DANIEL 7:28 - Sumi Naga CL (Re-edited) Bible (BSI)

²⁸ “Hi no avehu kishekhave ani. Ni, Daniel ghengu ye, I kükümsü no ighono I shithüghüive eno I ju ye kilive, ikemu I no hipa vehu I mlo lo qhiluve.”

BAIBEL (BSI)

²⁸ Ino yepe qhikeu hino ashekha. Niye akumsano ajimu kuha ketoi phalaive eno tipaqo kumtsu imlolo qhiluve.

DANIEL 7:28 Referans Kwoze

Luke 2:51

Tileno pa ye pama gholono Nazareth lo iqive no pama qhoqhü ache. Paza no hi kuchopu amlo lo süpuluve.

Luke 2:19

Mary no hipa vehu kümtsü li mlo lo süpuluve no kümsükuto ache.

DANIEL 10:8

Tighenguno ni ye I likhive eno kungunhetsü kije hi ithulu, eno I lolo aküka kühave. I gi küvü ye akümsapu shi kilive, eno ni ye aküka kühave.

DANIEL 8:27

Eno ni, Daniel, ye atsala hami süve no ihozüve. Tithiu ni ye ithughive no akükau kümlapu lo wuve, ikemu ni ye kungunhetsü ghenguno aveghüzü shino tipau vethamlave.

DANIEL 7:15

“Ni, Daniel ye, I lolo I ghungu no kütakihi ae, eno kungunhetsü hu no I shithüghüive.

DANIEL 4:19

Tishino Daniel, khuu je Belteshazzar keno, pa ye ado hami aghüthisüve, eno pa kükümsü no pa shithüghüive. Akükau no pi, “Belteshazzar, asamo eno tipau hekupho no o shithüghüi pe kevilo.” Belteshazzar no khochile no pi, “I mpeu, asamo hu ye khunono o mithi cheni keno panoqo ghenguno shi aghive peniu, eno tipau hekupho no o ghümiqo ghenguno shi aghive peniu!

Luke 9:44

“Nongu kini lo atsa hipaqo ilolu pelo: Timi Nu ye küghape timiqo u lo süve tsüniye shivae.”

Mark 9:15

Aqokitikhi no Jisü ithulu kelo panongu ye shishe akümzave no mtazü pa lau posü wuno petha shi.

DANIEL 12:13

Ikemu ashekha kutolo o la lo chechelo. Eno no ye akulhoqhilu nani eno ashekha tsala lo o ghenguno kuto püakeu-a lo puthugholu nani.”

DANIEL 12:9

Pa no pi, “O la lo wuvelo, Daniel, kughengu ashekha do ighi moke kutolo atsa huye khathave eno mekhape qhivae.

DANIEL 11:27

Akükau pama mlo ye küsakügha shini keu likhi nani. Aghulhu lüpa lakhi lono pama ye akimki tsa pi nani, ikemu kiu vehumu shilumo nani, kughengu ashekha ghuloki ye kihitha püakeu dolono ighini aphike.

DANIEL 8:19

Pa no pi, “Julo, axukighide ashekha lo kiu shive nani keno I no o pelo ithi peni, hipau ye ashekha do kughu püakeu kimji ghenguno ke.

DANIEL 8:17

Ikehu pa no I no khile puthugho akeno tile ighi. Kughou pa no ighi keno, ni ye msave eno I gi pishiqho luve. Ikemu pa no I vilo pi, “O timi nu, kungunhetsü hu ye ashekha ghuloki ghenguno kepi vethalulo.”

DANIEL 5:6

Tileno akükau ju ye kilive, eno pa kükümsü no pa shithüghüive; pa phiau no thizümüive no pa khonhe no kügha thuve.

BOTHUBO 37:10

Ikemu kughou pa no tipau pa pu ngo pa mu noqo vilo pi keno, pa pu no lomipi no pa vilo pi, “Nono asamo pumo keu hi ye kiu kea? Ni eno o za ngo o mu noqo ye kuchou no ighi no o zülo ayeghi lo pishiqhoni keshea?”

BOTHUBO 37:11

Pa mu noqo ye pa ju anheshuve, ikemu pa pu no atsa hipaqo pa mlo lo qhiluve.

DANIEL 8:1

Akükau Belshazzar yepe mpe aküthüu lo kungunhetsü lakhi atüghü lo I piyeve kethiu, itaghi ni, Daniel lau ipeghi piye.

DANIEL 10:16

Eno julo, timi nuliqo jukimihi lakhi no I mütsü butsü. Tile I no I kichi xükho no pi. I no khuu I zülo puthugho akeno pa vilo pi, “O I mpeu, kungunhetsü kiqi ghenguno aghime I shou ikughivae, eno ni ye aküka kühavae.

DANIEL 4:16

Pa kükümsü ye timi kükümsü kumono kilive pelo, tüghashi kükümsü pa tsüvelo; eno kihiküthado tsüni no pa hecheve pelo.