BOTHUBO 9:2 - Sumi Naga CL (Re-edited) Bible (BSI)

² Ayeghi shou tüghashi tikishi, atsütsü lo aghau, ayeghi lo itikiche, eno azü lo akhaqo kümtsü no o sümsa eno ichikeu anani. Tipaqo ye o u lo süve tsüae.

BAIBEL (BSI)

² Ayeghilo tughashi aghau, ayeghi shou itikiche lhoxu eno azughilo akeu akha kumtsuno nongu msaighu ghi xunani. Panongu kumtsu ogholo apeni keu shi pephetsu anie.

BOTHUBO 9:2 Referans Kwoze

James 3:7

Tüghashi, aghau, itikiche, azü lo lhoxü kümtsü chhiküghüvü luve nani, eno timi no chhiküghüvü luvae,

BOTHUBO 1:28

Eno Alhou no panongu kümghatsü, Pa no panoqo vilo pi, “Athi pithilu no kughukolu lo, ayeghi nhakhalu no qhasülu lo, eno azüghi lo akha shou, atsütsü lo aghauqo shou, eno ayeghi lo itikiche lhoxü kümtsü shou qhasülu lo.”

HOSIYA 2:18

Tipa tsalani, I no panoqo ghenguno aluza lo tüghashi, kungu ghau, ayeghi lo itikiche lhoxü sasü puloshoqhi shi nani. I no aghakhu lono shexilika, azütakikihi, eno aghükishi lakhave tsü nani, eno nongu pelo aküighüpu kühave no ikiqi ihozü lupe nani.

EZEKEL 34:25

“I no panoqo sasü külakishi puloshoqhi shi nani eno pano yeghi lono tüghashi hapupove nani, tishikeu lono panongu ye asayeqha lo sükushopu shi küghünalu eno aghasüqo lo zühulu nani.

ACHINE 26:6

I no aghakhu lo iqüghai keu tsü nani, eno kiumu nongu shikümsa mono nongu no zühulu nani. I no aghakhu lono tüghashiqo haleve tsü nani, eno tile aghükishi küha nani.

BOTHUBO 35:5

Panongu no chesü wuche kelo, Alhou launo thüghüi kepu lakhi panongu hokümxa lo mishighünaqo shou ikughive, ikehu panongu ye Jacob nuliqo hawu move.

BOTHUBO 2:19

Ampeu Alhou no aluza lo tüghashi kümtsü eno atsütsü lo aghau kümtsü ayeghi chhigha lono lhophe no tipaqo sasü timi huno kiu je kutsü nani keno juniye pa lau ighie. Pa no kishi aküxüküa lhoxü lakhikhi ku keno, tino pütüta je shive.

ACHINE 26:22

I no nongu lau tüghashiqo puwu no tipaqo no nongu tianuli, atsüaqu kütsave nani, eno nongu ye timi aghulo likhive nani, nongu laghiqo ye yenguyive nani.

BOTHUBO 1:21

Ikehu Alhou no azüghi lo lhoxü kije, eno aküxüküa lhoxü ithakiche jeli, khikhi azü lo chokive taiqho-iqi cheni keno, tipaqo eno achishibo kupu ghauqo ajeli kiqi lono lhoe. Eno Alhou no tipaqo aloqhiyi ithulue.

BOTHUBO 9:1

Alhou no Noah eno pa nuli kümghatsü no panoqo vilo pi, “Athi pithilu, kughukolu, eno ayeghi shepichhilu lo.”

BOTHUBO 9:3

Ithakiche lhoxü thaqhü no o chuqupu shi nani. Eno I no ayetsüni nongu tsüve ketoi thokha kümtsü nongu tsü ani.

BOTHUBO 1:26

Tithiu Alhou no pi, “Ningu julho eno ningu kimihi lono timi mlani nolo. Eno panoqo pelo azüghi lo akha shou, atsütsü lo aghau shou, eno ayeghi lo pichepighi ngo itikiche lhoxü kümtsü shou qhasülu penie.”

JOB 39:11

Pa küka kumto kije ghenguno no ye pa pükhülu, eno o kümlapu pesü pa lau kulhuqhi tsülu nanima?