Ephesiami 1:22 - Sumi Naga CL (Re-edited) Bible (BSI)

²² Pa no itaghi thokha kümtsü pesü Khristo pukhu philo qhitsü, eno pa pelo ti kümtsü shou Ampeu shino akukuhou ghenguno akütsü shi peniye ikhiphe tsüe.

BAIBEL (BSI)

²² Alhou no thwokha Khristo pukhu qholo qhitsu eno akukuhou kumtsu shou Ampeu. akiqheu shipenike tsupuani.

Sümi Tiqhelimi Bible

²² Eno Alhou no thowkha kümtsü pa pukhu qholo qhitsü ke eno pa pelo akukuhou kümtsü shou akütsü shipe nikeu ghenguno süküsü shike,

Ephesiami 1:22 Referans Kwoze

Kolosiami 1:18

Pa no aphimpi, ti ye akukuhou, kütsü ke. Pa no hukuthuu, akithi lono xüthughive keu amsüu, ikehu thokha kümtsü lo pa no azüu ke.

Kolosiami 2:10

eno nongu ye pa launo chhikhoi luvae, pa no ayekipe eno kükagha kümtsü shou akütsü ke.

IBRIMI 2:8

thokha thime pesü pa pukhu philo qhitsüe.” Alhou no thokha pa qholo qhive tsükeu lo kiumu paw ghaküsü nguno khalau ye qhitsümoe. Itehi ningu ye thokha pa qholo akeu ithulu amphie.

Kolosiami 2:19

eno Khristo khuu Akütsü, khuu launo aphimpi kuchopu tuchomjo tsüno aqü anhü tshü küqhape Alhou launo ighikeu lono thukuu pesü thuwu lupe cheni keno, pa gholo kimepe move pecheni.

Ephesiami 5:23

Kughengu Khristo no akukuhou shou atou ketoi akimi no pa nipu shou atou ke; Khristo no pa phimpi, akukuhou Xakuluue.

1 Kor. 11:3

Ikemu ni ye nongu pelo ithi penishi akeu ye Khristo no kiptimi kümtsü shou akütsü ke, anipu shou ye li kimi no akütsü ke, eno Khristo shou Alhou no akütsü ke.

Apostolmi 20:28

Nongu ampi jukütsükiyi lo eno Aghungu Kimthe no nongu pesü khunoqo shou jukükütsümi shive akeno, aloji kümtsü jukuto lo. Alhou kukuhou kheu shilo, ti ye Pa no Pa ji pesü qhüluvae.

Ephesiami 3:21

tiqheli kümtsü lo ashekha-aghile küha akukuhou vecheo eno Khristo Jisü gholono Pa lau ajekipi apelo! Amen.

BOTHUBO 3:15

Atotiu ngo nokujo dolo eno o nuli ngo li nuli dolo I no kimthikile keu sütsüni; pa no o kütsü chisheda nani, eno nono pa phitsü mighi nani.”

1 Tim. 3:15

I no munuve kepu shinamu, nongu pelo Alhou kibo lo kishi mlaitha kepu keno ithi peniye ke; hi no aküxüpu Lhou kukuhou, kuchou tsükucho eno aboqha ke.

MATTHEW 16:18

I no o vilo piani, no ye Peter, eno atuqu hipau shou no I no I kukuhou shipukuni, eno Kithigha khagho ye tipau shou tomla nani.

LESHELE 91:13

Nono abongshuu eno tuopighi neda ghi chewu nani; o pukhu no abongshuu lhothe eno apighi qodaqhi nani.

Kolosiami 1:8

eno Aghungu lono nonguw kikimiye ningu lau piye tsüke.

LESHELE 110:1

Ampeu no I Mpeu vilo pi: “I no o ghümi pesü o pukhu kinepu shitsü moke kutolo I u ajeu iqalo.”