DANIEL 5:7 - Sumi Naga CL (Re-edited) Bible (BSI)

⁷ Akükau no shiküghüzü kemi, Chaldeami eno yepu-yesü kighithimi asütsa kuloghi lono ku. Pa no Babylon lo alokütsümiqo lau asheshu, “Khukhumu akiye hipau philu eno hepho piyelu keu ye hughaike phi pipeni eno ameshoyi chi pa kuo lo xipipeni, eno kükaqha lo yepeu aküthüu shipeni.”

BAIBEL (BSI)

⁷ Timi khami muta wuno kuduumi, aghahwu kusami eno aqhi ayepu kighithimi kusaghi tsulopi asheshu. Kughono panongu ighikeno akukauno panongu vilo pi, “Nongu gholo khuuno hipau yepua keu philuni keno eno tipau kiqi ivilo piluni keno akuka phi pa pipeno shunano shikeu yila pe agigihu kiqi shi pa ku-olo khatsuni eno ikukaphulo akuka tsu puakeqo dolo akuthuu shipeni.

DANIEL 5:7 Referans Kwoze

DANIEL 5:29

Tileno Belshazzar no azah tsüno Daniel ye hughaike phi pipeve, ameshoyi chi pa kuo lo xipipe, eno pa pelo kükaqha lo yepeu aküthüu shipeni keu shi shekushu lakhi shipe.

DANIEL 5:16

Ikemu no ye hepho piyelu nani eno aküküpna xathalu nanie pi I no chiluvae. Nono akiye philu eno tipau hekupho I pelo ithilupe aye, hughaike phi o pipeni eno ameshoyi chi o kuo lo xipipe no kükaqha lo yepeu aküthüu shipenie.”

DANIEL 2:48

Tishino akükau no agigihu akiqheu eno agho kighiche Daniel tsü, pa pelo Babylon ghakhu kümtsü shou yepeu shivepe, eno pa pesü Babylon lo alokütsümi kümtsü shou atou shivepe.

DANIEL 2:6

Ikemu nongu no asamo eno tipau hekupho piye aye, nongu ye agho, asaxü eno agigihu kije I launo ithulu nani. Tighenguno asamo eno tipau hekupho I piyelo.”

DANIEL 2:2

Tile akükau no azah tsüno küdüumi, shiküghüzü kemi eno Chaldeami pelo pa samo pitsü peniye kupuwu. Tighenguno panongu no ighi eno akükau zülo puthugho.

EZEKEL 16:11

I no chiku-chilaqo pesü o pipe, o u lo au kükha sütsü eno o kuo lo achila xipinie.

ISAIAH 47:13

No ye mijekütsü jeli kutomo no miqemileivae; tipaqo pelo ighi no o xalu pelo; atsütsü kothape qhiche keqo, ayepu ayesü chheju chekeqo; eno aqhi kithe lo o shou kiu ighi nani keno piche keqo pelo o xalu pelo.

DANIEL 4:14

Pa no mghachhoi asheshu no hitoi pi: ‘Asübo hu loqhive lo eno tipau lokaqo xidive lo, anipa kixive eno axathi küzaleve lo. Tipau qholo tüghashi eno alokaqo lo aghauqo pelo pokhave pelo.

ALE KIMCHI 1:10

Amekusho thime no o ju kivi gholo küpha, o kuo lo ameshoyi chila huno aküzüqhiyi ke.

AHOLE 1:9

kughengu tipaqo ye o ghenguno aküzüqhiyi keu kütsükuqho eno o kuo lo jukivi chila toike.

ESTHER 3:1

Hipaqo thiu Akükau Ahasuerus no Agagmi Hammedatha nu Haman xaqheve eno paw hiyampemi khunoqo no pa gholo akeno panoqo kümtsü nguno akiqheu kükalakhü lo pa süqheve.

SAMUEL ATUGHIU 17:25

Israelmi no pi, “Timi khuu ipeghi ani keno nongu ye pa ithulu anima? Mtsüqheino pa ye Israelmi khünike ipeghi ani. Khuu no pa heqhi luni keno akükau no asaxü kije tsüno pa nga ghi timi tipau tsüniye ani, eno pa pu kibo ye Israel lo zame tsüpe moni keu shi ani.”

AKIKIHI 24:11

Tighenguno itehi o ghakhu lo wovelo! I no ishi pipüae, ‘I no agho kivi o tsü nani,’ ikemu o gihuni keu Ampeu no lakhavae.”

AKIKIHI 22:17

kughengu I no akiqheu sükümsa o tsüni eno nono pikeu kiu kiumu shitsüni. Ighilo, I ghenguno timi hipaqo müsüinive tsülo.’”

AKIKIHI 22:7

Tighenguno Moabmi ngo Midian sakiphemi no asakiqhi jume pesü wuve no Balaam lau Balak sütsa süghi.

BOTHUBO 41:8

Ikehu thanau pa kükümsü küpünave kehu pa no timi puwu no Egypt lo küdüumi ngo alokütsümi kümtsü kue. Pharaoh no panoqo vilo pa samo pi, ikemu milakhimu tipaqo hepho tsümlave.

IPEKULU 7:11

Tithiu Pharaoh no alokütsümi ngo küdüumi ku, eno Egypt lo küdüumi ghi panow tuqhou mqü vecheo tipaphi shilue.

JEREMIYA 50:35

“Ampeu no sheshu, Babylonmi lo küxümi, liw hiyampemi ngo alokütsümi, Chaldeami shou I no azütakikihi süghi nani!

DANIEL 1:4

lhothemi tukutiye küha kemi, aju-aqoghe kivimi, phuithai alokütsümi, akighithi küami, akighithi vethakulumi, akükau kighiki lo puthugho luni kemi saghipe no Chaldeami tsaiko eno atsa panoqo shika peniye shie.

DANIEL 1:20

Eno akükau no panoqo vilo alokütsü eno vethakulu vehu ighiju ke kümtsü lo panoqou no kükaqha lo küdüumi eno shiküghüzü chekeqo nguno ghuthu chighi akiviu shi pa no ithulu.

DANIEL 2:27

Daniel no akükau khochile, “Akükau no ighiju akeu tuqhou küsü püakeu ye alokütsümi, shiküghüzü kemi, küdüumi momu yepu-yesü kighithimi khunomu akükau piyemlae,

DANIEL 5:11

Timi lakhi khuu lolo akimthe lhouqo ghungu ani keno, o kükaqha lo ani. O pu ghuloki lo alhouqo lokütsü toikeu aküvü, vethakulu eno alokütsü pa lolo akeu ithulu, eno o pu, Akükau Nebuchadnezzar—o pu akükau no pa pelo küdüumi, shiküghüzü kemi eno yepu-yesü kighithimi shou atou shivepe,

DANIEL 5:15

Itehi, alokütsümi, shiküghüzü kemi pelo au lo kiye hipau phiju no tipau hephopiye penike I lau saighi, ikemu panongu ye hekupho vehu piye mlavae.