DANIEL 2:12 - Sumi Naga CL (Re-edited) Bible (BSI)

¹² Hi ghenguno akükau ye ighono axuideve no Babylon lo alokütsümi kümtsü kütsave lopi azah tsüve.

BAIBEL (BSI)

¹² Tileno akukauno shishe aloghu ideveno Babilon lo akukauno qhipua keqo alokutsumi kumtsu pithive penike ahza tsuve.

DANIEL 2:12 Referans Kwoze

DANIEL 3:13

Tileno Nebuchadnezzar no axukighide lono Shadrach, Meshach, eno Abednego noqo saighi peniye azah tsü. Ikehu panongu no akükau zülo timi hipaqo saighi.

MATTHEW 2:16

Kughou Herod no ayepu kighithimi no pa mqüqhive kepi ithi keno, pa ye ighono axuideve, eno ayepu kighithimi launo pa no ado kihilu keu kiqi lono Bethlehem eno tipa tokukujo kümtsü lo anu kiptimi ampe kini eno tinguno aqhou thaqhü ghiqhi pithi khavepe.

DANIEL 3:19

Tithiu Nebuchadnezzar ye axuideve, eno Shadrach, Meshach, ngo Abednego noqo launo pa gi kilive. Pa no kuchughei keu miphoki thosülo nguno ghuthu tsüni no alau küiqü penike azah tsüve.

LESHELE 76:10

Mtsüqheino O loghu ighikeu lono timi no O sheqhe nani; eno aloghu lono ghükulumi ye ghasü-hasü luve cheni.

DANIEL 2:5

Akükau no khochile no Chaldeami vilo pi, “I no mtütüi atsa hi piani: tsala nongu no asamo eno tipau hekupho I pelo ithive pemo aye, nongu phiau aleqhi shi süthave no nongu ki kütsave tsü nanie.

AHOLE 29:22

Aloghu kighidemi ye kuqhumo keu huthu cheni, amloide kalo kemi ye axine kutomo shicheni.

AHOLE 20:2

Akükau loghu ye abongshuu ghügha toie; khuu no pa xukutho puthuni keno aküxü pühave cheni.

AHOLE 19:12

Akükau loghu ye abongshuu ghügha toi ikemu pa kivi huno atsüni shou atsüzü qipuku ake toike.

AHOLE 16:14

Akükau loghu ye akithi shepe kimihi kehu alokütsümi ye pa ghozüiza cheni.

JOB 5:2

Mtsüqheino amloide kalo keu no mbomzümi pithive cheni, eno anhekushu no itikütüpa kemi ghiqhive cheni.

MATTHEW 5:22

Ikemu I no nongu vilo piakeu ye khukhumu pa thiküzümi shou amloide keu ye küghaküthapu lo ilo nani; eno pa thiküzümi thaigha keu ye hoho lau khochile masa nani; eno itaghi khukhumu kütami vilo ‘No aghüzüu’ ipikeu ye aghimepu mi pesü küghatha nani.

DANIEL 2:24

Tighenguno Daniel no Arioch, khuu akükau no Babylonmi alokütsümiqo kütsave peniye süsü keno, pa lau wu. Pa no wuno hitoi pa vilo pi: “Babylon lo alokütsümiqo kütsa kevilo; akükau zülo I sailo lo, eno hekupho huye I no akükau piyeni.”

DANIEL 5:19

Eno Pa no kiqhekighe shitsü ke ghenguno, ashiaye, shiye, eno atsa jeli kümtsü no pa zülo khokhoshi eno pa sümsae. Pa no khuu heqhini keno heqhive che; eno pa no khuu püxüni keno püxüve che; khuu xaqheni keno xaqheve che; khuu sünheqhini keno sünheqhive che.