BOTHUBO 41:32 - Sumi Naga CL (Re-edited) Bible (BSI)

³² Pharaoh samo ghuthu kini pumo kibe keu kiqi ye Alhou ye hipa vehu iqemo ake, eno Alhou no kighitheno shikupu nanie.

BAIBEL (BSI)

³² Farao no ghuthu kini pumoide keu kiqi huye tipau shini putsakeu shi ghi Alhou no kughuva, eno kushuwa womono Alhou no ti ighipeni chenie.

BOTHUBO 41:32 Referans Kwoze

AKIKIHI 23:19

Alhou ye timi kumo keke Pa ye mikiveni chemo; momu Pa ye timi nu kumo keke Pa kükümsü kilini chemoe. Pa ye piqhive no shimoveni keshea? Momu Pa ye pive no shikupu moveni keshea?

2 Kor. 13:1

Hi ghuthu aküthüu ni ye nongu lau cheni. Ngukukile keu kümtsü lo thopimi kini momu küthü no ashepe shitsü masae.

MATTHEW 24:35

Atsütsü ngo ayeghi ye hauve nani, ikemu I tsa ye khilemu hauvemo nani.

Piyeküsü 9:15

Ikehu kungumi pano bidi huye ayi kihedo, atsala, aqhi, eno ampe hipau ghenguno kuto püa keke ayeghi lo timi kikije küthü lo lakhi ye pithive penike kuqho pheve.

1 Kor. 2:9

Ikemu ishi yepüake toi, “Kiu anhethi no ithulu mphi, akini no chilu mphi keno, momu timi mlo no kümsülu mphi keno, Alhou no kiu Pa kimiye chekemi ghenguno kuto püani keno”—

Mark 10:40

ikemu I u ajeu momu piyiu iqani keu za ye I no tsü nanike kumoe, ikemu ti ye khuno ghenguno kutope qhive akeno pano salake.”

MATTHEW 25:41

“Tileno pa no pa u piyiu akeqo vilo pi nani, ‘I launo chevelo, nongu müsüinive keqo! Tüghami ngo paw kungumi ghenguno alhomi kuto püakeu lo ilovelo.

MATTHEW 25:34

Tileno Akükau no pa u ajeu akeqo vilo pi nani, ‘Ighilo, nongu I Pu no kümghatsü keqo, ayeghi boqha ghoke lono nongu ghenguno kutope püakeu yekipe mheghi ighilu lo.

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

BOTHUBO 37:9

Tithiu pa no asamo kütau pumo eno pa mu noqo vilo tipau pi, “Julo, I no asamo kütau pumoe. Khetsünhe, aqhi eno ayepu chighiqhaqhi no I zülo pishiqhoe.”

BOTHUBO 37:7

Julo, ningu ye alu lo aghi ghove keu piqhe ae, eno julo, I ghi kipiqhe no müzüchoi puthugho luve. Eno nongu ghi kipiqhe no tipau veho luve no I kipiqhe zülo pishiqhoe.”

BOTHUBO 41:25

Tile Joseph no Pharaoh vilo pi “Pharaoh samoqo ye lakhi eno aphiphi kena; Alhou no kiu shiniye ani keno Pharaoh lau pephe piyevae.

BOTHUBO 41:28

I no Pharaoh vilo pive ketoi; Alhou no kiu shiniye ani keno Pharaoh lau piye anie.

BOTHUBO 41:31

eno püqümiye ighikeu ghenguno ayeghi lo kupukuno do huye kümsümave nani, kughengu püqümiye huno ighono ihulove nani.

DANIEL 2:45

ti ye atu khikhi timi u no chhuthamo keu naghuto lono ipeghi keu nono ithulu, eno tino ayi, alazayi, aghani, ghükayi eno ameshoyi kubovetsü keno, tihu toike. Hipa thiu kiu shiniye ani keno akiqheu Lhou no akükau pelo ithivepe ani. Asamo huye thebei, eno tipau hekupho ye mtsüqhei ke.”