BOTHUBO 45:26 - Sumi Naga CL (Re-edited) Bible (BSI)

²⁶ Eno panongu no pa vilo pi, “Joseph ye xüaphie, eno pa no Egypt yeghi kümtsü shou yepeu shi ani.” Ikelo pa mlo ye thüghüive, kughengu pa ye panoqo tsa pülümoe.

BAIBEL (BSI)

²⁶ “Josef ye xu aphie eno paye Ijip yeghi kumtsu shou ayehkipeu ahng shi anie.” Jakob ye thibuyive kughengu paye panongu tsa pulumoe.

BOTHUBO 45:26 Referans Kwoze

BOTHUBO 44:28

Lakhi ye I qhivae, eno I no pi, “Mtsüqheino pa ye sütha pinyive,” kughengu tithiu ni ye pa khilemu ithulu mphike.

BOTHUBO 37:35

Pa tianuliqo no pa lokughuno tsüniye shi kemu pa no ti milive no pi, “Moe, ni ye mloqasü Kithigha lo I nu lau wuve niae.” Ikehu pa pu no pa ghenguno mloqae.

Luke 24:41

Panongu no alovi kelauno pülümla no akümzaqhiyi ake lono pa no pi, “Nongu ye hile kiuala chukepu anio?”

Luke 24:34

Pama no pi, “Kuchou nomu Ampeu ye ithughive no Simon lau ipeghivae!”

Luke 24:11

Ikemu apostolmi no hi kümtsü akiqi küha keu tsa shi kümsüve no pülü tsümoe.

JONAH 2:7

Kughou I küxü hau cheghi keno, I no Ampeu kümsülu, eno I kighini no O lau, O kimthe chineki lo ighie.

LESHELE 126:1

Kughou Ampeu no Zion ngukümgha tsüchile keno, ningu ye asamo pumo chekemi toive.

LESHELE 105:21

Pa no Joseph pelo pa kibo shou ampeu eno pa no pighi akeqo kümtsü shou yepeu shivepe,

JOB 29:24

Panongu no aghüthisü akelo I no ahumiyi piye aye, I gi küvü no pano lopivi luche.

JOB 9:16

Tsala I no Pa ku kelo Pa no I khochile püaghi namu, Pa ye I sütsa initsü akepi ni ye pülümo nani.

BOTHUBO 42:38

Ikemu Jacob no pi, “I nu ye nongu gholo iqimo nani, kughengu pa mu ye thivae, eno pa likhive ake. Nongu no kicheghüzü lo wuniye akeu lo tsala pa lau küsakushopu shive aye, nongu no ni asa kümpau pelo amlo ghimeshi Kithigha lo wuve peae.”

BOTHUBO 42:36

Panongu papu Jacob no panoqo vilo pi, “Nongu ghenguno I nuliqo pühavae: Joseph kühavae, Simeon kühavae, eno itehi nongu ye Benjamin sawuve niye ani. Hi kümtsü I shou ikughi anie.”

BOTHUBO 37:31

Tile panongu no Josephw chijeboike phi pesü ane lakhi ghiqhi no aji lono tipau pütsüve.

BOTHUBO 45:25

Ikehu panongu no Egypt lono iqhove no Canaan yeghi lo panongu papu lau ighi.

BOTHUBO 42:29

Kughou panongu no Canaan yeghi lo panoqo papu Jacob lau ighi keno, panongu no pa vilo kiu shive keno kümtsü pi,

BOTHUBO 48:11

Eno Israel no Joseph vilo pi, “Ni ye o gi ithulu nanie pi khilemu laju moe; ikemu julo, Alhou no I pelo o nuli ghi ithulu peke.”