DANIEL 9:18 - Sumi Naga CL (Re-edited) Bible (BSI)

¹⁸ O I Lhou, O kini kugho puwolo eno inilo. O nhethi xükho no nino küghüküghalei akeu, eno mishighüna O je lono ku püakeu julo. Kughengu ningu mikucho ghenguno ningu ye O zülo qhüiniju keu hipau süghi anike kumoe, ikemu Ow kikimiye kije akeu ghenguno ke.

BAIBEL (BSI)

¹⁸ Nitsa iniju tsulo, O Alhou, nilau jupuwo tsulo nino ime akeu eno ojelono achekeu phughi ghimeqo jutsulo. Nino achipilo shilukeu ghenguno kumoe, ikemu nono kimiye kiniuke ghengu ovilo inikhu ani.

DANIEL 9:18 Referans Kwoze

ISAIAH 37:17

O kini kughope ini tsülo O Ampeu; O nhethi tsükhope ju tsülo O Ampeu; eno Sennacherib no aküxüküa Lhou thogha nike atsa khikhi pi puwu ani keno, kümtsü ini tsülo.

JEREMIYA 36:7

Ishiake panongu no kimiye tsü penike Ampeu zülo qhüiniju luvi, eno kümtsü no Ampeu mlokighide eno aloghu panongu shou shuphe püakeu no kije kehu pano kümla lhoksa lono tsüghü ighi luvike.”

JEREMIYA 25:29

Kughengu julo, I no I je lono kukeu mishighüna lo amhekiqi kümla huthu kelo o ghime moveni keshea? O ghime nani pütsae, kughengu I no ayeghi lo küxümi kümtsü ghime nike azütakikihi ku ani, ipi aqokitikhi MPEU no sheshu.’

KUKAMI AKINIU 19:16

O Ampeu, O kini kughope inilo, O Ampeu, O nhethi tsükho no julo, eno Sennacherib tsa khikhi pa no aküxüküa Lhou thaigha niye pi puwu keno initsü lo.

EZEKEL 36:32

I no mla niye akeu ye nongu ghenguno ke kumoe pi ithilo, Ampeu Alhou no asheshu. O Israel kibolomi, nongu laghi ghenguno kujo eno ighü alo.

JEREMIYA 15:16

O tsa phulu kelo I no chuve, eno O tsa no I lopivi tsüno I mlo züküvüpu shitsüe, kughengu O je lono I kulue, O Ampeu, aqokitikhi Lhou.

JEREMIYA 14:7

“Ni xine no ni shou thopi shi ani, O Ampeu, O je lono kiuala shitsü lo; kughengu niw hekibide no ihuloe; nino O shou axine shivae.

1 Kor. 1:2

Corinth lo Alhou kukuhou, Khristo Jisü launo shikimtheve kemi, aqha kümtsü lo ni Mpeu Jisü Khristo jeku chekemi gholo süküqha no küpülümi shipenike kuluve keqo lau ye ani:

JEREMIYA 37:20

Itehi kimiyeno inilo, O I mpeu akükau: I no aqhokigheu lono o qhüiniju akeu ye akiyeu Jonathan kilo I puwu kithe kevilo, tikumo aye ni ye tileno thiniae.”

JEREMIYA 14:9

No ye kushiye timi lakhi no avehu izüveke toi, xamlani keu ghütomi toi ani kea? Ikeghi, O Ampeu, No ye ni gholo ani, nino O je ku anike ni qhivetsü kevilo.”

ISAIAH 64:6

Ningu kümtsü no mithemo kemi toivae, eno ni mikucho ye niqhinilai keu phinhe toivae. Ningu ye asünipa ighiqive keu toivae, eno ni xine no amülhü toi ni sasü wuvae.

KUKAMI ATUGHIU 8:29

O nhethi no putho pucho aki hipau lo jupuku tsülo, a-a hipau ye Nono, ‘I je ye tilehi anani,’ ipi kehu o qeu no a-a hipau küdau juno inikhu kelo chilu tsülo.

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

ISAIAH 64:12

O Ampeu, No ye hipaqo jupe O likhi O hakha ani keshea? No ye inaqhoi ngove no ni pelo aghimeshi apeni keshea?

LESHELE 116:1

Ni ye Ampeu kimiye cheni, kughengu kimiyeqhiyi tsü penike I no qhüiniju keu sütsa Pa no chilu tsü cheni.

DANIEL 9:7

O Ampeu, achipiu mikucho ye Ow, ikemu ishi tsala lo Judahmi, Jerusalem lo küxümi, eno Israelmi, Nono aphivilo eno putou aghakhu kümtsü lo hapupove keqo no O pishiqhive kehu, ningu ghengu ye ikhikiphe kukujopu shivae.

AKIKIHI 6:27

“Panongu no hitoi I je pesü Israelmi shou beni, eno I no panongu kümgha tsüni.”

LESHELE 25:6

Ow kimiyekini eno iqemokeu kikimiye kümsü lulo O Ampeu, kughengu tipaqo ye khaghi no tishi cheghi ke.

ISAIAH 43:7

panongu ye I je ku püani, I juküvüpu shi peniye I no pano koghe lhophe tsüke.”

EZEKEL 36:22

“Tighenguno Israel kibolomi vilo pilo, Ampeu Alhou no ishi piani: O Israel kibolomi, I no mla niye akeu ye nongu ghenguno kumono nongu no shiye khunoqo gholo ighi keno panoqo zülo shipixive keu I je kimthe ghenguno ke.