DANIEL 3:4 - Sumi Naga CL (Re-edited) Bible (BSI)

⁴ Chhochhou no mghachhoi sheshu, “Azah nongu tsü ani, O ashiaye, shiye, eno atsa jeliqo,

BAIBEL (BSI)

⁴ Asutsa ighono mughachhoi shi asheshu, “Ashiayeh kumtsu atsa ajeli pichekemi timi jeli kumtsu

DANIEL 3:4 Referans Kwoze

DANIEL 6:25

Tithiu Akükau Darius no ayeghi lo ashiaye, shiye, eno atsa jeli kümtsü lau yepuwu: “Aloino keu nongu lau küghüsü alo.

DANIEL 4:1

Akükau Nebuchadnezzar no ashiaye, shiye eno atsa jeli ayeghi lo akeqo kümtsü lau: aloino keu no küghüsü nongu gholo apeniu!

MICAH 6:16

Kughengu nongu no Omri yezah eno Ahab lagha kümla kümtsü papeke; eno nongu no panoqow mijekütsü laghi pülake, ikehu I no nongu kütsale eno xüküami jukünatha penani; eno nongu no Iw timiw tichetighe xapu nani.”

HOSIYA 5:11

Ephraim no niqhinilai keu pape niye pükapütsa kehu pa ye nedaqoda keu xakütha lono chunudaqhi ani.

DANIEL 4:14

Pa no mghachhoi asheshu no hitoi pi: ‘Asübo hu loqhive lo eno tipau lokaqo xidive lo, anipa kixive eno axathi küzaleve lo. Tipau qholo tüghashi eno alokaqo lo aghauqo pelo pokhave pelo.

ISAIAH 58:1

“Ighamku lo, Süchile kevilo; afuko toi o ghügha süqhelo; Iw timiqo lau panongu xine shuphe tsülo, Jacob lagha lau panongu xine shuphe tsülo.

ISAIAH 40:9

O Zion, asütsa kivi shekushuu, naghuto kiqhe lo iqholo; O Jerusalem, asütsa kivi shekushuu, akumtoshi o sütsa süqhelo; vekipighi asheshulo, msa kevilo; Judah phughiqo vilo pilo, “Nongu Lhou julo!”

ESTHER 8:9

Aqhi aküthüu, ti ye Sivan qhi shi akelo, atsala muku aküthüu lo, akükau yezah kighithimi kukütsü. Eno Mordecai no azah tsükeu kiqi lono Jewmi ghenguno India lono Ethiopia kutolo aghakhu 127 lo yepemi, angh eno aphughi lo hiyampemi kümtsü lau, pütüta ghakhu kiyethi eno pütüta tsauno, eno Jewmi ghengu ghi pano kiyethi eno pano tsauno ayezah lakhi yepuwue.

Piyeküsü 5:9

Panongu no ale kithe hitoi phe, “Nono liküküzü kaku ikhilu no michida xükho küzüe, kughengu No ye ghiqhive, eno Nono O ji pesü ashiaye, atsa jeli, timi mqo eno shiye kümtsü xachile sawo Alhou tsü,

DANIEL 3:3

Tithiu kükapumi, pangtong, angh, mijekütsümi, akini jukükütsümi, xaküthami, ayezah kipemi eno aghakhu lo hiyampemi kümtsü akükau Nebuchadnezzar no ajulho shiqhe keu khakiqhi ghenguno hekütsü. Eno akükau Nebuchadnezzar no ajulho ghope qhikeu zülo panongu no puthugho.

DANIEL 3:7

Tighenguno akibo, fulili, aheo, akighilebo, lilala eno alebo ghügha jeli kümtsü chilu kemtsa ashiaye, shiye eno atsa jeli kümtsü no pishiqho luve no akükau Nebuchadnezzar no ameshoyi julho ghope qhikeu mllae.

DANIEL 3:10

O akükau, nono timi jeli kümtsü vilo khunono akibo, fulili, aheo, akighilebo, lilala eno alebo ghügha jeliqo chiluni keno itsaqi no ameshoyi julho mllani keu yezah lakhi mlavae.