BOTHUBO 5:22 - Sumi Naga CL (Re-edited) Bible (BSI)

²² Enoch ye Alhou gholo cheche, pa ye Methuselah ithuluve kethiu ampe 300 xü eno atianuli kütami ghi ithulu.

BAIBEL (BSI)

²² Tipathiu Enok ye Alhou sasu kuposhughi ampe 300 xue eno ati anuli kutami kutomo lhoe

BOTHUBO 5:22 Referans Kwoze

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

BOTHUBO 17:1

Kughou Abram no ampe lhotoku toku shi akeno Ampeu no Abram lau ipeghi no pa vilo pi, “Ni ye Akughushu Lhou; I zülo chechelo, eno tukutiye shikevilo,

Luke 1:6

Pama gha Alhou zülo amikuchomi, eno Ampeu zakütsü ngo ayezah kümtsü tukutiye kühano papeche.

MALAKI 2:6

Kuchou kükütsütsa no pa kichi lo ae, eno pa mütsü loye kiumu achipikumo ithumla. Külakishi eno müzüchoi I gholo cheche, eno pa no axine lono timi kutomo tutsüghü tsüe.

BOTHUBO 6:9

Hipaqo no Noah kughukomi. Noah ye amikuchomi lakhi, pano tiqheli lo tukutiye küha kemike.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

MICAH 6:8

O timi, kiu no alo keno Ampeu no o vilo pivae; kuchou xakütha eno iqemokeu kikimiye piyeni keu eno aqhokigheu lono nongu Lhou gholo checheni keu nguno alau Pa ye o launo kiu avehupu shi ani kea?

LESHELE 116:9

Ikehu küxümi yeghi lo ni ye Ampeu zülo cheche nani.

ACHINE 26:12

I no nongu gholo anani eno nongu Lhou shinani, nongu no Iw timi shinani.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

Ephesiami 5:15

Tishiaye nongu no kishi checheni keno jukuto lo, mbomzümi toimo no alokütsümi shi püzü

BOTHUBO 48:15

Eno pa no Joseph kümghatsü no pi, “Alhou khuu zülo I pu Abraham ngo Isaac no cheche keno, Alhou khuu no I küxü kupuju ishi kutolo I kheu keno,

BOTHUBO 24:40

Ikemu pa no I vilo pi, ‘Ampeu, khuu zülo I no checheni keno, Pa no Paw kungumi o gholo puwu nani, eno o laghi heshetsü nani. No ye I nu nipu ni sholokumi eno I limi dolono lusaghi tsülo.

Kolosiami 4:5

Ado akiviu peitha no khalaumi zülo alokütsü lono xüpiye lo.

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

Apostolmi 9:31

Judea, Galilee, eno Samaria qha kümtsü lo akukuhou ye iqüghai keu do sholu eno shikumtolu ae. Ampeu sükümsa lono chewu eno Aghungu Kimthe no shikumto keu vecheo ikowolu.

MICAH 4:5

Kughengu ashiaye kümtsü no pütüta lhou je lono cheche nani, ikemu ningu ye ni Lhou Ampeu je lono pülhapuju eno alholo cheche nani.

AMUS 3:3

“Pulokilemo kelo mikini ye kümtsa chewu luni keshea?

HOSIYA 14:9

Khukhumu alokütsüu no hipaqo vethalulo; Khuu no kimchilu cheni keno, pa no ithilo; kughengu Ampeu laghi ye achipi ke, eno müzüchoi xüche kemi no tipau laghi püla cheni, ikemu axinemi ye tipaqo lono küpxalu chenie.

ALE KIMCHI 1:4

I sasü o gholo wuvelo; nikujo mtazü wuvenie. Akükau no I sasü pa chebo lo wue. Ningu no o gholono shishe alovi küqhani; ningu no atsaizü nguno alau o kikimiye lo alovini; ilimiqo no o kimiye chekeu ye achipiloe.

LESHELE 128:1

Khuu no Ampeu sümsa eno Pa laghi lo checheni keno pa ye alokivipue!

LESHELE 86:11

O laghi I shikalo, O Ampeu, tishiaye I no Ow kuchou laghi lo checheni; O je sümsa penike I mlo lakhishi tsügha tsülo;

LESHELE 56:13

Kughengu akithi lono Nono I ngulho xaphe tsüe, iyei, ikiqive kepu lono I pukhu xaphe tsüe, tishino I pelo aküxüpu küvü lo Alhou zülo alache wulu peke.

LESHELE 26:11

Ikemu I ghengu ye, ni ye I kikhi lono cheche nani; I qhüchile tsülo, eno I lau küpüqhiyi tsülo.

LESHELE 16:8

Ni ye alhokuthu Ampeu pesü I zülo qhicheni; kughengu Pa no I u ajeu ani, ni ye ithavemo nani.

KUKAMI AKINIU 20:3

“O Ampeu, kimiyeno I no kishi O zülo pükhükulu shi amlo tsüqhiyi cheche, eno achipiu shiche keno kümsülu tsülo.” Tishi pive no Hezekiah no kukuno qauve.

KUKAMI ATUGHIU 2:4

eno Ampeu no I ghenguno pikeu tsa shikupulu nani, ‘O nuli no pano kümla lo kutokupui shino I zülo amlo kümtsü, angulho kümtsü süno cheche aye, no ye Israel kükalakhü lo iqani keu timi püqümo nani.’

ZAKINIU 28:9

Nongu no Ampeu nongu Lhou zakütsü gholu eno Pa pulou lo cheche aye, Pa no tushoqhi ketoi nongu pesü Pa kimthe timiqo shinani.

ZAKINIU 13:4

Ampeu nongu Lhou papelo, Pa sümsa no Pa zakütsüqo pelu lo, Pa tsa inilo, Pa huthu no Pa tsüqüpe lulo.

ZAKINIU 5:33

Ampeu nongu Lhou no azah tsükeu kümtsü shilo, tishianguno nongu ye xülu nani, eno nongu no pükhalu niye akeu yeghi lo nongu ye akivi shino eno axüshu nani.

IPEKULU 16:4

Tile Ampeu no Moses vilo pi, “Julo, I no nongu ghenguno kunguu no asho ghuqhi tsüniye ani, eno timiqo no khalau ipe no tsalakipe chuqupu saje hekütsüni, tishino panoqo no I yezah lo cheche nani kemo keno I no pejuni.

BOTHUBO 5:24

Pa ye Alhou gholo checheke, eno pa ye phumlave, kughengu Alhou no pa sawuve.

1 Kor. 7:17

Ampeu no pichebe keu kiqi lono eno Alhou no kiu lo kuluve akeno milakhi khino tipau kiqi lono xülo. Akukuhou kümtsü lo hi ye I khuaye ke.

BOTHUBO 5:21

Enoch no ampe 65 xüve kethiuno Methuselah ithulu.

BOTHUBO 5:23

Enoch ye ampe 365 xü.