DANIEL 9:26 - Sumi Naga CL (Re-edited) Bible (BSI)

²⁶ Apinedo lhotsügho kini thiu, nukisheve keu hu ye heqhive nani eno kiumu kühave nani. Eno ighini ye akeu kükapuuw timiqo no mishighüna eno akimthe chineki kütsave nani. Züqozü gholono pa shekuho ighi nani, eno tipau kishekha nike ghenguno aghükishi anani. Pighiveni keu za tsüvae.

BAIBEL (BSI)

²⁶ Ado tipau ashekhalo Alhou no kishephe keu sakipheu akipimi kuhamu heqhive nani. Ighono akuka kua kukami wu ghushimino leighi kelono aphughi eno achineki kutsave tsu nani. Amghazu qole ighi keshi puhave tsunikeu ighi nani, Alhou no kuto pua keu lono aghu eno shikupsa sughi tsu nani.

DANIEL 9:26 Referans Kwoze

NAHUM 1:8

Ikemu Pa no züqozü kije pesü aghümi qhoi kishekhave tsü nani, Pa ghümi hasü aküzü lo ilo nani.

ISAIAH 53:8

Nedaqoda eno küghakütha vecheo Pa sasü wuve; eno paw tiqhelimi dolo khuu no pa ye timiqo xine ghenguno küxümi yeghi lono pithive kepi kümsü kea?

Mark 13:2

Jisü no pa vilo pi, “No ye aki kuloghi hipaqo juani kea? Atu lakhimu lakhi shou küqakile mono qhoi kütsa khave nani.”

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

Luke 24:26

Khristo ye aghime hipaqo sholu paghino pa juküvü lo iloni keu shike kumo?”

Mark 9:12

Pa no khochile, “Elijah paghi no thokha kümtsü athoputho tsünike cheni. Maye kushiye Timi Nu no aghime shimasa keu eno pa kiphikumo shi kileveni keu ghili yepüani kea?

MATTHEW 24:2

Panongu vilo pa no pi, “Nongu ye hi kümtsü ithulu anima? Kuchou no I no nongu vilo piani, hile atu lakhimu lakhi shou küqape ngomo no qhoi tuleqhive nani.”

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

Galatiami 3:13

Khristo no ni ghenguno angusüu shive no Ayezah lo müsüini keu lono ningu qhüchile luve—kughengu ishi yepüani, “Khuu no asübo lono tshüqhi pithiveni keno pa ye müsüinivae”—

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

DANIEL 11:10

“Pa nuliqo no aghü küpüghü nani eno ghüshimi aqokitikhi lakhi hekütsü kumqo nani, tipaqo no qole-qole ighi nani, eno paw sükusho-a kutolo itaghi aghü shisü ighi nani.

DANIEL 9:27

Apinedo lakhi ghenguno pa no kutomo sasü puloshoqhi kumto mla nani eno apinedo tüxa ghenguno pa no aghakishi ngo akümllagho lakhave nani. Eno aphikümqhüpu chishibo lono kütsakungo nikeu ighi nani, eno kishekhani keu za shi püakeu huno pa shou lepuku tsümoke kutolo pa ye tile anani.”

ISAIAH 8:7

julo, Ampeu no Aghoki zü kümka eno züqozü toikeu, Assyria kükau ngo paw ghüshimi kümtsü, sasü panoqo lau cheni. Tino azülaki eno aghoki mkü vesü ikughive nani,

1 Peter 2:21

Kughengu nongu ye hipau lo kuluvae, Khristo ghi nongu ghenguno imeve kehu kichekipiye shi nongu lau qhi püatsü ae, tishianguno nongu no Pa nepa papelu peniye ke.

John 14:30

Ni ye nongu sasü ado kushuo nongu pütsa moae, kughengu hipa yeghi yepeu cheae. Pa ye I shou aküka kiumu küha,

Luke 24:46

eno pi, “Ishi yepüani, Khristo ye aghime shino aküthüni no akithi lono xüthughi masae,

Luke 21:24

Panongu ye ghüyi lono wove nani, panongu küghape akughumi shisü shiye gholo wuve nani, eno Jewkumomi do-ghuloki tomoke kutolo panongu no Jerusalem nedaqoda nani.

Mark 13:7

Kughou nongu no aghüshi sütsa eno uyeu ghüshi sütsa chiluni keno, khilemu amlo hau kevilo. Hi ye ighini pütsae, ikemu ashekuho ye kumphie.

MATTHEW 22:7

Akükau no axuidepe paw ghüshimi puwu no hekiqhimi tipaqo pithive eno pano phughi pitive tsü.

MATTHEW 22:2

“Kungugha yekipe ye kükami lakhi no pa nu ghenguno külakupu ghulhu kutotsü ketoi ke.

AMUS 9:5

Ampeu, aqokitikhi Lhou, Pa no ayeghi bukelo pitikümlave cheni eno tile akemi kümtsü no mloqa cheni, panoqo no Nile züghi toi ikughi eno itaghi Egypt lo Nile züghi toi iqüilove cheni;

AMUS 8:8

Hi ghenguno ayeghi ye itha moni keshea, tile akemi kümtsü mloqa moni keshea? Ayeghi kümtsü no Nile züghi toi fukucho ithughi no itaghi Egypt lo Nile züghi toi ikiqi ilo nani.”

HOSIYA 1:9

Eno Ampeu no pi, “pa je ye Lo-ammi kutsülo, kughengu nongu ye Iw timi kumoe, eno Ni ye nongu Lhou kumoe.”

JEREMIYA 46:7

“Nile züghi fukukucho toi ithu chekeu ye khuu kea?

LESHELE 22:15

I kumto ye alitsa toi qhaivae, eno I mili ye I mükhüghi lo meda luvae; Nono akithi yeghimkhu lo I qhive ke.

Luke 21:6

Jisü no pi, “Nongu no itehi hile kiu ithulu ani keno atu lakhimu lakhi shou küqape ngomoni keu tsala ighi nani.”

MATTHEW 23:38

Julo, o phughi ye küghüvae.

DANIEL 11:17

Pa no pa kükaqha kumto kümtsü pesü ighi nani, eno pa no puloküqhani keu khuaye peighi nani eno tipaqo shi nani. Pa no kükaqha kütsaveni ye totimi nga pa tsü nani, ikemu tipaqo ye tomlave nani momu pa vehupu shimla nani.

JEREMIYA 51:42

Azüghi fukukucho no Babylon küzüpho luvae.

DANIEL 11:22

Ghüshimi eno puloshoqhi kükapuu ghi pa zülono qhoi joleve eno kütsave nani.

SAMUEL AKINIU 21:5

Panongu no akükau vilo pi, “Khuu no ningu kütsave niye kughu eno Israel yeghi kupuju lo ningu-a qhitsü moniye shikeno,

ISAIAH 28:2

Julo, pasapagha lo mürasü qikeu no kütsale chekeshi, tsüqhu-tsüghu keu züno aqha kuchopu kuchole ighi keshi, Ampeu no aküka kumtomi lakhi puwu no pa u no panoqo pesü ayeghi lo vedape nani.

ISAIAH 28:22

Ikehu itehi ye thogha akevilo, tikumo aye nongu yikichhe ye mishishei kithe niae; kughengu aghakhu kuchopu kütsani keu xaküthaza I no aqokitikhi MPEU launo chiluvae.

DANIEL 11:36

“Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.