DANIEL 5:20 - Sumi Naga CL (Re-edited) Bible (BSI)

²⁰ Ikemu kughou pa mlo no qhemghaive eno pa ghungu no mkave no aqheküza shive keno, pa ye pa kükalakhü lono sünheqhive eno pa juküvü ye pa launo ikhiluve.

BAIBEL (BSI)

²⁰ Ikemu pano qhezave, agholumo eno ayikusa shive keghenguno akukau lakhu lono pa hapheveke eno alokughuno agigihua puhave.

DANIEL 5:20 Referans Kwoze

IBRIMI 3:13

Ikemu “Ishi tsala” ipi ake tivilo nongu ye tsalakipetsü lakhino lakhi shikumto kilelo, tishianguno pishikiqhi xine pelo khuu mlo mu shikümkave pemonie.

JEREMIYA 13:18

Akükau eno Kükaliu paza vilo pilo: “Aqhou lakhü lo iqave lo, kughengu ow jukivi kütsükuqho ye o kütsü lono ikiqivae.”

YEKIKITHI AKINIU 36:13

Pa no akükau Nebuchadnezzar khuu no pa pelo Alhou je lono ashoqhi shipe keno, pa ghi hebide ke. Pa ye ighono kuthovi auve eno Ampeu Israel Lhou lau pa mlo tsümove.

KUKAMI AKINIU 17:14

Ikemu panongu no ini tsümo eno pano puasüqo no Ampeu pano Lhou pülübemo ketoi, panongu no kuthovi ke.

IPEKULU 9:17

No ye itehi kutolo no ampi sheqhe ghi Iw timi mjochile ani eno panoqo puwu amoe.

AHOLE 16:18

Kütsakungo nike zülo aqheküza acheni, eno ikiqi mphi züu tsütsüngoju keu acheni.

Luke 18:14

I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

JEREMIYA 19:15

“Israel Lhou, Aqokitikhi MPEU no ishi piani, julo, I no kütüghü püake toi mishighüna hipau eno mishiphu kümtsü lo amhekiqi süghini cheni, kughengu panongu no I tsa ini mono kuthovi auveke.”

AHOLE 16:5

Amlo lono qhezalaki kemi Ampeu no aphimqhü cheni, panongu ye ghime moveni keu kumo kepi thebei ithilo.

DANIEL 4:37

Itehi ni, Nebuchadnezzar no kungugha Kükau sheqhe eno agigihu tsü ani, kughengu Pa kümla kümtsü kuchou eno Pa laghi ye achipi; khunono no aqheküza lono checheni keno Pa no kuchunive cheni.

EZEKEL 30:6

“Ampeu no ishi piani: Egypt sakuphumi ye ikiqive nani, li kumto qheküza ye ikiqive nani; Migdol lono Syene kutolo panongu ye azütakikihi lono ikiqive nani, Ampeu Alhou no asheshuvae.

JEREMIYA 48:18

“O, Dibon lo küamiqo, nongu gigihupu-a lono iqighi no ayeghimkhu lo iqavelo! Kughengu Moab ghikiqhiu ye nongu shou ighivae; pa no nongu liwo kumto kütsave tsüae.

ISAIAH 47:1

O Babylonmi athathelimi, iqi ayeghimkhu lo iqalo; O Chaldeami ilimiqo, ayeghi lo kükalakhü kühakeu lo iqalo! Nongu ye hinguno hilau ye mtshaminhei ke pimoae.

SAMUEL ATUGHIU 6:6

Kushiye nongu ye Egyptmi eno Pharaoh no kuthovi ketoi amlo kuthovini kea? Pa no panoqo shishe ghimeve kethiu no panongu no timiqo puwuke kumo keshea?

IPEKULU 18:11

Itehi ye I no ithive ake Ampeu ye alhouqo kümtsü nguno akijeue, kughengu hipau vehulo panongu no ngukangugha shi timiqo peitha ke.”

EZEKEL 31:10

“Tighenguno Ampeu Alhou no ishi piani: Tino qhemghai thuiku khüngküsü tove no chuqumghaive keu lono qhezave kehu

DANIEL 8:8

Tishino anetsü ye shishe kije shive, ikemu pa no akumto shi ake lono akibo akijeu ye icheve, eno tipau züqhulo akibo bidi ichushei atsütsü mülhü bidi süvela küdau ipeghive.

DANIEL 11:36

“Akükau ye pa no pulo keu shi nani. Pa no pa ampi sheqhe eno shikuloghi pe alhou kümtsü shou qhinani, eno aqheküzapu tsa pesü alhouqo shou Alhou lau pi nani. Axukighide shikupuve moke kutolo pa ye kinikülü shi nani; kughengu azah kiu shive akeno ti ye shikupu nani.

IPEKULU 9:7

Pharaoh no timi khami puwu eno julo, Israelmi tsü-aqu ye lakhimu thi püaghimoe. Ikemu Pharaoh mlo ye kuthovive, eno timiqo puwumoe.

YEKIKITHI AKINIU 32:25

Ikemu pa lau shitsü ketoi pa ye Ampeu tsüchile move, kughengu pa mlo lo aqheküza iloghive. Tighenguno pa shou eno Judah ngo Jerusalem shou aloghu ighive.

DANIEL 4:26

Asübo züngü kuhu ye qhivelo pi azah tsü keu ye, kughou kungugha no ayepe chenie pi nono ithiveni keno o kükaqha ye o tsüchileve nani.

DANIEL 4:28

Hipaqo kümtsü akükau Nebuchadnezzar shou ikughive.