DANIEL 6:16 - Sumi Naga CL (Re-edited) Bible (BSI)

¹⁶ Tileno akükau no azah tsüno Daniel saighi eno abongshuuqo kilo vesüve. Akükau no Daniel vilo pi, “O Lhou, khuu nono tamono qecheni keno, Pa pelo o xalu peniu!”

BAIBEL (BSI)

¹⁶ Tileno Danel tsughape ighino abongushu kilo vesuvelopi akukauno ahza tsuve. Pano Danel vilopi, “OLhou khuu nono puloniqhiyi huthu acheni keno pa pelo oxalupelo.”

DANIEL 6:16 Referans Kwoze

JOB 5:19

Pa no aküküpna tsügho lono o xaphe luve nani; iyei akütsüniu loye alhoksa no o bumo nani.

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

SAMUEL AKINIU 3:39

Eno akükau lakhi shi nukishe püaghimu ishi tsala lo ni ye aghüthi süvae. Zeruiah nuli, timi hipaqo ye I nguno alau mkamihi ke. Ampeu no küsakügha kümlami lau paw küsakügha kiqi lono tsüchile peniu!”

DANIEL 3:17

Tsala hipau shikepu shi aghi aye, ni Lhou khuu nino qe acheni keno Pa ye kuchughei keu miphoki lono ningu xaphelu nani eno o u lono ningu xaphe luve nani, O akükau.

DANIEL 6:20

Daniel no khile akeno tipau kupunu ighi kelo, pa no amloksa lono ighamku. Akükau no Daniel lau asheshu, “O Daniel, aküxüpu Lhou qeu, o Lhou khuu nono tamono qecheni keno, Pa ye abongshuuqo launo o xalu kemo kea?”

Apostolmi 25:11

Tsala I no akumou kümlami shiaghi eno I kümla lhoksa ghenguno thive küzüpu shiaghi aye, ni ye akithi lono pojolu nike khuamoe. Ikemu panongu no I nguku akeu no kuchou kumo aye, khunomu I pesü panongu tsüve mlae. Ni ye Caesar launo xatha nike khuani.”

AHOLE 29:25

Timi jupe msa chekemi ye pa sala alichhe mla ani, ikemu Ampeu shou pükhübe kemi ye sükusho ani.

Rommi 13:3

Kughengu yepemi ye aghili-aye vimo kemi thono kivimi lau ye kiumu shikümsalu kepu kühae. No ye yepeu msa moni shi anima? Tishi aye, kiu no akivi keno ti shilo, eno pa no akishe o tsü nani,

DANIEL 6:7

Kükaqha lo hiyampemi, yepemi, mijekütsümi eno angh kümtsü puloküqha anike akükau pelo ayezah lakhi mlave no tsatsai pape masa keu shipeni shi ani, ti ye, O akükau, khukhumu atsala shighi dolo, o lau likhi kumo aye, alhou momu timi vilo inikhu keu ye abongshuu kilo vesüveni.

DANIEL 3:15

Itehi nongu no kutope aghi aye, kughou nongu no akibo, fulili, aheo, akighilebo, lilala eno alebo ghügha jeliqo chiluni keno itsaqi no ajulho I no ghope qhikeu mlla lo, tishilu aye alo eno akivie. Ikemu nongu no mllamo aye, nongu ye kuchughei keu miphoki lo itehi vesüveni. Eno khuno lhou no I u lono nongu xaphe luni kea?”

JEREMIYA 38:5

Akükau Zedekiah no pi, “Julo, pa ye nongu u lo ani, kughengu akükau ye nongu külave mlae.”

JEREMIYA 26:14

Ikemu niu ye nongu u lo ani. Kiu no akivi eno achipi keno nongu no shilo.

Apostolmi 25:9

Ikemu Festus no Jewmi pulou shitsü niye Paul vilo pi, “No ye Jerusalem lo iqho no tilau no hi o nguku akeqo pelo I zülono küghaju penishi anima?”

Apostolmi 24:27

Kughou ampe kini wove keno, Porcius Festus no Felix züqhulo ighive. Eno Jewmi lopushi tsüniye Felix no Paul akughu shive.

2 Kor. 1:10

Pa no akithipu kümsapu lono ningu xaphelue, eno ningu xaphelu nani. Pa no itaghi ningu xaphelu nanie pi ningu ye Pa shou niw lajupu bevae.

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

JEREMIYA 38:6

Ikehu panongu no akükau nu Malkhiah tughuko, akhemi bokütha lo akeu lo akighi pesü Jeremiah kighiti süve. Atughuko tipau lo azü kühano aniba likhi, ikehu Jeremiah ye aniba lo ilove.

JEREMIYA 39:17

Ikemu tipau tsala lo I no o xaphelu nani, ipi Ampeu no sheshu ani, o pesü nono msa akemi u lo süvetsü monani.