BOTHUBO 41:25 - Sumi Naga CL (Re-edited) Bible (BSI)

²⁵ Tile Joseph no Pharaoh vilo pi “Pharaoh samoqo ye lakhi eno aphiphi kena; Alhou no kiu shiniye ani keno Pharaoh lau pephe piyevae.

BAIBEL (BSI)

²⁵ Josef no Farao vilo pi, “Farao samo huye aphiphi kena. Alhou no paye kiu shiniye kuto ani keno Farao vilo pive anike.

BOTHUBO 41:25 Referans Kwoze

DANIEL 2:45

ti ye atu khikhi timi u no chhuthamo keu naghuto lono ipeghi keu nono ithulu, eno tino ayi, alazayi, aghani, ghükayi eno ameshoyi kubovetsü keno, tihu toike. Hipa thiu kiu shiniye ani keno akiqheu Lhou no akükau pelo ithivepe ani. Asamo huye thebei, eno tipau hekupho ye mtsüqhei ke.”

Piyeküsü 4:1

Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”

Ephesiami 1:17

Ikehu ajuküvü Papu, ni Mpeu Jisü Khristo Lhou no alokütsü ngo piyeküsü ghungu pesü nongu tsüno Pa kighithi lo thuwulu peni;

Mark 13:23

Ikemu ni ye hi kümtsü azünatha pive akehu nongu ye khekuto luvelo.

MATTHEW 24:40

Tile timi kini no alulo hu akelo lakhi sawuve no lakhiu ye qhive nani.

AMUS 3:7

“Kughengu Ampeu Alhou ye Pa qemi tungkupmi lau Paw tuqhou pephe piyemo keloye kiumu shichemoe.

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

ISAIAH 43:9

Shiye kümtsü no hekütsü, ashiaye kümtsü no kumqo ke. Panongu dolo khuu no wove keu vehu pilu eno ni vilo tipa vehuqo pilu nani kea? Panongu pelo pano chipiu gholo thopimi saghi pelo, panongu pelo ti chilu no, Hi ye kuchoue, ipi pelo.

LESHELE 98:2

Ampeu no Paw xakulu ithiluve peke; Pa no shiyeqo zülono Pa chipiu mikucho pepheke.

JOSHUA 11:6

Ampeu no Joshua vilo pi, “Panongu jumsa kevilo, thoghiu hipa ghuloki lo I no panongu kümtsü pithive no Israelmi tsüveni. No ye panow khurshiqo pukhu micheve tsü eno khurkuluqo pitive tsülo.”

BOTHUBO 41:16

Joseph no Pharaoh khochile, “Ti ye I no kumoe; Alhou no Pharaoh lopushi khochile tsü nani.”

IPEKULU 9:14

Kughengu itehi ye I no püsa kümtsü no ampi shou eno o qemi ngo ow timiqo shou puku nani, tishikeu lono ayeghiqha kümtsü lo I toi kemi khumu kühae pi nono ithi nani.

BOTHUBO 41:26

Amishi akivi tsüni ye ampe tsüni, eno ape akivi tsüni ye ampe tsüni; asamo ye aphiphi ke.

BOTHUBO 41:28

I no Pharaoh vilo pive ketoi; Alhou no kiu shiniye ani keno Pharaoh lau piye anie.

BOTHUBO 41:32

Pharaoh samo ghuthu kini pumo kibe keu kiqi ye Alhou ye hipa vehu iqemo ake, eno Alhou no kighitheno shikupu nanie.

BOTHUBO 40:8

Pama no pa vilo pi, “Nikujo ye asamo pumoe, ikemu nikujo vilo hepho piyeni kemi lakhimu kühae.” Eno Joseph no pama vilo pi, “Hekupho ye Alhouw ke kumo? Kimiyeno I vilo piju lo.”