DANIEL 6:24 - Sumi Naga CL (Re-edited) Bible (BSI)

²⁴ Akükau no azah tsüno timi khunoqo no mqümgha shi Daniel nguku keno panoqo saghipe eno abongshuu kilo—panongu, pano nuli eno anipuqo vesüve. Eno panongu no abongshuu ki ilo abo tomphi lono, abongshuuqo no panongu yiqhipe aghi kümtsü mukhumuno shivetsü.

BAIBEL (BSI)

²⁴ Tileno akukauno timi khunoqono Danel shou athe shino pa kipimi shi sughi tsukeno panongu kugha lepi ahza tsuve eno panongu gholo anipu anuliqo kumtsu kughape abongushu kilo vesuve. Panongu kughape vesukelo abo tomono kunguu chephi lono abongushu qono muxape panonguqo ghi kubutha pinivetsu.

DANIEL 6:24 Referans Kwoze

ISAIAH 38:13

Puthotsü hi no I shikughujue; abongshuu toi Pa no I ghi tsaphove tsüno I küxü kishekhave tsü anie.

ESTHER 7:10

Tighenguno panongu no Haman no Mordecai ghenguno tshükiqhi-a mla püakeu lono pa tshüqhi pithive. Tithiu no akükau loghu ye iqüve.

LESHELE 54:5

Pa no alhoksa pesü I ghümi tsüchile nani; O pükhükulu vecheo panoqo pesü ashekha shive tsülo.

ESTHER 9:25

Ikemu kughou no akükau zülo hipa vehu süghi keno, pa no akiye lono azah tsüve, eno Haman no küsakügha kukughu Jewmi shou shiniye shikeu huno pa kütsü shou ikughive, eno pa ngo pa nuliqo ye tshükiqhi-a lono tshüqhi pithi kepu shive.

KUKAMI AKINIU 14:6

Ikemu pa no ghikiqhimi tianuli pithi move, ti ye Moses Yezah kaku lo Ampeu no azah ishi tsükeu kiqi lono ke, “Anuli kipimi ghenguno apuaza pithimla, eno apuaza kipimi ghenguno anuliqo pithimlae; ikemu timi kümtsü pütüta xine ghenguno thimasae.”

ZAKINIU 24:16

“Anuli kipimi ghenguno apunoqo pithi moni, eno apunoqo kipimi ghenguno anuli pithi moni. Timi kümtsü pütüta xine ghenguno thi masae.

AHOLE 11:8

Amikuchomi ye aküküpna lono xaphe luve cheni, ikemu kixikilami ye aküküpna lo ilove cheni.

ESTHER 9:10

Hammedatha nu, Jewmi ghümi, Haman nu chighi, hipaqo pithive, ikemu panongu ye tinhemgha kiumu xulepuwu moe.

DANIEL 3:22

Akükau zakütsü ye ighono süi-aive eno kuchughei keu miphoki ye alau iqü akehu, ami mili iqü ipeghi keu huno khunoqo no Shadrach, Meshach eno Abednego noqo küghape akeno panoqo pitiqhive.

AHOLE 19:9

Kichile thopiu ye aghimepu lono pojoluni keu kumoe, alatsa kipimi ye pühave nani.

JEREMIYA 34:17

“Tighenguno Ampeu no ishi piani: No ye I gholu ghi athiküzümi eno akisüghümi lau kuqhokiphe pikülha move; julo, I no azütakikihi, püsa, eno püqümiye lono ikiqiveni keu kuqhokiphe pesü o kütüghü ani, ipi Ampeu no sheshu. I no o pesü ayeghi lo kükaqha kümtsü lau kümsapu shitsü nani.