BOTHUBO 41:42 - Sumi Naga CL (Re-edited) Bible (BSI)

⁴² Tithiu Pharaoh no paw jedapu nguthi pa u lono ikhiluve no tipau Joseph u lo süvetsü, phepheike phi pa pipeve, eno ameshoyi no mlakeu chi pa kuo lo xipipeve.

BAIBEL (BSI)

⁴² Farao no pa u loti lono amchishi chishida chekeu nguthi sujopheno Josef ulotilo sutsue. Phuphuyikeu phimini kivi pesu pa puue, eno shuna-yila pa kuo lo xini pipe.

BOTHUBO 41:42 Referans Kwoze

DANIEL 5:29

Tileno Belshazzar no azah tsüno Daniel ye hughaike phi pipeve, ameshoyi chi pa kuo lo xipipe, eno pa pelo kükaqha lo yepeu aküthüu shipeni keu shi shekushu lakhi shipe.

DANIEL 5:7

Akükau no shiküghüzü kemi, Chaldeami eno yepu-yesü kighithimi asütsa kuloghi lono ku. Pa no Babylon lo alokütsümiqo lau asheshu, “Khukhumu akiye hipau philu eno hepho piyelu keu ye hughaike phi pipeni eno ameshoyi chi pa kuo lo xipipeni, eno kükaqha lo yepeu aküthüu shipeni.”

ESTHER 3:10

Ikehu akükau no paw jedapu nguthi ikhipe Agagmi Hammedatha nu Haman, Jewmi ghümi hu tsüve.

DANIEL 5:16

Ikemu no ye hepho piyelu nani eno aküküpna xathalu nanie pi I no chiluvae. Nono akiye philu eno tipau hekupho I pelo ithilupe aye, hughaike phi o pipeni eno ameshoyi chi o kuo lo xipipe no kükaqha lo yepeu aküthüu shipenie.”

ESTHER 8:2

Akükauw jedapu nguthi, khikhi pa no Haman launo luve keno, tipau pe Mordecai tsüve. Eno Esther no Mordecai pelo Haman kilo ampeu shivepe.

ESTHER 8:15

Tishino Mordecai no akükau zülono atsüla ngo metsüghoi keu kükaphi, ameshoyi kütsükuqho kije, phephei eno hughai keu chijeboike phi pepusü wuve, eno Susa mishighüna lo akemi no ighamku alovie.

ESTHER 8:10

Pa no Akükau Ahasuerus jelono ye no tipau lo akükauw jedapu nguthi no chishidave. Tishino pa no akükauw khurshiki lono kishephe keu khurshi, ti ye akükau kümlapu lo peitha chekeu khurshi kümthüqo lono yesü külha puwu,

EZEKEL 27:7

O shuka fusawuke phi no Egypt lono phepheike phi aye shisükeu, tino ow michiphi; Elishah züghimkü lono atsüla ngo hughaike phi no o pusho mlae.

ALE KIMCHI 1:10

Amekusho thime no o ju kivi gholo küpha, o kuo lo ameshoyi chila huno aküzüqhiyi ke.

AHOLE 31:24

Li no phepheike phi mlape je cheni, heqhiphi pesü alhikishimi vilo kimje puwu cheni.

AHOLE 31:22

Li no azüa küqhaphi ghocheni; li phimini ye phephei eno tsülabei.

ESTHER 8:8

Ikemu nono pulo aketoi akükau jelono nono Jewmi vehulo yelu nani, eno akükau nguthi pesü tipau chishidalu nani, kughengu akükau jelono ayezah yeve no akükau nguthi no chishidave keu ye xachile lumo nanie.”

ESTHER 3:12

Tithiu aqhi atüghüu atsala chighiaküthüu lo akükau yezah kighithimi kusü, eno Haman zakütsü kiqi lono ayezah yephepe akuaqha lo akükauw yepemi, angh eno ashiayeqow hiyampemi kümtsü lau tsüpuwu, aghakhu kümtsü lo pütüta kiyethi eno ashiaye kümtsü lau pano tsauno yepuwu. Ti ye Akükau Ahasuerus jelono yephe eno akükauw jedapu nguthi pesü chishida no puwu.

Luke 15:22

Ikemu apu no pa qemiqo vilo pi, ‘Mtazü aphimini akiviu süghi no pa pipelo, pa u lo anguthi sütsü lo, eno pa pukhu lo apukhuqho süpipe lo.

AHOLE 1:9

kughengu tipaqo ye o ghenguno aküzüqhiyi keu kütsükuqho eno o kuo lo jukivi chila toike.

ESTHER 10:3

Kughengu Jewmi Mordecai ye Akükau Ahasuerus shelo akiniu shi ache, eno pa ye Jewmi dolo kije eno pa thiküzümi aqokitikhi dolo ajekipi shi ache, kughengu pa no timiqo kivipu ghenguno mlaitha che eno külakishi tsa pesü paw timi kümtsü vilo piche ke.

BOTHUBO 38:18

Pa no pi, “Kiu shoqhi o tsüni kea?” Li no khochile, “Ow jedapu nguthi eno o chekha ngo o u lo aqheküsü akeu.” Ikehu pa no tipaqo li tsüve no li sasü kikivive, eno pa vecheo li ye mishiluve.

BOTHUBO 41:43

Paw khurkulu akiniu lo pa pelo ikupe. Eno pa zülono panongu no pi, “Qhoqhünhe lo!” Tishino Pharaoh no Egypt yeghi kümtsü shou pa süküsü shive.

SAMUEL ATUGHIU 18:4

Jonathan no pa philo pepu akeu kuuphi xape David tsüve, eno pa ghünanu, azütakikihi, shexilika, eno apokha ghi pesü tsüve.

LESHELE 73:6

Ikehu aqheküza no pano chiku; hekiqhi no pano phimini shicheni.

ALE KIMCHI 4:9

Nono I mlo sünhe luvae, I chepu, Iw külaliu; o nhethi no ghuthu lakhi juke lono, eno o chiku lakhi huno I mlo sünhe luvae.

JEREMIYA 52:33

Ikehu Jehoiachin no akughumi phimini xaqhive, eno tinguno tilau pa ye tsalakipe akükau gholo chusho thuve,

ISAIAH 3:23

jupilikümsa phi, phepheike phi, akütsü küzüphi eno agikünha.