DANIEL 7:27 - Sumi Naga CL (Re-edited) Bible (BSI)

²⁷ Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

BAIBEL (BSI)

²⁷ Ayeghilo akuka kughushu ajekipi kumtsu kughape Akughushu Lhou wu timiqo tsuve nani. Panongu yehkipe kuka ashekha kuha nani eno ayeghilo kukami kumtsu pa huthu pa gholu nani.”

DANIEL 7:27 Referans Kwoze

LESHELE 72:11

Kükami kümtsü pelo pa zülo qhoqhünhe pelo, eno shiye kümtsü pelo pa qe pelo!

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

Luke 1:33

eno pa no pülhapuju Jacob lagha shou ayepe nani, eno pa yekipe ye khilemu kishekhave monani.”

DANIEL 7:14

Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

LESHELE 22:27

Ashiaye kümtsü no kümsülu eno Ampeu lau xaidelo, shiye jeli kümtsü no O zülono O mlla nani.

DANIEL 7:18

Ikemu Shishe Akiqheuw akimthemi no kükaqha ikhiluve no alhokupuju, alholo eno pülhapuju kükaqha pe acheuve nani.’

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

LESHELE 145:13

O kükaqha ye lhokta kükaqha, eno O yekipeqha ye tiqheli kümtsü lo acheni. Ampeu ye Pa tsa lo pükhükulupu ke, eno Pa kümla kümtsü lo kimiyekini ke.

LESHELE 86:9

Nono shiye lhokemi kümtsü no O zülo ighi no itsaqi O mlla nani, O Ampeu, eno O je sheqhe nani.

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.

DANIEL 7:22

ti ye Alholo Achekeu no ighi no Shishe Akiqheuw akimthemi ghenguno xakütha tsü eno akimthemi no kükaqha qhasülu moke kutolo ke.

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

ZEKHARIA 14:9

Ampeu no ayeghiqha kümtsü shou akükau shive nani. Tipa tsalani Ampeu ye lakhi eno Pa je ye lakhi shive nani.

ISAIAH 54:3

Kughengu no ye o u piyiu eno ajeu küdau ikowove nani; eno o polokiqi no shiyeqo qhasüve nani eno mishighüna kümsa akeqo shepichhive nani.

Piyeküsü 22:5

Tile ye putho kühave nani. Panongu ye akulu momu khetsünhe küvü avehupu shimoae, kughengu Ampeu Alhou no pano küvü shi nani eno panongu no pülhapuju eno alholo ayepe cheuve nani.

John 12:34

Ikehu aqokitikhi no pa khochile, “Ningu no Ayezah lono chiluke Khristo ye alholo ache nani ipie. Tishiaye no ye kishino Timi Nu ye ikhiqhe luve masae piani kea? Timi Nu huye khuu kea?”

Obadiah 1:21

Xaluve kemi no Esau Toghi lo ayepe nike Zion Toghi lo iku nani, eno kükaqha ye Ampeuw shive nani.

DANIEL 4:34

Ado ashekha shive kethiu, ni, Nebuchadnezzar no atsütsü lo I nhethi tsüpuku, eno I kükümsü ye I lau idechile ighive, I no Shishe Akiqheu, khuu pülhapuju xü acheni keno, Pa sheqhe eno agigihu tsü, kughengu Pa yekipeqha ye pülhapuju yekipeqha ke, eno Pa kükaqha ye tiqheli no tiqheli kutolo acheni;

Piyeküsü 20:4

Tishino I no kükalakhüqo ithulu, eno küghathabe kepu kükagha pesü khuno tsüpüa keno panoqo no tile iqa aghi. Itaghi timi khunoqo Jisü shepekishi ghenguno, Alhou tsa shekushu ghenguno, tüghashi momu tipau julho mllamo eno pano kishe lo momu au lo amchipu shimoke ghenguno ghiqhi khave keno, tipaqo ngulho I no ithulu. Panongu ye xüchile luve no Khristo gholo ampe qhethonhe ayepe thuve.

1 Kor. 15:24

Eno kughou Pa no ayekipe, kükagha, eno aküka kümtsa kütsave kethiu kükaqha pesü Apu Alhou tsüveni keno, tileno ashekha tsala ighi nani.

Piyeküsü 11:1

Tishino aqheküsü toike akimghipu süta lakhi pesü I tsüno I vilo pi, “Ithu no Alhou chineki eno akiptia ngo tile mlla chekemi mighi julo,

ISAIAH 14:2

Ashiayeqo no Israelmi sasü pano yeghi lo ighi nani, eno Ampeu yeghi lo Israel laghami no ashiayeqo aqüaxemi shi saluve nani. Inahuu khunono pano qhasü eno nedaqoda püa keno, itehi ye pano no tipaqo shou ayepe nani.

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.