BOTHUBO 9:5 - Sumi Naga CL (Re-edited) Bible (BSI)

⁵ Eno nongu küxü ji luve tsükeu ye I no kihikülai keu avehupu shi nani: tüghashi eno timi kümtsü launo I no kihikülai keu avehupu shi nani. Timi küxü ghenguno I no pa küsau launo kihikülai keu avehupu shi nani.

BAIBEL (BSI)

⁵ Eno khuno nongu kuxu pukavetsuni keno ino tipau akithipu ghime tsu nani. Tughashino nongu kutsapuaghi aye ino tipau kutsave nani. Timi khuno pakusami ghiqhini keno ino tipau aghime tsu nani.

BOTHUBO 9:5 Referans Kwoze

IPEKULU 21:12

“Khukhumu timi shou hepuku kelono pithive keu ye pithiveni.

LESHELE 9:12

Kughengu Pa ye amkhü kulumi kümsüma chemoe; Pa ye aghime shi akemi küqa kümsümave chemoe.

MATTHEW 23:35

tishikeu lono ayeghi lo amikuchomi ji pele püakeu kümtsü nongu shou ikughi nani, ti ye amikuchou Abel ji lono huthu no wo Barakhiah nu Zechariah, khuu nongu no achineki khala alou ngo akiptia dolono ghiqhive keno, pa kutolo ke.

ACHINE 19:16

Now timi gholo akimki tsa veküpha wumoni, timi lakhino pa küxü ghenguno atsakügha akelo pa lachile moni: Ni ye Ampeu ke.

IPEKULU 20:13

“No ye timi ghiqhi moni.

Apostolmi 17:26

Pa no timi lakhi launo shiye kümtsü lho no panongu pelo ayeghi kümtsü lo xülupe, eno pano do-aghuloki ngo aghüna lo alughi kihitha tsüe,

BOTHUBO 42:22

Tile Reuben no panoqo khochile, “Apu shou axine shikelo pi I no nongu vilo pike kumo? Ikemu nongu no I tsa initsü moke. Ikehu itehi ye pa ji no ningu shou ikughi anie.”

XAKUTHAMI 9:56

Abimelek no pa thiküzümi 70 pithive keu lono papu shou küsakügha shive keu lo Alhou no hitoi pa tsüchileve.

SAMUEL AKINIU 4:11

Tishi aye tinguno alau, kughou küsaküghami no achipiu mikuchomi lakhi pa ki eno pa züabo lono heqhive keno, ni ye nokujo u lono pa ji avehupu shimoni keshea eno ayeghi lono nokujo kütsave moni keshea?”

YEKIKITHI AKINIU 24:22

Hitoi akükau Joash no Zechariah papu Jehoiada no pa lau kikimiye piye keu kümsülu move no Jehoiada nu heqhive. Zechariah no thiuche kelono pi, “Ampeu no ithulu no amkhülu tsü peniu!”

ACHINE 24:17

“Khukhumu kütami küxü luve tsükeu ye pithive nani.

ACHINE 24:21

Khuu no lhoxü pithini keno tipau theli lo tsüchileni, ikemu khuu no timi lakhi heqhiveni keno pa pithive nani.

AKIKIHI 35:16

“Ikemu pa no ayi pesü heqhi pithive aye, pa ye timi hekiqhimi ke ghenguno pithiveni.

AKIKIHI 35:17

Momu pa no atu pesü kütami heqhi pithive aye, pa ye timi hekiqhimi ke ghenguno pithiveni.

AKIKIHI 35:18

Momu pa no asü pesü heqhi pithive aye, pa ye timi hekiqhimi ke ghenguno pithiveni.

AKIKIHI 35:21

momu mithi kelauno pa u no kütami heqhive aye, timi tipau ye pithiveni, kughengu pa ye timi hekiqhimi ke. Kughou amkhükuluu no timi hekiqhiu sholuni keno, tileno pa pithiveni.

ZAKINIU 19:11

“Ikemu milakhi no pa kisüghüu mithi kelauno khea püzü heqhive no mishighüna hipaqo lo poilove aye,

ZAKINIU 19:12

aphughi lo sakiphemi no pa saghi no akithiu no bolomi amkhü kulumi tsüve no pa pithive peni.

KUKAMI ATUGHIU 2:6

Tighenguno kiu shikepu keno o lokütsü kiqi lono shilo, ikemu pa pelo asa mpave no Kithigha lo aloino wupe kevilo.

KUKAMI AKINIU 11:1

Kughou Ahaziah paza Athaliah no li nu thive keu sütsa chilu keno, li no akükau kibolomi kümtsü pithive.

YEKIKITHI AKINIU 33:24

Amon qemi no pa shou küsüqeve no pa kükaki lono pithive.

YEKIKITHI AKINIU 33:25

Ikemu aghakhu lo timiqo no akükau shou küsüqe kemi kümtsü pithive, eno timiqo no pa nu Josiah pesü pa thisü luvepe.