono Jisü Khristo xüputhu keu vecheo ningu pelo aküxüpu lajupu lo punu kithe lupe,

2 Kor. 1:3

Ni Mpeu Jisü Khristo papu Alhou, kimiyekini Papu eno alokughuno kütsü Lhou sheqhelo,

Ephesiami 2:6

eno Khristo Jisü laumi shikeu lono ningu ghi pa gholono xüputhupe kungugha kiqhe-a lo pa gholo küghüqae.

BOTHUBO 22:18

o tikughuko vecheo ayeghi lo shiye kümtsü no müghalu nani, kughengu nono I gholuke.”

Ephesiami 1:20

Pa no Khristo lau no pephe, ti ye kughou akithi lono Khristo xüputhupe kungugha lo Pa u ajeu küghüqa keno,

LESHELE 72:19

Alhokupuju Pa juküvü je sheqhelo; ayeghi kümtsü Pa juküvü no chhitoi pelo! Amen, Amen!

Ephesiami 6:12

Kughengu ningu ye timi sasü kumono yepemi, atomi, hi aküzü yeghiqha eno atsütsü lo aghaküsa ghawu kükaqo sasü küpüghü ani.

Ephesiami 3:10

tishianguno akukuhou vecheo Alhou lokütsü, thokha kümtsü lo aghola kütüta lono pephe chekeu, pesü itehi ye kungulo yepemi eno aküka kumtomi lau kilethi tsüniye ke.

Galatiami 3:9

Tishiaye, khunono aküpülü ani keno, aküpülü timi Abraham gholono kümghatsü nanie.

YEKIKITHI ATUGHIU 4:10

Jabez no Israel Lhou lau ighamku pi, “O pelo I kümghatsü no I lughi pekhotsü, O u no alhoksa lono I süsho no I sache penishi, tishianguno aghime I lau ighi pemo niye ke.” Ikelo pa no kiu khu keno Alhou no pulotsüe.

ISAIAH 61:9

Pano tikughuko ye shiyeqo gholo ajekipi shi nani; eno panoqo lagha ye timiqo gholo ajekipi shi nani; panoqo ithulu kemi kümtsü no panongu ikhilu nani, eno panongu ye Ampeu launo ighi kemi ipi nani.

LESHELE 134:3

Ampeu, khuu kungugha eno ayeghi pulhosü keno, Pa pelo Zion lono nongu kümghatsü peniu!

John 17:21

tishianguno No, Apu no I lolo eno I no O lolo aketoi panongu kümtsü lakhi shilu peni, eno panongu ghi nikujo gholo apeni, tishianguno Nono I puwu kepi ayeghiqha no pülülu penie.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

YEKIKITHI ATUGHIU 29:20

Tishino David no aqomi azah tsü, “Ampeu nongu Lhou sheqhelo!” Eno kümtsü no pano puasü Lhou, Ampeu sheqhe, eno agigihu michishi panongu kütsü pishiqhope Ampeu ngo akükau tsü.

Ephesiami 1:17

Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

2 Kor. 11:31

Ampeu Jisü Papu Alhou khuu alholo akümghapu keno, Pa no ithi anike ni ye miki amoe.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

BOTHUBO 14:20

eno Shishe Akiqheu Lhou, Khuu no o ghümi pesü o u lo sütsü keno, Pa sheqhelo!” Eno Abram no thokha kümtsü lo chighi lo saje lakhi pa tsüe.

1 Kor. 12:12

Aphimpi lakhi lo aphiau jeli kutomo aketoi eno aphiau jeli kutomo no aphimpi lakhi lo aketoi, Khristo gholo ghi titoi ke.

Rommi 12:5

ningu ghi kutomo shi anamu Khristo küdau no aphimpi lakhi shiluve akehu pütüta müzülo lakhino lakhi sasü kütshükime luvae.

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

Ephesiami 1:10

Ti ye ado achipi lono kungugha eno ayeghi lo Pa no pulhosü keu kümtsü pesü Khristo lau kütshükime tsünike kughu püakeu ke.

2 Kor. 5:17

Tighenguno khukhumu Khristo gholo xükime luve aye, pa ye lhoxü kithe shivae. Aqau ye wovae; julo, akitheu ighivae.

Rommi 15:6

tishianguno nongu no asütsa lakhi lono ni Mpeu Jisü Khristo Papu Alhou juküvü shilu peni.

NEHEMIA 9:5

Tishino Levimi Jeshua, Kadmiel, Bani, Hashabneiah, Sherebiah, Hodiah, Shebaniah, eno Pethahiah noqo no pi, “Puthugho lo eno alho lono alholo Ampeu nongu Lhou shelo. O jekipi je sheqhelo, kughengu O je ye shekiqhe eno akishe kümtsü nguno akiqheu lo peqhe püanike.

IBRIMI 8:5

Panongu ye kungugha lo akimthe-a akeu julho kimihi lono shicheni. Kughengu Moses no aphiki shiniye akelo, Alhou no ishi pa mijetsü, “Naghuto lo o piye keu ghola lono thokha kümtsü shilo.”

FILIPIAMI 2:11

eno Apu Alhou jekipipu shi kümtsü kichi lono Jisü Khristo ye Ampeu kepi piphe nani.

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

IBRIMI 9:23

Kungughalo thime kimihi ye hitoike khuaye pesü shikimthe che, ikemu kungughalo thimeqo ye hinguno akiviu ghakishi pesü shiche.

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

John 14:20

Tipa tsalani I no I Pu lolo akeu, nongu no I lolo akeu eno I no nongu lolo akeu nongu no ithi nani.

Luke 2:28

Simeon no pa u lono pa khape luve no Alhou sheqhe eno pi,

YEKIKITHI AKINIU 31:8

Akükau Hezekiah ngo paw kijemi no ghekütsü püakeu ithulu kelo Ampeu sheqhe eno Israel kümgha tsü.