DANIEL 2:19 - Sumi Naga CL (Re-edited) Bible (BSI)

¹⁹ Tithiu putho lo kungunhetsü lakhi lono tuqhou küsü püakeu Daniel lau pephe piye. Tileno Daniel no kungugha Lhou shikimthi.

BAIBEL (BSI)

¹⁹ Tipajino kusu puakeu hu Danel pelo kungunhetsu lono ithiluvepe tighenguno kungulo kuau Alhou sheqhe:

DANIEL 2:19 Referans Kwoze

AKIKIHI 12:6

Ampeu no pi, “I tsa inilo: Nongu gholo tungkupmi aghi kelo Ni Ampeu no I pesü kungunhetsü lono pa lau kilethitsü, eno asamou no pütsa cheni.

AMUS 3:7

“Kughengu Ampeu Alhou ye Pa qemi tungkupmi lau Paw tuqhou pephe piyemo keloye kiumu shichemoe.

DANIEL 7:7

Hipa thiu putho lo I no kungunhetsü ithulu, eno julo, tüghashi abidiu, akümsapu, aküighüpu eno shishe akumto. Tipau ye ayi no shikeu ahu kije xapuae; tipau no tsüchuve no kubopinyive tsü eno kiu achili aghi keno tipau pukhu no qodave tsü. Tipau ye pa züu tüghashi kütauqo nguno paküta, tipau ye akibo chighi ae.

LESHELE 25:14

Ampeu ye Pa sümsa chekemi sasü shou-pau shicheni, eno Paw puloshoqhi pesü panoqo pelo ithipe cheni.

DANIEL 1:17

Lhothemi pano bidi ghengu ye, tsaiko eno alokütsü kümtsü lo ithiküphalu keu ngo asüqe kighithi Alhou no panoqo tsüe, eno Daniel ye kungunhetsü ngo asamo kümtsü lo vethakulu ae.

JOB 4:13

Timi no züchei ake lono asamosa ithughi ketoi,

DANIEL 4:9

“O Belteshazzar, küdüumi atou, kughengu I no ithi anike akimthe lhouqo ghungu no o lolo ani eno tuqhou küsü püakeu kiumu o ghengu ye kushokütsü kumoe, I samo kungunhetsü I no ithulu keu eno tipaqow hekupho I vilo pilo.

DANIEL 2:22

Pa no thonhei eno küsü püakeu thimeqo pephe cheni; aküzü lo akeu Pa no ithi ani, eno aküvü ye Pa gholo acheni.

JOSHUA 22:33

Ikelo asütsa tipau no Israelmi nhethe lo achipishi ithuluve. Eno Israelmi no Alhou sheqhe no Reuben, Gad eno Manasseh shiaye tüxa no küghüna akeu yeghi kütsave tsüni keu khilemu pimove.

DANIEL 4:26

Asübo züngü kuhu ye qhivelo pi azah tsü keu ye, kughou kungugha no ayepe chenie pi nono ithiveni keno o kükaqha ye o tsüchileve nani.

DANIEL 7:2

Daniel no asheshu, “Putho lo Iw kungunhetsü lono I no ithulu, julo, atsütsü mülhü bidi no azüghi kije fukucho aghi.