DANIEL 7:9 - Sumi Naga CL (Re-edited) Bible (BSI)

⁹ “I no ju akeloye, kükalakhüqo kutope qhi, eno alholo lo achekeu no Pa lakhü ikhiluve; Pa phimini ye mürasü toi metsüghoi, eno Pa kütsü lo asa ye amhiyeho akiviu toi; Pa kükalakhü ye ami mili iqü aketoi; tipau kuluho no amiküqü ke.

BAIBEL (BSI)

⁹ Ino ju akelono, akuka lakhuqo kutope qhiwo. Alholo acheghi keu lakhi huno akuka lakhuqo dolo lakhilo iqave. Pa phimini murasu toi metsughoi, pa sano amhiyeho akiviu toi, pa kuka lakhuye ami toi keu yeghikilu pukhuno mutu qhepe vuqai iqua.

DANIEL 7:9 Referans Kwoze

Piyeküsü 1:14

Pa kütsüsa ye metsüghoi asüpha kimiye, mürasü toi. Pa nhethi no ami mili toi,

Mark 9:3

pa phimini no phuphushi ipeghive no ayeghi lo aphimini shikütsüghü chekeu thime nomu shimla kepushi shishe metsüghoive.

MATTHEW 17:2

Eno panoqo zülono Jisü ye ajuhi kilive, pa gino khetsünhe toi vüqaive eno pa phimini no aküvü toi metsüghoive.

MICAH 5:2

Ikemu O Bethlehem Ephrathah, no khuu Judah lagha gholo aghulou keno, I ghenguno Israel lo yepeu shiniye akeu lakhi o launo ighi nani, Pa ighini keu ye khaghi mulhou tsae.

DANIEL 7:22

ti ye Alholo Achekeu no ighi no Shishe Akiqheuw akimthemi ghenguno xakütha tsü eno akimthemi no kükaqha qhasülu moke kutolo ke.

DANIEL 7:13

“Putho lono I no kungunhetsü ithulue, eno julo, timi nu toike lakhi, atsütsü lo khüngküsü lono ighi, Pa no Alholo Achekeu lau ighi eno Pa zülo ngoluve.

Piyeküsü 19:18

kükami shi chukepu shi, keptenqo shi, akumtomi shi, khurshi ngo tipau sakichemi shi, timi shi, ti ye ililai kemi eno aqüaxemi, kijemi eno kitilami, kümtsü shi chukepu shilo.”

FILIPIAMI 3:9

püzü pa laumi shilu niye ke, ti ye I mikucho, Ayezah pelu keu lono ighikeu kumono aküpülü vecheo Khristo launo ighikeu, khikhi aküpülü shou bepe acheni keno achipiu-mikucho ti Alhou launo ighikeu huke.

Apostolmi 2:33

Pa süqhepe Alhou u ajeu qhive no Apu launo Aghungu Kimthe piqhi püakeu ithulu kethiu, nongu ampi no ithulu eno chilu akeu hi ye pa no ningu shou lepuku tsükeu ke.

Apostolmi 2:30

Pa ye tungkupmi, eno pa lagha lo milakhi no pa kükalakhü lo ngo nanie pi Alhou no tushoqhi keu pa no ithi akehu,

HABAKUK 1:12

O Ampeu I Lhou, Iw Akimtheu, No ye pülhapuju acheni kekumo kea? Ningu ye thimo nani. O Ampeu, Nono küghatha nike panoqo süsüe, O Atuqu, Nono sakiyini ye panoqo puthuphe ke.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.

LESHELE 90:2

Naghutoqo lho mphi lono, ayeghi eno ayeghiqha pulhosü mphi lono, pülhapuju lono pülhapuju lo No ye Alhou ke.

1 Tim. 6:16

Pa likhino thimoni keu küka ani, Pa ye aphivilo wumla keu küvü lo acheni, khunomu pa ithulu mphi eno Pa shou jupuku mlae. Agigihu eno lhokta kükaqha, Pa lau alo. Amen.

LESHELE 45:8

Ow chijeboike phi ye myrrh, aloe, eno cassia xono chhitoi. Akühaghi no ananu shikeu kighiki lo akighilebo no o lopivi tsüe;

1 John 1:5

Ningu no Anu launo chilu püzü nongu lau pikülha akeu tsape ye hike: Alhou ye aküvü, eno Pa küdau ye khilemu aküzü kühae.

MATTHEW 28:3

Pa koghe ye tsütsüpha toi eno pa phimini no mürasü toi metsüghoike.

Piyeküsü 4:2

Paikhavi Aghungu no I peitha luve, eno julo, kungugha lo kükalakhü aghi eno timi lakhino tile iqa aghi.

Piyeküsü 20:4

Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.

KUKAMI ATUGHIU 22:19

Eno Micaiah no pi, “Tighenguno Ampeu tsa inilo: Ampeu no Pa kükalakhü lo iqa akeu, eno Paw kungumi no Pa u piyiu ngo ajeu puthugho akeu I no ithulu,

YEKIKITHI AKINIU 18:18

Micaiah no pi, “Tighenguno Ampeu tsa inilo: Ampeu no Pa kükalakhü lo iqa, eno Paw kungumi no Pa u piyiu ngo ajeu puthugho akeu I no ithulue.

EZEKEL 1:26

Tipaqo kütsü shou aliho lo kükalakhü toike lakhi ae, tipau ye sapphire tu mihi; eno kükalakhü toike shou timi jukimihi toike lakhi no iqa ae.

LESHELE 93:2

O kükalakhü ye mulho lono shosüvae; No ye shekhaha acheghi ke.

ISAIAH 6:1

Akükau Uzziah kithi mpe lo Ampeu no chuqumghaike-a lo Pa kükalakhü lo iqa aghikeu I no ithulu; Pa phishe no achineki nhape ae.

JEREMIYA 49:38

I no Elam lo I kükalakhü qhinani eno pano kükau ngo hiyampemi kütsaleve nani, ipi Ampeu no sheshu.