BOTHUBO 42:15 - Sumi Naga CL (Re-edited) Bible (BSI)

¹⁵ Hipau vecheo nongu pejuni: Pharaoh küxü vecheo pi ani, nongu thiküzüu ayitiu hile ighi moke kutolo nongu ye hipa-a lono wumo nani.

BAIBEL (BSI)

¹⁵ Hipau lono nonguye mutsumishei ani kemono juni: Farao je lono ino piqhi ani, nongu thikuzuu anipau hile ighi mokeloye nonguye hileno wuvemlae.

BOTHUBO 42:15 Referans Kwoze

SAMUEL ATUGHIU 17:55

David no Goliath mjoni ye wuche keu Saul no ithulu kemtsa pa no Abner, ghüshimi zatsüu vilo pi, “Abner, apumi hipau ye khuu nu kea?” Abner no pi, “No hi xü anike ni ye mthae, O akükau.”

James 5:12

Ikemu I thiküzümiqo, kümtsü nguno alauno nongu ye kungugha, ayeghi, momu kiu kiumu pesü tushoqhi kevilo. Nongu ye “iyei” ipi aye iyei pilo eno “moe” ipi aye “Moe” pilo, tishianguno nongu shou küghathabe monani.

JEREMIYA 5:7

“Ni ye kishino panongu kipimi qhitsüni kea? No tianuliqo no I kümsümavae eno alhou kumo keqo jeku ashoqhi shivae. I no pano ghakiqipu shi loji kelo panongu no shupu-salha eno küsalhami kilo kumqope ngoe.

JEREMIYA 5:2

Panongu no, “Ampeu xü anike,” ipi anamu, akimki lono tushoqhi cheni.

SAMUEL ATUGHIU 20:3

Ikemu David no itaghi tushoqhi, “Nono I kimiye chekeu o pu no ithi ani, eno pa ye ishi kümsü ani, ‘Jonathan pelo hi ithi pemoni, tikumo aye pa ye amlo ijuve nani.’ Ikemu kuchou no Ampeu xü anike eno no hi xü anike, ni eno akithi dolo küpka lakhi likhi ani.”

SAMUEL ATUGHIU 1:26

Li no pi, “O I mpeu, no hi xüanike totimi khuu o zülo hile puthugho no Ampeu lau inikhu akeno ti huye ni ke.

ZAKINIU 6:13

Ampeu nongu Lhou sümsa lo, Pa likhi huthu lo eno Pa je lo likhino tushoqhi lo.

BOTHUBO 43:3

Ikemu Judah no pa vilo pi, “Timi huno akumto shi ningu ghutu no pi püani, ‘Nongu thiküzüu nongu gholo saghi move aye, nongu ye I gi ithulumo nani.’

BOTHUBO 42:34

Nongu thiküzüu ayitiu I lau saighi lo. Tithiuno nongu ye pukujumi kumono amikuchomi kepi I no ithini, eno I no nongu thiküzüu nongu lau khaqhiphe tsüni, eno nongu ye ayeghi hilehi kilhikishi shilu nani.’”

BOTHUBO 42:30

“Ayeghi tilehi ampeu, timi huno mkamghai ningu pütsa no ningu ye ayeghi pukujumi kepi pülüpüsae.

BOTHUBO 42:20

eno nongu thiküzüu ayitiu I lau saghi lo. Tishino nongu tsa piqhijuni, eno nongu ye thimo nani.” Panongu no tishive.

BOTHUBO 42:16

Nongu dolo lakhi puwu no pa pelo nongu thiküzüu saighi pelo, eno kütami ye khathave aghini, tishino tsala nongu lolo kuchou ani kemo keno nongu tsa pejuni. Tikumo aye, Pharaoh küxü vecheo pi ani, nongu ye mtsüqheino pukujumi ke.”

BOTHUBO 42:12

Pa no panoqo vilo pi, “Moe, ayeghi hipau kümsa shi akeu puju niye ighi ani.”

BOTHUBO 42:7

Joseph ye pa mu noqo ithulu no panoqo michiluve, ikemu pa no shoinami toi panoqo peitha eno mkamghai panoqo pütsae. Pa no pi, “Nongu ye khilau no ighi ani kea?” Panongu no pi, “Achuqupu qhüni ye Canaan yeghi lono ighi anie.”

BOTHUBO 42:14

Ikemu Joseph no panoqo vilo pi, “I no nongu vilo pive ketoi, nongu ye pukujumi ke.

BOTHUBO 43:5

Ikemu nono ni thiküzüu puwu move aye, ningu ye iqimoe, kughengu timi huno ningu vilo pike, ‘Nongu thiküzüu nongu gholo saghi move aye, nongu ye I gi ithulumo nani.’”