DANIEL 9:27 - Sumi Naga CL (Re-edited) Bible (BSI)

²⁷ Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

BAIBEL (BSI)

²⁷ Akukau tipauno ampe tsuni ghenguno timi kutomo sasu visho mlaveno, ado tuxa wove kemtsa, heqhino mllachekeu eno akumllagho tsu chekeu lakhave tsu nani. Akumsapu lakhi shipe achineki mtalo qhi nani eno timi khuuno qhikeno, Alhou no pa kuxu do ashekhashi kutope qhipua tsukeu sasu kushomoke kutolo tile qhi puache nani.

DANIEL 9:27 Referans Kwoze

MATTHEW 24:15

“Ikehu kughou Daniel tungkupu no pikeu aphikümqhüpu julho no akimthe-a lo puthugho aghikeu nongu no ithuluni keno (phikulumi no akiqi ithikuthu luvelo),

Luke 21:20

“Kughou ghüshimi no Jerusalem boluve keu nongu no ithuluni keno, ti kütsaveni keu ye ighivae pi ithive lo.

DANIEL 12:11

Tsalakipe kümllagho ikhipe wuve kelono aphikümqhüpu julho no küghüküghaleive tsüni keu kutolo atsala 1,290 anani.

Mark 13:14

“Ikemu kughou kütsakungoni keu aphikümqhüpu julho no khile ngomo kepu alo puthugho aghi keu nongu no ithuluni keno (phikuluu no vethaluve lo), tile khunoqo no Judea lo aghini keno, ato yeghi lo povelo.

DANIEL 11:36

“Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

DANIEL 8:13

Tithiu akimtheu no atsa pikeu I no chilu, eno akimtheu lakhiu no I pütsa akeu vilo pi, “Kungunhetsü lono ithulu keu tsalakipe kipti kümllagho, axine no küghüküghaleive tsükeu, eno apukhu no qodaqhi peniye akimthe-a ngo aqokitikhi ikhiphe tsükeu ye ado khitohi ghenguno kea?”

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

Rommi 5:15

Ikemu kümsagho ngo akipimi küma ye aphiphi kumoe. Kughengu milakhi kipimi lono timi kutomo no thi püaghi aye, Alhouw küpükini eno Milakhiw kümsagho, ti ye Jisü Khristow küpükini lono tsükeu, huno alaushi timi kutomo ghenguno kupukuno shi ighivae.

MATTHEW 27:51

Eno julo, achineki lo kokütha tozü shi nhaqhiphi achekeu ye akütsüqa lono abophi kutolo ala kini shi ixü kütüta shive. Tishino ayeghi itha thuve eno atuquqo no ipo kütüta shive.

MATTHEW 26:28

kughengu hi ye timi kutomo xine qhitsü nike peleve keu Iw puloshoqhi ji ke.

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

ISAIAH 42:6

“Ni ye Ampeu; I no achipiu mikucho lono o kuluvae, I no o u sünhepe no o sasü chenani; I no o pesü puloshoqhi shi ghi timiqo lau tsü nani, shiyeqo ghenguno aküvü shitsü nani,

ISAIAH 28:22

Ikehu itehi ye thogha akevilo, tikumo aye nongu yikichhe ye mishishei kithe niae; kughengu aghakhu kuchopu kütsani keu xaküthaza I no aqokitikhi MPEU launo chiluvae.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

Rommi 11:26

Eno hipa ghola lono Israelmi kümtsü xaluve nani, ti ye ishi yepüake toi, “Xaphekuluu ye Zion lono ighi nani, Pa no Jacob lagha launo küsakügha ikhive tsü nani”;

Rommi 5:19

Kughengu timi lakhiw hekibide ghenguno kutomo pesü axinemi shivepe ketoi Timi lakhiu ghokulu ghenguno kutomo pesü achipikalupe nani.

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

JEREMIYA 7:30

“Judah nuliqo no I zülo alhoksa kümla shivae, Ampeu no asheshu. Panongu no I je lono kukeu ki shipixive tsünike kuchhube keu thimeqo ghope qhie.

DANIEL 11:31

Pa launo ghüshimi ipeghi nani eno achineki ngo aliwo shipüthave nani, eno akipti kümllagho ikhipe wuve nani. Panongu no aphikümqhüpu khipau no küghüküghaleive tsü keno tipau shiqhe nani.

HOSIYA 3:4

Kughengu Israel tianuliqo ye atsala kutomo akükau momu kükapumi kühano xünani, aghakishi momu chini kepu tsükucho küha nani, ajulho shisükeu momu asü atu julho pe asaqhi chekeu kühave nani.

AKIKIHI 7:62

ameshoyi khu gram 110 lo akiptita chhitoi;

ISAIAH 28:15

Nongu no pike, “Ningu ye akithi sasü puloshoqhi shivae, eno Kithigha sasü puloküqhavae, aghümi no züqozü toi yimi ighimu nino akimki eno pishikiqhi lono sükusho qholo ngove akeke ningu shou kiumu shilumo nani”;

DANIEL 7:25

Pa no Shishe Akiqheu lachile keu tsa pi nani, eno Shishe Akiqheuw akimthemi ghimeqhi nani, ado ngo ayezah kiliveni keu kughu nani; eno panoqo ye atüqhüdo, atüqhüdoqo eno atüqhüdo tüxa ghenguno pa u lo süvetsü nani.