BOTHUBO 43:11 - Sumi Naga CL (Re-edited) Bible (BSI)

¹¹ Tileno panongu papu Israel no panongu vilo pi, “Tsala tishi kepu shi aye, hi shilo: aghakhu lo xathi akiviu hami, nukümtshau kitila, akhingozü kitila, ata, axokütsüngü, pistachio eno almond lothi ishi nonguw süqhu lo süpe no agho shi pewo timi hu tsülo.

BAIBEL (BSI)

¹¹ Ike panongu papu Israil no panongu vilo pi, “Tishikepu shiaye hi shilo, niyeghi lono ipeghikeu akini pesu timi hu agho chhekepushi nongu kholo hipaqo supulo: i-yikeu ta kitila, akhingozu kitila, axokutsungu ta ngo vekutsungu kepu mukhu, almon lothi ngo thaithi lothi toikeu ngo ishi.

BOTHUBO 43:11 Referans Kwoze

BOTHUBO 37:25

Tithiu panongu no chusho nike iqave. Panongu no jupuwo kelo Gilead lono Ishmaelmi aloji lakhi sayeshi lono ata, nukümtshau eno axokütsüngü pesü Egypt lo iqi cheghi.

JEREMIYA 8:22

Gilead lo nukümtshau küha keshea? Tile shikipivimi küha keo? Tishiaye kushiye Iw timi ngaqo shiaji ye athoputho mla kea?

EZEKEL 27:17

Judah ngo Israel yeghi no o sasü lhidi shiche; panongu no Minnith shothi, achuqupu, akhingozü, thazü eno nukümtshau pesü ow tinhemgha kilhisho che.

AHOLE 18:16

Milakhi gho no pa ghenguno ala khaqhitsü no pa sasü akhotomi zülo ighilu chenipe.

SAMUEL ATUGHIU 9:7

Ikehu Saul no pa qeu vilo pi, “Ikemu nikujo no wu aye, pa lau kiu pewuni kea? Kughengu nikujow süqhu lo asho kühavae, eno Alhou timi lau agho pewu kepu kühae. Nikujo ye kiu ani kea?”

Apostolmi 21:14

Pa hakhaju pühave kehu ningu no tave no ishi pive, “Ampeu pulou shipeniu.”

EZEKEL 27:15

Dedan timiqo no o sasü lhidi shiche. Azüghimkü ghakhu kutomo no ow kütavi kilhikishi-a shiche; panongu no ame tsüno akühahu ngo tsübuike sü o lau peighi che.

ALE KIMCHI 8:14

I qhuu, mtazü ighilo, tsüngqüi keu naghuto lo achuyi momu aqhu lhothe toi mighilo.

ALE KIMCHI 4:14

khungthibo, calamus, eno aküsabo, tsüngqüikeu mukhu tsünibo jeli, müsüghüta ngo aloe gholo jumghaikeu mukhu jeli toike.

ALE KIMCHI 4:10

O kikimiye ye kiutoi alo kela, I chepu, Iw külaliu! Ti ye atsaizü nguno kishi akiviu kela, eno ow thazü xo ye jumghaikeu mukhu nguno akiviue!

AHOLE 21:14

Tuqhou no agho chheve aye amlokighide ghaqhilu cheni, küsüuno asaxü tsükeu no aloghu küghüqülu cheni.

AHOLE 19:6

Kümtsü no timi akhotomi lopu shiniye pükapütsa cheni; eno tsükinimi sasü küsapau shinike pükha cheni.

AHOLE 17:18

Kümsükümlami no kütami piagha ghenguno amakho putsü nike pa küsami zülono piqhi cheni.

LESHELE 76:11

Ampeu O Lhou vilo kiu shinie pi püani keno shilo; akupunu lo akeqo pelo khuu sümsa masa keno Pa lau agho süghi pelo,

LESHELE 72:10

Tarshish lo kükami eno azüghimkü lo küxümi no sükusho süqha pa tsü pelo; Sheba eno Seba lo kükami pelo agho peighi pelo!

LESHELE 68:29

Jerusalem lo O chineki ghenguno kükami no agho O lau xapughi nani.

ESTHER 4:16

“Wulo, Susa lo Jewmi ithulu keqo kümtsü hekütsü lo, eno I ghenguno kümvü lo, putho pucho tsala küthü chusho kevilo. Ni eno Iw lhothelimi ghi nongu toi kümvüni. Tishino ayezah hexa aghimu I no akükau lau wuni, eno tsala I pühave kepu shimu, ni ye pühaveni.”

KUKAMI AKINIU 20:12

Tipa ghuloki lo Baladan nu Merodach-baladan, Babylon kükau no aghakhu züqhukishimi eno yesü gholo aküzü-agho pesü Hezekiah lau tsüpuwu, kughengu pa no Hezekiah ye süae pi chilue.

KUKAMI AKINIU 16:8

Ahaz no achineki eno kükaki lono ghükayi ngo ameshoyi ithulu keqo pesü Assyria kükau lau aküzü-agho shi tsüpuwu.

KUKAMI AKINIU 8:8

akükau no Hazael vilo pi, “Agho pesü wuno Alhou timi pütsalo eno pa vecheo Ampeu vilo ighiju lo, ‘Ni ye aküsü hipau lono viluve nanima?’”

KUKAMI ATUGHIU 15:19

“Nikujo papu dolo visho aketoi nikujo dolo ghi apelo. I no ghükayi ngo ameshoyi pesü agho o tsüpuwu ani. Ikehu Israel kükau Baasha lau visho shipüa keu xachileve lo, tishiaye, pa ye I launo idewove nani.”

KUKAMI ATUGHIU 10:25

Ighi kemi kümtsü no agho jeli ghükayi, ameshoyi, aphimini, myrrh thazü, tsüngqüikeu mukhu, khurshi, khurgha, ishi ampe atsütsü pa tsüche.

KUKAMI ATUGHIU 10:15

tipau gholo ameshoyi kuphumi, alhikishimi, kulolau kükami, eno Israel yeghi lo anghqo launo ighiche.

KUKAMI ATUGHIU 4:21

Solomon no Euphrates lono Philistia eno Egypt lughi kutolo ayepe luve. Tipaqo no sükusho süqha pa tsüno pa küxü tivilo pa qeche.

SAMUEL ATUGHIU 25:27

Itehi o qeu no I mpeu lau agho süghi akeu pesü ow apumi khunoqo I mpeu pape cheni keno tipaqo tsüni.

ZAKINIU 33:14

khetsünhe no phu pinive keu xathi akiviu, eno aqhi-aqhi lo axathi akiviu pesü pa kümghatsü peniu,

BOTHUBO 43:14

Akughushu Lhou pelo timi hupau zülo küpükini nongu tsü peniu, eno pa pelo nongu thiküzüu lakhiu ngo Benjamin kighide puwo peniu. I ghengu ye, tsala I no I tianuli pühave kepu shive namu pühave niae.”

BOTHUBO 33:10

Jacob no pi, “Moe, kimiyeno tsala o nhethe lo I kimiye qhiyilu aghi aye, I u lono I ghochhe ikhilu tsülo. Kughengu I no o gi ithulu akeu ye Alhou gi ithulu aketoi ani, eno nono ni ikhiluve tsü ake.

ACHINE 20:24

Ikemu I no nongu vilo pivae, ‘I no nongu mheghi shi akichhizü ngo akhingozü qowu akeu yeghi hipau pesü nongu tsüni.’ Ni ye Ampeu khuu ashiayeqo launo nongu kishe kütüta shitsü keno, nongu Lhou huke.

BOTHUBO 43:10

Tsala ningu no munumo aye, ningu ye ghuthu kini idechile ighive kepu shivae.”

BOTHUBO 43:15

Ikehu panongu no agho eno pisa püzüu jehi kini pesü Benjamin sasü Egypt lo iqive eno Joseph zülo puthughoe.

BOTHUBO 43:25

panongu no puchomghü lo Joseph ighini keu ghenguno aghochhe kuto, kughengu panongu ye tilehi achuqupu chu nanie pi chilu ke.

BOTHUBO 43:26

Kughou Joseph no aki lo ighi keno, panongu no pa lau agho peighi akeu süghi no pa zülo ayeghi lo pishiqhoe.

EZEKEL 27:22

Sheba ngo Raamah timiqo no o sasü lhidi shiche; panongu no vekujumkhu kivi eno akughupu tu kümtsü eno ameshoyi pesü ow kilhikishi nhemghaqo kilhisho che.

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.