DANIEL 9:3 - Sumi Naga CL (Re-edited) Bible (BSI)

³ I no Ampeu Alhou lau I gi kugho puwo, akighini eno kümvü keu, yeqhiyephi ngo ayevu vecheo küpükini piye penike qhüiniju.

BAIBEL (BSI)

³ Ino yeqhiye phi upuzu ayevulo iqano kumvu imlo kuchopu suno AMPEU vilo inikhua.

DANIEL 9:3 Referans Kwoze

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.

ESTHER 4:16

“Wulo, Susa lo Jewmi ithulu keqo kümtsü hekütsü lo, eno I ghenguno kümvü lo, putho pucho tsala küthü chusho kevilo. Ni eno Iw lhothelimi ghi nongu toi kümvüni. Tishino ayezah hexa aghimu I no akükau lau wuni, eno tsala I pühave kepu shimu, ni ye pühaveni.”

EZRA 9:5

Eno avela ghakishi do ighi kelo ni ye I phimini küixü xapu kümvü tave, I no qhoqhünhe luve no Ampeu I Lhou lau I u xachhope

EZRA 10:6

Tithiu Ezra ye Alhou ki lono idechilesü Eliashib nu Jehohanan chebo lo wuve, pa ye asho chumo eno azü ghi yemo no putho tsala puwove kughengu pa ye haphe sawuve no ideighi kemi küpülü küküha ghenguno mloqa ae.

EZRA 8:21

Tithiu I no kümvüni ke Ahava ghoki lono asheshu, tishino ningu ampi no Alhou zülo aqhokighe shinike, eno Pa launo ningu ghüzüla, ni tianuli eno tinhemgha kümtsü süshotsü penike Pa phuni keu shie.

Apostolmi 10:30

Cornelius no pi, “Ishi bidi shive ake hipa tüqhüdo avelau ayi küthü kihelo, ni ye I ki lono akighini shiae. Tile timi lakhi metsüghoike phimini pepusü I zülo ipeghi,

Luke 2:37

eno tithiu chimemi shive no apunu mpe lhotache bidi shia. Li ye achineki qhive mono putho pucho kümvü eno akighini shi Alhou mllache.

JOYIL 2:12

Ampeu no pi, “Itehi nomu nongu mlo tsüqhiyi shino kümvü keu, aküqa eno akumlo lono I lau xaide ighilo;

JOYIL 1:13

Yeqhiyephi pepu no mlolo, O achinemiqo; igha qalo, O akiptia lo hukuthumiqo. Ilolo, puthotsü yeqhiyephi u lo, O I Lhou qemiqo! Kughengu athi eno atsaizü kümllagho ye nongu Lhou ki lono süchile luvae.

EZEKEL 36:37

“Ampeu Alhou no ishi piani: I no Israel kibolomi ghenguno shitsüni ke pano pelo ambeloji toi panow timiqo kughukotsü penike hi ghi I vilo khupe nani.

LESHELE 35:13

Ikemu ni ye, kughou panongu no küsükini shi akeno, I no yeqhiyephi pepuve; I no kükhümzü ni ampi ghime; I no akütsü pishiqhope inikhue.

DANIEL 6:10

Kughou Daniel no kiyepa lo jemchi süvae pi ithive keno, pa ye pa ki kunguu chebo lo alasheqo Jerusalem küdau khaqhipe qhi chekeu lo ikuve. Pa no azüu shiche ketoi, atsala lo ghuthu küthü qhoqhünhe no akighini shi eno pa Lhou zülo shikimthi tsüe.

NEHEMIA 9:1

Atsala muku abidini Israelmi no yeqhiyephi pepusü ayeghimkhu epe akütsü lo puku no kümvü ae.

ISAIAH 22:12

Ampeu aqokitikhi Lhou no tipa tsala pesü mloqa keu, asa miyepe yeqhiyephi pepu kepu shive tsüae.

DANIEL 9:2

pa yepe mpe atüghüu lo, ni, Daniel no Ampeu tsa tungkupu Jeremiah lau ighi keu kiqi lono Jerusalem pighive keu ashekha shinike zülo ampe kikihi khije wove aghi masa keno kakuqo lono phukidelu, ti ye, ampe lhotsüni.

DANIEL 9:4

I no Ampeu I Lhou lau inikhu eno axine piphe no pi, “O Ampeu, akughushu eno agigihupu Lhou, khunono Pa kimiye eno Pa yezah pape cheni keno tipaqo lau Paw puloshoqhi ngo iqemokeu kikimiye chekeu,

DANIEL 9:20

I no atsa pi eno akighini shi, I xine eno Iw timi Israelmi xine piphe, eno I Lhou kimthe toghi ghenguno I no qhüiniju akeu Ampeu I Lhou zülo süghi akelo,

JONAH 3:5

Nineveh lo timiqo no Alhou pülüve. Panongu no kümvüni ke asheshu, eno akijeu lono akitilau kutolo yeqhiyephi pepuve.

SAMUEL AKINIU 12:16

Tighenguno David no anu züqhushi Alhou phuwu. David no pa chebo lo ilove no kümvü eno puthotsü ayeghi lo ihozü.

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

MATTHEW 17:21

Ikemu akighini ngo kümvü keu likhino thono kiu nomu shimlae.”