DANIEL 3:19 - Sumi Naga CL (Re-edited) Bible (BSI)

¹⁹ Tithiu Nebuchadnezzar ye axuideve, eno Shadrach, Meshach, ngo Abednego noqo launo pa gi kilive. Pa no kuchughei keu miphoki thosülo nguno ghuthu tsüni no alau küiqü penike azah tsüve.

BAIBEL (BSI)

¹⁹ Tileno Nebukednezar no axuideve puzu agi huchui pe Shadrak, Meshak eno Abednego pano kuthu gilo jupuku. Pano pawu timiqo vilo thosulo mikulu nguno akutsuniuno alau shi ami shilepi ahza tsuve.

DANIEL 3:19 Referans Kwoze

DANIEL 3:13

Tileno Nebuchadnezzar no axukighide lono Shadrach, Meshach, eno Abednego noqo saighi peniye azah tsü. Ikehu panongu no akükau zülo timi hipaqo saighi.

ACHINE 26:24

Ni ghi nongu mjochile nani, eno Ni ampi no ghuthu tsüni küghüsü no nongu ghime nani.

AHOLE 21:24

Aqheküzami, tsütsüngoju kemi je “Thoküghami,” pa ye alhokuthu akülaki piye cheni.

ACHINE 26:28

I no axukighide lono nongu mjochile nani, Ni ampi no ghuthu tsüni no küghüsü no nongu ghime nani.

Apostolmi 5:33

Panongu no ti chilupe axuideve no apostolmi pithiveni shive.

DANIEL 5:6

Tileno akükau ju ye kilive, eno pa kükümsü no pa shithüghüive; pa phiau no thizümüive no pa khonhe no kügha thuve.

LESHELE 76:10

Mtsüqheino O loghu ighikeu lono timi no O sheqhe nani; eno aloghu lono ghükulumi ye ghasü-hasü luve cheni.

ACHINE 26:21

“Nongu no I mjochile auve eno I gholu move aye, I no ghuthu tsüni no küghüsü no nongu ghime nani.

ACHINE 26:18

Ishi keghi nongu no I gholumo aye, I no nongu xine ghenguno ghuthu tsüni küghüsü no ghime nani.

Apostolmi 7:54

Kughou panongu no hi chilu keno, panongu ye axuideve no pa jupe ahu tsüghü.

DANIEL 6:24

Akükau no azah tsüno timi khunoqo no mqümgha shi Daniel nguku keno panoqo saghipe eno abongshuu kilo—panongu, pano nuli eno anipuqo vesüve. Eno panongu no abongshuu ki ilo abo tomphi lono, abongshuuqo no panongu yiqhipe aghi kümtsü mukhumuno shivetsü.

ISAIAH 51:23

Nongu nedaqoda chekemi eno Nongu vilo, ‘Ihozü lo, ningu no chesü wuni’ ipi chekeqo; eno nongu mqa no ayeghi ghüza momu alaghi toi shino panongu no chewu chekeqo lau I no izüvuive chekeu jukhu eno I loghu chithakhu tsüve nani.”

AHOLE 16:14

Akükau loghu ye akithi shepe kimihi kehu alokütsümi ye pa ghozüiza cheni.

ESTHER 7:7

Akükau ye aji sho akeu lono ithu aloghu idesü akighiki ghutu lo wuve, ikemu Haman ye Kükaliu Esther launo pa küxü pükhatsü peniye ngove, kughengu akükau ye pa ghüzave nani pütsae pi pa no ithuluve.

BOTHUBO 31:2

Eno Laban ye azüu toi pa gihu move keu Jacob no ithive.

DANIEL 2:12

Hi ghenguno akükau ye ighono axuideve no Babylon lo alokütsümi kümtsü kütsave lopi azah tsüve.

DANIEL 3:20

Eno paw ghüshimi dolo akumtomi pelo Shadrach, Meshach, eno Abednego tsüghave no panoqo pesü kuchughei keu miphoki lo vesüve penike azah tsüve.

ESTHER 3:5

Kughou Haman no Mordecai ye itsaqimo momu agigihu pa tsümo keu ithulu keno, pa ye axukighide no chhitoive.