BOTHUBO 43:26 - Sumi Naga CL (Re-edited) Bible (BSI)

²⁶ Kughou Joseph no aki lo ighi keno, panongu no pa lau agho peighi akeu süghi no pa zülo ayeghi lo pishiqhoe.

BAIBEL (BSI)

²⁶ Kughou Josef no akilo ighi keno panonguno agho chhekepu pesu pa lau akilo ighi no pazulo pishiqho itsaiqi agigihu tsue.

BOTHUBO 43:26 Referans Kwoze

BOTHUBO 42:6

Tipa ghuloki lo Joseph ye Egypt yeghi lo angh shiae. Ayeghi lo timi kümtsü lau athi jetsü akeu huye pa ke. Joseph pamu noqo ghi ighi no panongu gi ayeghi lo pishiqho pe pa zülo itsaqi.

Rommi 14:11

kughengu ishi yepüani, “Ampeu no pi, Ni xüküau zülo kümtsü no qhoqhünhe nani, eno ashiaye kümtsü no Alhou sheqhe nani.”

BOTHUBO 27:29

Ashiayeqo no o qe peni eno shiyeqo no o zülo itsaqi peni. O thiküzümi shou ampeu shilulo, eno o za nuliqo pelo o zülo pishiqho peni. Khukhumu o müsüini keu ye müsüinive peniu, khukhumu o kümgha tsükeu ye müghalu peniu!”

LESHELE 72:9

Asayeli lo shiayeqo no pa zülo qhoqhünhe pelo, eno pa ghümi no ayeghimkhu damine pelo!

BOTHUBO 43:28

Panongu no pi, “O qeu, ningu papu ye akivishi ani; pa ye xü aphie.” Eno panongu no pano kütsü pishiqho no qhoqhünhe.

BOTHUBO 33:3

Pa no panoqo züu shi wuno pa mu phivilo ighi moke kutolo ghuthu tsüni ayeghi lo pa gi pishiqho.

BOTHUBO 43:11

Tileno panongu papu Israel no panongu vilo pi, “Tsala tishi kepu shi aye, hi shilo: aghakhu lo xathi akiviu hami, nukümtshau kitila, akhingozü kitila, ata, axokütsüngü, pistachio eno almond lothi ishi nonguw süqhu lo süpe no agho shi pewo timi hu tsülo.

IPEKULU 18:7

Moses no pa ngu sasü kusho niye wuno itsaqi eno pa mümae. Eno panongu lakhi no lakhi vilo kiu toi ani keno ighijukile no aphiki lo ilove.