BOTHUBO 7:4 - Sumi Naga CL (Re-edited) Bible (BSI)

⁴ Kughengu atsala tsüni dolono I no ayeghi lo putho tsala lhobidi eno pucho tsala lhobidi tsütsüghu puwuni, eno aküxüküa lhoxü I no lhophe keu kümtsü ayeghi hipau lono I no pühaveni.”

BAIBEL (BSI)

⁴ Kughengu atsala tsuni likhivae eno pucho tsala lhobidi eno putho tsala lhobidi ino ayeghi shou tsutsughu ghupe nani eno ino lhophe puakeu akuxu akeu thaqhu ayeghi shouno pughaveni cheni.”

BOTHUBO 7:4 Referans Kwoze

BOTHUBO 7:17

Züqozü ye tamono atsala lhobidi ayeghi lo ighi. Azü no alau shive no ashuka yimi ikughive, eno tipau ye ayeghi kunguu ikuve.

BOTHUBO 7:12

Eno putho pucho atsala lhobidi tsütsüghu ayeghi shou ighive.

BOTHUBO 6:17

Kughengu julo, atsütsü qholo timi lhoxü aküxü tuthu akeqo kümtsü kütsave nike ayeghi lo I no züqozü süghi nani. Ayeghi lo akeu thaqhü ye thive nani.

BOTHUBO 6:13

Alhou no Noah vilo pi, “Timi lhoxü kümtsü kishekhave tsüni keu shivae, kughengu panoqo vecheo ayeghiqha ye hekiqhi ghikiqhi no chhitoivae. Julo, I no ayeghi gholono panoqo kütsave nani.

BOTHUBO 6:7

Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.”

LESHELE 69:28

Küxümi kaku lono pano je ye nuxave tsülo; amikuchomi gholo pano je sütsü kevilo.

Piyeküsü 3:5

Khuu no theqhi luni keno hitoi aphimini kimiye pepipe nani, eno Ni ye khilemu aküxüpu kaku lono pa je nuxave tsümo nani. I no I Pu eno Paw kungumi zülono pa je piphetsü nani.

AMUS 4:7

“Kughou ghile hunike aqhi küthü akeno I no nongu launo tsütsüghu ghi süchileve; I no mishighüna lakhi lo tsütsüghu puwu kemu lakhiu loye puwumo; alu lakhi loye tsüghuqhi tsü ikemu alu khile tsüghuqhi mo keno ti ye ighüive;

JOB 28:25

Kughou Pa no aküka pesü amülhü tsü, eno azüghi saje kimghipe kothatsü keno,

JOB 22:16

Panongu ye pano do tomphi lono süxa pewuve; pano tsükucho ye atshünazü no qope wuveke.

BOTHUBO 8:12

Tishino pa no itaghi atsala tsüni ngokhe no miqhedu hu puwu, ikelo miqhedu huye pa lau idechile ighi move.

BOTHUBO 7:10

Eno atsala tsüni thiu züqozü no ayeghi shou ighive.

BOTHUBO 8:10

Pa no itaghi atsala chighi ngokhe, eno itaghi pa no miqhedu ashuka lono puwu.

BOTHUBO 6:3

Tileno Ampeu no pi, “I Ghungu ye pülhapuju timi lolo achemo nani, kughengu pa ye ashike: pa do-ghuloki ye ampe 120 shi nani.”

BOTHUBO 2:5

Aluza lo asübo tsüni no ayeghi lo ipeghi moke züu, eno küghüyezü lhoipeghi moke züu—kughengu Ampeu Alhou no ayeghi shou tsüghu puku pemono ae, eno achhigha hokideni kemi timi kühano

BOTHUBO 7:3

eno atsütsü lo aghau ghi atüna tsünini adu aqu, ayeghi kümtsü lo tipaqo ti kughuko nike pewuni.

BOTHUBO 8:2

Akuthoku züpuki ngo atsütsü lasheqo khave tsü, atsütsü lo tsütsüghu ghasüve,

JEREMIYA 28:16

Tighenguno Ampeu no ishi piani: ‘Julo, I no ayeghi lono no ikhive nani. No ye hipa mpe lono thive nani, kughengu no ye Ampeu hekibide tsa pivae.’”