BOTHUBO 42:36 - Sumi Naga CL (Re-edited) Bible (BSI)

³⁶ Panongu papu Jacob no panoqo vilo pi, “Nongu ghenguno I nuliqo pühavae: Joseph kühavae, Simeon kühavae, eno itehi nongu ye Benjamin sawuve niye ani. Hi kümtsü I shou ikughi anie.”

BAIBEL (BSI)

³⁶ Jakob no panongu vilo pi, “Inuliqo, nongu ghenguno imlo shikighime qhivae. Josef hauvea Simon ghi chevea eno nonguye Benjamin ghi sawuveni keshea? Hi kumtsuno ighimeqhi auvae!”

BOTHUBO 42:36 Referans Kwoze

BOTHUBO 43:14

Akughushu Lhou pelo timi hupau zülo küpükini nongu tsü peniu, eno pa pelo nongu thiküzüu lakhiu ngo Benjamin kighide puwo peniu. I ghengu ye, tsala I no I tianuli pühave kepu shive namu pühave niae.”

1 Kor. 10:13

Timi lau ghukuju ighi chekeu nguno alau ye ghukuju kiumu nongu shou ikughi mphi. Alhou ye pükhükulupu, eno Pa ye o kumto qhemi nguno alau o ghuju pemo nani, ikemu ghukuju gholono, o pelo polupe kepu laghi tsü nani, tishikeu lono o pelo puqhelu penani.

Rommi 8:31

Tishi aye, hipa vehulo ningu ye kiu pini kea? Alhou no ni küdau aghi aye, khuu no ningu mjochile kulupu kea?

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

MATTHEW 14:31

Jisü no pai pa u chhope pa tsüqü luve eno pa vilo pi, “O no aküpülü kükühau, kushiye no ye lipive kea?”

ISAIAH 41:10

I no o sacheni ke msa kevilo; aghüthisü kevilo kughengu Ni ye o Lhou ke; I no o shikumto eno o kuphu nani, I chipiu mikucho pesü I no o süqhe nani.

ISAIAH 38:10

I no pi, I küxü ahe lono ni ye cheve masavae; I küxü kupuju Kithigha khagho lo apeniye shivae.

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

YETSAPIU 7:8

Ashekuho no abothu nguno akiviue, alolo kutuukulu no alolo aqheküza nguno akiviu ke.

JOB 7:7

“I küxü ye atuthukishe lakhi kepi kümsülu lo; I nhethi ye khilemu idewo akivi tsala ithulu moae.

SAMUEL ATUGHIU 27:1

David no pa mlo lono kümsü, “Ni ye ghulo lakhi lo Saul u lono thive nani. I ghengu ye Philistiami yeghi lo pove keu nguno akiviu kühae. Tileno Saul ye Israel ghuthu lo I phuju pühave no aghüthi süve nani, eno ni ye pa u lono pokaluve nani.”

LESHELE 34:19

Amikuchomi ghime kitikhi ye kutomoe, ikemu Ampeu no ti kümtsü lono pa xaphelu cheni.

BOTHUBO 47:12

Joseph no pa pu, pa thiküzümi, eno papu kibolomi kümtsü lau, panoqo tianuli kikihi kiqi lono achuqupu tsüe.

BOTHUBO 45:28

Eno Israel no pi, “Tino kughomae; I nu Joseph ye xüaphie. I no wuni eno I no thimphi züuno pa sasü kushoni.”

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

BOTHUBO 42:37

Tileno Reuben no pa pu vilo pi, “Tsala I no o lau pa sachile ighi move aye, I nu pama pithive lo. Pa pesü I u lo kulhuqhi tsülo, eno I no o lau pa sachile ighini.”

JEREMIYA 31:15

Ampeu no ishi piani: “Ramah lo asütsa chilu, akumlo eno kukhukimji küqa. Rachel no li tianuliqo ghenguno qa ani; alovekughuno tsüni keu milivae, kughengu panongu ye kühavae.”

BOTHUBO 44:12

Eno anoghiu no atüghüu shino ayitiu no ashekha shi pa no lheju. Ikelo ajukhu ye Benjamin pulukho lo aghi.