DANIEL 4:14 - Sumi Naga CL (Re-edited) Bible (BSI)

¹⁴ Pa no mghachhoi asheshu no hitoi pi: ‘Asübo hu loqhive lo eno tipau lokaqo xidive lo, anipa kixive eno axathi küzaleve lo. Tipau qholo tüghashi eno alokaqo lo aghauqo pelo pokhave pelo.

BAIBEL (BSI)

¹⁴ Asutsa ighono mghachhoi asheshu, ‘Asubo hipau yeqhipe alu aluno michethavelo, anika xidive eno axathi sukini qhi khavelo. Asubo qholo tughashi jeli khijehi ngo ani keno hapiye pighivelo.

DANIEL 4:14 Referans Kwoze

MATTHEW 3:10

Itehi mu amüghü ye asübo philo qhipüani, eno axathi kivi pithimo keu sübo ye yeqhipe ami lo vesüve nani.

DANIEL 4:23

Eno hikujuu akimtheu atsütsü lono iqighi no, ‘Tipau sübo loqhive no kütsave lo, ayi eno alazayi kighi no aluza lo atsüni mini ipeghi akeqo mta lo tsüghape qhivelo. Atsütsü lo tsüzü no pa pütsü pelo, eno kihiküthado tsüni no pa heche moke kutolo pa pelo tüghashiqo sasü ayeghi lo atsüni gholo xü pelo,’ ipi asheshu keu akükau no chilu kehu,

Luke 3:9

Itehimu amüghü ye asübo philo qhipüani. Tishikeu lono axathi kivi pithimo keu sübo thaqhü ye yeqhipe ami lo vesüve nani.”

MATTHEW 7:19

Asübo khipaqo no axathi kivi pithi moni keno qhoi yeqhipe ami lo vesüve cheni.

DANIEL 4:12

Tipau nipaqo ye jukivi eno axathi ye kupukuno, eno kümtsü ghenguno achuqupu ae. Aghasa lo tüghashiqo no tipau lo akicheqho ithulu, kunguu aghauqo no alokaqo lo ngo, eno lhoxü kümtsü tipau lono chulue.

DANIEL 3:4

Chhochhou no mghachhoi sheshu, “Azah nongu tsü ani, O ashiaye, shiye, eno atsa jeliqo,

Piyeküsü 18:2

Pa no asütsa kuloghi lono ighamku pi, “Ikiqivae, Babylon akijeu huye ikiqivae! Li ye tüghami kungo-a, mithekumo ghawu, mithekumo ghau, mithekumo eno aphikümqhüpu tüghashi jeli kümtsü kicheqho-a shivae.

Piyeküsü 10:3

eno abongshuu ghügha toi asütsa kuloghi lono asheshu. Pa no asheshu kelo tsütsüküsü tsüni huno igha.

DANIEL 5:20

Ikemu kughou pa mlo no qhemghaive eno pa ghungu no mkave no aqheküza shive keno, pa ye pa kükalakhü lono sünheqhive eno pa juküvü ye pa launo ikhiluve.

JEREMIYA 51:9

Ningu no li shipivi niye shie, ikemu li shipivi mlave. Li qhivelo, eno ningu pütüta ghakhu lo wuveni nolo, kughengu li shou küghakütha bekeu ye kungugha tovae.

JEREMIYA 51:6

“Babylon lono povelo; pütüta küxü ghenguno polulo! Babylon xine ghenguno nongu pithive ape kevilo, kughengu hi ye Ampeu mkhükulu süchedo, eno Pa no li lochile anike.

JOB 24:20

Panongu paza no kümsümave cheni; apithe khuna shive no khunomu pano kümsü lumove cheni, ikehu kixikilami ye asübo toi icheve cheni.

EZEKEL 31:10

“Tighenguno Ampeu Alhou no ishi piani: Tino qhemghai thuiku khüngküsü tove no chuqumghaive keu lono qhezave kehu

JEREMIYA 27:5

“Aküka kije lono eno au xachho pesü ayeghi mlano timi ngo tüghashi tile qhikeu ye I no ke, eno khukhumu I no achipishi ithulu keu lau ayekipe tsücheni.

DANIEL 2:21

Pa no ado-aghuloki eno atusho kilivetsü cheni; Pa no kükami ikhive eno süküsü shi cheni; Pa no alokütsümi lau alokütsü tsü eno vethakulumi lau akighithi tsü cheni;

DANIEL 4:29

Aqhi chighikini thiu, pa no Babylon lo kükaki kunguu amole lo ala cheche,

DANIEL 5:21

Pa ye timi nuliqo gholono hasasü wuve, pa kükümsü ye tüghashi toive, eno pa kungo-a ye aghalo khurhaqo gholo shive. Pa ye amshitsü toi atsüni mzachu, eno Akughushuu Lhou no timi kükaqha lo ayepe acheni eno tipau lo Pa no khuu pulo keno süsü chenie pi pa no ithi moke kutolo, pa phiau ye atsütsü lo tsüzü no pütsüke.