DANIEL 2:22 - Sumi Naga CL (Re-edited) Bible (BSI)

²² Pa no thonhei eno küsü püakeu thimeqo pephe cheni; aküzü lo akeu Pa no ithi ani, eno aküvü ye Pa gholo acheni.

BAIBEL (BSI)

²² Thonhei eno tuqhou kighithi pano piyetsu cheni; Akuzulo kusu puakeu ghi pano ithi ani; eno akuvuno pa vehomxape vuqai acheni.

DANIEL 2:22 Referans Kwoze

JOB 12:22

Pa no aküzü lono thonhei keu vehu lhaphetsü cheni eno aküzü kutho pesü aküvü lo saipeghi cheni.

1 John 1:5

Ningu no Anu launo chilu püzü nongu lau pikülha akeu tsape ye hike: Alhou ye aküvü, eno Pa küdau ye khilemu aküzü kühae.

James 1:17

Agho kivi eno kupukülai keu gho kümtsü kungulo küvü Papu launo iqighi cheni, Pa gholo aküvü ye kilive momu yekhüve chemoe.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

1 Tim. 6:16

Pa likhino thimoni keu küka ani, Pa ye aphivilo wumla keu küvü lo acheni, khunomu pa ithulu mphi eno Pa shou jupuku mlae. Agigihu eno lhokta kükaqha, Pa lau alo. Amen.

DANIEL 5:11

Timi lakhi khuu lolo akimthe lhouqo ghungu ani keno, o kükaqha lo ani. O pu ghuloki lo alhouqo lokütsü toikeu aküvü, vethakulu eno alokütsü pa lolo akeu ithulu, eno o pu, Akükau Nebuchadnezzar—o pu akükau no pa pelo küdüumi, shiküghüzü kemi eno yepu-yesü kighithimi shou atou shivepe,

LESHELE 36:9

Kughengu aküxü züpuki ye O lau ani; O küvü lono ningu no aküvü ithulue.

DANIEL 2:11

Akükau no iniju akeu vehu ye kushokütsüe, eno alhou khunono ashi lo xüchemo keno panoqo no kumo aye khunomu akükau piyemla nani.”

ISAIAH 45:7

I no aküvü ngo aküzü lhoke; I no kükümgha ngo amhekiqi lhophe ke; Ni Ampeu no hi kümtsü shicheni.”

Ephesiami 3:5

Aghungu vecheo Alhouw akimthe apostolmi ngo tungkupmi lau tuqhou hipau pephe piye ketoi wove keu tiqhelimi lau ye khilemu piye püamoe.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

John 21:17

Jisü no ghuthu aküthüu pa vilo pi. “John nu Simon, no ye I kimiye anima?” Peter ye amlo shimove kughengu Jisü no pa vilo ghuthu aküthüu “No ye I kimiye anima?” ipi ighiju ke. Pa no Jisü vilo pi. “Ampeu, nono thokha ithi ani, eno I no o kimiye akeu nono ithi anie.” Jisü no pa vilo pi, “I mbeqo jukuto lo.

ISAIAH 41:22

Panongu pelo süghi pelo eno kiu shiniye ani keno ni vilo piju pelo. Ni vilo wovekeu lo panongu ye kiutoi keno piju pelo, tishianguno ningu no panoqo ikhiluni, eno hithiu kishive nani keno ningu no ithinie; momu ni vilo ighinikeu vehu pilo.

LESHELE 104:2

aküvü pesü O küzüpu ani, Nono aphiki toi kungugha xakho ke.

JOB 26:6

Kithigha ye Alhou zülo thoqhalei ani, Kithimi yeghi ye akünha kühae.

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

John 1:9

Aküvü kuchou khikhi timi kümtsü yepüvü cheni keno tipau ayeghi lo ighi niye shiae.

MATTHEW 13:13

Hi ghenguno I no kimghikipiye lono timiqo pütsa cheni, kughengu panoqo ye ju animu ithulu chemo, ini animu chilu chemo, momu ithikuthulu chemoe.

DANIEL 5:14

Alhouqo ghungu no o lolo ani, eno aküvü, vethakulu ngo akighiche lokütsü o lolo anie pi I no chiluvae.

ISAIAH 42:9

Julo, wovekeu vehuqo ye shikupuvae, eno itehi ye I no akithe vehuqo shuphe ani; tipaqo no ipeghi mphi lono, I no nongu vilo piani.”

ISAIAH 41:26

Khuu no abothu lono hi sheshu, momu azüuno pi kea? Tishianguno ningu pelo, “Pa ye achipie” ipi peniye ke. Khunomu sheshumo, pikülhamo, nongu no pikeu chilu püamoe.

BOTHUBO 41:16

Joseph no Pharaoh khochile, “Ti ye I no kumoe; Alhou no Pharaoh lopushi khochile tsü nani.”

DANIEL 2:19

Tithiu putho lo kungunhetsü lakhi lono tuqhou küsü püakeu Daniel lau pephe piye. Tileno Daniel no kungugha Lhou shikimthi.

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

ZAKINIU 29:28

Ampeu no Pa mlo kighide kije lono aghakhu hipau lono panongu nhüpe itehi ayeghi kütau panongu no akeu lo vesüve.’

YETSAPIU 8:1

Khuu no alokütsüu toi kea? Khuu no thime kiqi ithi ani kea? Timi lokütsü no pa gi yepüvü tsücheni, eno pa gi kümka ghi kilive tsücheni.

JEREMIYA 33:3

I ku ighilo eno I no o khochileni, nono ithimphi keu thime kije eno tuqhou I no o vilo pini.