DANIEL 7:10 - Sumi Naga CL (Re-edited) Bible (BSI)

¹⁰ Ami ghokiti lakhi no Pa zülono qoipeghi ae; qhethonhe qhethonhe no pa qe, eno qhethonhe chighi no ghuthu qhethonhe chighi no Pa zülo puthugho; xakütha ghenguno küghaki kutove, eno kakuqo lhapheve.

BAIBEL (BSI)

¹⁰ Tipau lono ami ghokiti qoipeghia. Tilehi timi qhethonhe kutomo pa mllanike ngoa eno timi 100,000 shou pa zulo puthughoa. Aki tipaulo akumlla huthuve eno kakuqo lhaphepe qhi.

DANIEL 7:10 Referans Kwoze

ISAIAH 30:27

Julo, Ampeu ye axukighide no amchhi phochighi ghi cheni; aloghu no Pa kichi chhitoi eno Pa mili no pitimaha keu mi toi ani;

ZAKINIU 33:2

Pa no pi, “Ampeu no Sinai lo ighi Seir lono ni shou ipeghi; eno Paran Toghi lono yepüvüe; Pa no akimthemi 10,000 gholono ighi, Paw ajeu amiküqü peche.

Piyeküsü 5:11

I no itaghi ju akelo kükalakhü, aküxüküa lhoxü bidi eno layemiqo no akeu vehope kungumi qhethonhe no qhethonhe phikha kümla sütsa chilu,

LESHELE 50:3

Ni Lhou cheni; Pa ye inaqhoi ngove chemoe; pitipüha chekeu mi no Pa zülo ani, pasapagha kumto no pa homxape ani.

LESHELE 68:17

Alhouw khurkulu ye qhethonhe chighi no ghuthu kini, qhethonhe no qhethonhe ani; Ampeu no tipaqo gholo ani; itehi Sinai ye akimthe-a shivae.

Jude 1:14

Hipaqo ghenguno itaghi Adam lono tiqheli akütsüniu lo Enoch no tungkuptsa ishi pike, “Julo, Ampeu no Paw akimthemi qhethonhe chighi sasü cheni,

MATTHEW 25:31

“Kughou Timi Nu no ajuküvü lono kungumi kümtsü pa gholo sasü ighini keno, pa no pa juküvü kükalakhü lo iqa nani.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

KUKAMI ATUGHIU 22:19

Eno Micaiah no pi, “Tighenguno Ampeu tsa inilo: Ampeu no Pa kükalakhü lo iqa akeu, eno Paw kungumi no Pa u piyiu ngo ajeu puthugho akeu I no ithulu,

DANIEL 7:22

ti ye Alholo Achekeu no ighi no Shishe Akiqheuw akimthemi ghenguno xakütha tsü eno akimthemi no kükaqha qhasülu moke kutolo ke.

IBRIMI 12:22

Ikemu nongu ye Zion Toghi, aküxüpu Lhou phughi kungugha lo Jerusalem akeu lo, eno kungumi kihikhakümla no alovi kuho akeu lo ighivae.

ZEKHARIA 14:5

Eno nongu no Iw naghuto khila lo pove nani, kughengu tipa khila ye Azal kutolo wu anike. Eno nongu no Judah kükau Uzziah ghuloki lo ayeghi küghütha lono pove ketoi itaghi ponani. Tileno Ampeu I Lhou, eno Pa gholo akimthemi no ighi nani.

DANIEL 7:26

Ikemu xakütha ghenguno küghaki ye kutope anani, eno ashekha loye qhoi pühave eno kütsaveni ke ghenguno pa yekipeqha ikhi süwuve nani.

IBRIMI 1:14

Panongu ye kümtsü aghinimi shi xakulupu ithulu niye akemi huthu peniye puwu püanike kumo keshea?

Piyeküsü 11:18

Shiyeqo no axuide anamu O loghu kighide ighivae, kithimi shou küghathabe kepu do shivae, tungkupmi O qemi, küpülümi, eno khunono O sümsa cheni keno, kijemi kitilami ajume tsünike, eno ayeghiqha shiküpsami shipüsa nike ighivae.”

YEKIKITHI AKINIU 18:18

Micaiah no pi, “Tighenguno Ampeu tsa inilo: Ampeu no Pa kükalakhü lo iqa, eno Paw kungumi no Pa u piyiu ngo ajeu puthugho akeu I no ithulue.

LESHELE 18:8

Pa nigipe lono amchhi phoipeghi, eno Pa kichi lono ami mili, amibalu iqü akeu ipeghie.

DANIEL 12:1

“Tipa ghuloki lo kükapuu akijeu Michael, khuu ow timiqo shou jukükütsüu keno, pa no ithughi nani. Tile shiye lhosü kelono ishi kutolo khilemu shimphi keu küküpna do lakhi anani. Ikemu tipa ghuloki lo ow timi, khunoqo je kaku lo ye püaghini keno panongu ye xaphe luve nani.

JOB 25:3

Paw ghüshimi kikihi ye phikha kulupu keshea? Khuno shou Pa küvü yepuku mo keu ani kea?

LESHELE 103:21

Ampeuw aqokitikhi kümtsü, Pa qemi khunono Pa pulou shicheni keno, Ampeu sheqhelo!