DANIEL 7:14 - Sumi Naga CL (Re-edited) Bible (BSI)

¹⁴ Ayekipeqha, ajuküvü, eno kükaqha pesü Pa tsüve, tishino ashiaye, shiye eno atsa jeli kümtsü no Pa huthu nani; Pa yekipeqha ye alholo achekeu, ti ye kühave monani, eno Pa kükaqha ye kütsave monani.

BAIBEL (BSI)

¹⁴ Akuka, agigihu eno ayehkipe kuka pe pa tsuve, ayeghiqhalo timi kumtsu, shiyeh kumtsu ali kumtsu eno atsa jeli kumtsu paqe peniye ke. Pa kukaye alholo acheni keu eno pa kukaqhaye khilemu ashekha shivemoe.

DANIEL 7:14 Referans Kwoze

Piyeküsü 11:15

Tileno kungumi akütsüniu no pa fuko küigha kelo kungugha lono asütsa vekipighi pi, “Ayeghiqha yekipe ye ni Mpeu eno Paw Khristo yekipe shivae, eno Pa no alholo eno pülhapuju ayepe nani.”

DANIEL 7:27

Kükaqha ngo ayekipeqha eno atsütsü qholo kükaqhaqo kughushu ye Shishe Akiqheuw akimthemi shiayeqo tsüve nani; pa kükaqha ye lhokta kükaqha shi nani, eno ayekipeqha kümtsü no pa qe eno gholu nani.’

John 3:35

Apu no Anu kimiye eno thokha kümtsü pesü pa u lo süvetsü.

DANIEL 2:44

Eno kükami tipaqo ghuloki lono kungugha Lhou no kükaqha lakhi shiqhe nani, ti ye khilemu kütsave monani momu timi kütami lau phesüve monani. Tino kükaqha hipaqo kümtsü kubopinyive nani eno kishekhave tsü nani, eno ti ye alholo puthugho nani,

IBRIMI 12:28

Tighenguno ningu süküghütha mlakeu yekipe ithulu ke ghenguno shikimthi ani nolo, tishikeu lono msaighü qhiyi Alhou lau ikhikulupu kümlla shini nolo,

Piyeküsü 17:14

Panongu no Ambeti sasü aghüshi nani kemu Ambeti no pano theqhive nani, kughengu Pa ye ampemi shou Ampeu eno kükami shou Akükau, eno Pa gholo kichemi ye kuluve kemi, kishekiphemi eno pükhükulumi ke.”

MATTHEW 28:18

Jisü no kupunu ighi no panoqo vilo pi, “Kungugha lo ngo ayeghi lo kükagha kümtsü I tsüvae.

MATTHEW 11:27

I pu no thime hi kümtsü pesü I lau kuchoqhive tsüae, Apu likhino kumo aye khunomu Anu mthae, tihutoi Anu eno pa gholo khukhumu pa no Apu ithi penike kishephe keu no kumo aye khunomu Apu mthae.

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

Luke 1:33

eno pa no pülhapuju Jacob lagha shou ayepe nani, eno pa yekipe ye khilemu kishekhave monani.”

MICAH 4:7

ala chemlave kemi pesü I no ghükulumi shive nani, eno hapupove kemi pesü akumto shiye shive nani; Ampeu no Zion lono hipa ghuloki lono alholo panoqo shou ayepe nani.

Obadiah 1:21

Xaluve kemi no Esau Toghi lo ayepe nike Zion Toghi lo iku nani, eno kükaqha ye Ampeuw shive nani.

DANIEL 3:4

Chhochhou no mghachhoi sheshu, “Azah nongu tsü ani, O ashiaye, shiye, eno atsa jeliqo,

DANIEL 2:35

Tithiu ayi, aghani, alazayi, ghükayi eno ameshoyi kümtsü aleqhi shi kümtsa kubove, eno mütsü tusho lo aniqa lo amuu toive no amülhü no tipaqo fusawuve, tishi kehu tipaqo ye kitilamu apashe mlave. Ikemu atu khipau no ajulho vephove keno ti ye naghuto kije lakhi shive eno ayeghiqha kümtsü nhachhive.

ISAIAH 60:12

Kughengu shiye momu kükaqha khipaqo no nongu qemoni keno, tipaqo ye qhoi püghave nani.

LESHELE 146:10

Ampeu no alhokupuju ayepe nani, O Zion, O Lhou no tiqheli kümtsü lo ayepe nani. Ampeu sheqhelo!

LESHELE 145:13

O kükaqha ye lhokta kükaqha, eno O yekipeqha ye tiqheli kümtsü lo acheni. Ampeu ye Pa tsa lo pükhükulupu ke, eno Pa kümla kümtsü lo kimiyekini ke.

LESHELE 45:6

O Alhou, O kükalakhü ye alhokupuju eno alholo ke. O kükaküsü ye achipiu küsü ke;

LESHELE 8:6

Nono pa pelo O u lo kümla shou yepeu shive peae; Nono thime kümtsü pesü pa pukhu philo qhive tsüae,

John 12:34

Ikehu aqokitikhi no pa khochile, “Ningu no Ayezah lono chiluke Khristo ye alholo ache nani ipie. Tishiaye no ye kishino Timi Nu ye ikhiqhe luve masae piani kea? Timi Nu huye khuu kea?”

Luke 10:22

I Pu no thokha kümtsü pesü I u lo süve tsüae; Apu likhino thono khumu Anu ye khuu keno mthae, momu Anu, eno khukhumu Pa no piyeni ke kishelu keu likhino thono khumu Apu ye khuu keno mthae.”

DANIEL 7:18

Ikemu Shishe Akiqheuw akimthemi no kükaqha ikhiluve no alhokupuju, alholo eno pülhapuju kükaqha pe acheuve nani.’

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

DANIEL 4:3

Paw amchipuqo ye kishi kije, Paw akümzapuqo ye kishi akughushu kelae! Pa kükaqha ye lhokta kükaqha, eno Pa yekipeqha ye tiqheli no tiqheli kutolo acheni.

LESHELE 102:22

kughou ashiaye eno kükaqhaqo no kümtsa hekütsü kumqo no Ampeu mlla keno tileno tishi nani.

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

LESHELE 72:11

Kükami kümtsü pelo pa zülo qhoqhünhe pelo, eno shiye kümtsü pelo pa qe pelo!

1 Peter 3:22

Pa ye kungugha lo wuvae eno kungumi, yepemi, eno aküka jeli kümtsü Pa qholo shino Alhou u ajeu ani.

Piyeküsü 1:6

Pa Lhou eno Apu huthu peniye ningu pesü achinemi kükaqha lakhi toi shitsü keno, Pa lau alholo eno pülhapuju ajekipi eno aküka apelo. Amen.

ISAIAH 16:5

tileno iqemokeu kikimiye lono kükalakhü shosü tsü nani eno David laghami no ayepe nani, pa ye achipiu phu no xatha kemi, amikucho shinike khelho nani.”

DANIEL 2:37

O akükau, no ye kükami shou akükau, kungugha Lhou no kükaqha, aküka, akumto, eno ajuküvü o tsüvae,

LESHELE 103:19

Ampeu no kungugha lo Pa kükalakhü kutovae, Pa kükaqha no kümtsü shou ayepe cheni.

ISAIAH 9:6

Kughengu ni lau anu punutsü ani, anu lakhi ningu tsü anie; Yepeka kükagha ye Pa u lo anani, Pa je ye Akümzapu Mijekütsüu, Akughushu Lhou, Alholo Apu, Külakishi Yepeu kutsü nani.