DANIEL 3:17 - Sumi Naga CL (Re-edited) Bible (BSI)

¹⁷ Tsala hipau shikepu shi aghi aye, ni Lhou khuu nino qe acheni keno Pa ye kuchughei keu miphoki lono ningu xaphelu nani eno o u lono ningu xaphe luve nani, O akükau.

BAIBEL (BSI)

¹⁷ Nino puluchekeu Lhou ye pano pulo aye ami lono eno okuka zulono nixaphe luve nani.

DANIEL 3:17 Referans Kwoze

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

Luke 1:37

Kughengu Alhou gholo ye tokümlapu kiumu kühae.”

IBRIMI 7:25

Ikehu khunono pa vecheo Alhou lau ighini keno, pa ye tipaqo qhoi xakulupu shi nani, kughengu panoqo ghenguno Alhou lau qhüiniju tsünike pa ye alhokuthu xüacheni.

JEREMIYA 1:8

Panoqo msa kevilo kughengu I no o xaphe lunike o gholo ani, Ampeu no asheshu.”

Apostolmi 21:13

Paul no khochile, “Nongu ye kushiye mloqa no I mlo shikighime tsü ani kea? Kughengu ni ye Ampeu Jisü je ghenguno akughu shinike likhi kumono Jerusalem lono thiveni keu ghi kutope anie.”

JOB 5:19

Pa no aküküpna tsügho lono o xaphe luve nani; iyei akütsüniu loye alhoksa no o bumo nani.

ISAIAH 12:2

“Alhou ye I xakuluu; I no msa mono Pa pükhüni; kughengu Ampeu Alhou ye I kumtou eno I le ke, eno Pa no I xakuluu shivae.”

LESHELE 115:3

Ni Lhou ye kungugha lo ani; eno Pa no pulo keu kümtsü shicheni.

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

DANIEL 6:27

Khuu no abongshuuqo küka lono Daniel xaphelu keno, Pa no xaphe eno hakho cheni; Pa no atsütsü eno ayeghi lo amchipu eno akümzapu mla chenie.”

DANIEL 4:35

ayeghi lo küxümi ye kiumu kumo keu shi kihi acheni, Pa no Pa pulou kiqi lono kungugha lo aqokitikhi gholo eno ayeghi lo küxümi gholo mla cheni; eno khumu Pa u lakhave mla momu Pa vilo, “No ye kiu shive akea? ipive mlae.”

SAMUEL ATUGHIU 17:46

Ishi tsala lono Ampeu no o pesü I u lo süvetsü nani, eno I no o ghiqhive no o kütsü micheve tsü nani. I no Philistiami aqokitikhi sükumoqo pesü aghau ngo tüghashiqo tsüve nani, tishikeu lono ayeghiqha no Israel lo Alhou anie pi ithi peni,

SAMUEL ATUGHIU 17:37

Pa no itaghi pi, “Ampeu khuu abongshuu eno ava pukhumtsü lono I xaphelu keno Pa no Philistiami hipau u lono I xaphelu nani.” Saul no David vilo pi, “Wulo, eno Ampeu no o gholo apeniu!”

BOTHUBO 18:14

Ampeu ghengu ye kiuala ighono kushokütsüpu ani kea? Tokuu hipau ghuloki lo, piqhi püakeu do lono I no o lau ideighi nani, eno Sarah ye anu lakhi punu nani.”

ISAIAH 54:14

Achipiu pesü no ye mtotoi lupe nani; No ye qhaküsü lono putosü nani kughengu no ye msamo nani.

JOB 34:29

Pa no iqünheive namu khuu no akipimi Pa tsüluni kea? Pa no Pa gi küsüluve kelo shiye na lüthü namu khuu no Pa ithuluni kea?

LESHELE 73:20

Timi no asamo pumo ake lono idathughi keshi, O Ampeu, kughou Nono ithughini keno, panoqo ye hauve nani.

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

2 Kor. 1:10

Pa no akithipu kümsapu lono ningu xaphelue, eno ningu xaphelu nani. Pa no itaghi ningu xaphelu nanie pi ningu ye Pa shou niw lajupu bevae.

LESHELE 37:40

Ampeu no pano kuphu eno xalu cheni; Pa no kixikilami launo panoqo xaphe eno süsho cheni, kughengu panongu no Pa launo sükusho lucheni.

JEREMIYA 15:20

I no o pesü timi hipaqo lau alazayi tupikiye shitsü nani; panongu no o mjochile nani, ikemu o theqhi lumo nani, kughengu Ni ye o xalu eno o xaphe luni ke o gholo ani, ipi Ampeu no asheshu.

JEREMIYA 15:21

I no kixikilami u lono no xaphelu nani, eno ayiküsami u lono o xachilelu nani.”

DANIEL 3:26

Tithiu Nebuchadnezzar no kuchughei keu miphoki hukikha kupunu ighi; pa no asheshu, “Shadrach, Meshach, eno Abednego, Shishe Akiqheu Lhou qemiqo, ipeghive lo eno hilau ighilo!” Tileno Shadrach, Meshach, eno Abednego noqo no ami lono ipeghive.

DANIEL 6:16

Tileno akükau no azah tsüno Daniel saighi eno abongshuuqo kilo vesüve. Akükau no Daniel vilo pi, “O Lhou, khuu nono tamono qecheni keno, Pa pelo o xalu peniu!”

DANIEL 6:23

Ikehu akükau ye shishe alovive, eno Daniel ye abongshuu ki lono ikhipheve penike azah tsü. Tighenguno Daniel ye abongshuu ki lono ikhipheve, eno pa shou kiu ghüzaku mu ithulu moe, kughengu pa no pa Lhou shou pükhübe ke.

MICAH 7:7

Ikemu I ghengu ye, ni ye Ampeu lau jupuku anani; ni ye Alhouw xakulu khe nani; I Lhou no I sütsa chilu tsü nani.

LESHELE 37:39

Amikuchomi xakulupu ye Ampeu launo ke; aveküsa tsala lo Pa no panow sükusho-a ke.