BOTHUBO 4:10 - Sumi Naga CL (Re-edited) Bible (BSI)

¹⁰ Ampeu no pi, “No ye kiu shive akea? O thiküzüu ji ghügha huno ayeghi lono I lau igha ikughi anie.

BAIBEL (BSI)

¹⁰ Tile AMPEU no pi, “Noye kushiye hikithipu shi kya? Ayeghi lono othikuzuu jino amkhu lutsu lepi ighamuku keu sutsano itovae.

BOTHUBO 4:10 Referans Kwoze

IBRIMI 12:24

Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.

IBRIMI 11:4

Aküpülü lono Abel no Cain nguno ikhikulupu ghakishi Alhou lau tsü, eno Alhou no pa kümllagho ikhilu tsüno aküpülü vecheo pa ye amikucho kepi kihi tsüe. Pa ye thive namu aküpülü vecheo pi chephie.

ISAIAH 5:7

Aqokitikhi MPEU tsailu ye Israel shiye, Judah lo küami no Pa lopushi chekeu sübo ke; Pa no panoqo launo kuchou xakütha laju kemu julo, ajikuqou ithulue; achipiu mikucho laju kemu julo, panongu no püqapunu chekemi küqau chilue!

LESHELE 72:14

Qodaqhi eno hekiqhi lono Pa no panoqo küxü qhüchilelu, Pa nhethe lo panoqo ji ye akughupu ke.

James 5:4

Julo, akümlami khunoqo nongu lulo mlatsü keno, nongu no pano pishiqhipe ajume qhichile luve tsüke, panoqo no nongu shou ighamku ani, ghile kuhumi ghügha no aqokitikhi Mpeu kini tovae.

LESHELE 9:12

Kughengu Pa ye amkhü kulumi kümsüma chemoe; Pa ye aghime shi akemi küqa kümsümave chemoe.

AKIKIHI 35:33

Nongu no küghüna akeu yeghi shipixi moni, kughengu aji kichijive keu no ayeghi shipixive cheni eno ayeghi lo aji kichijive keu ye timi hekiqhiu ji no kumo aye kiunomu lochile mlae.

JOB 16:18

“O ayeghi, I ji jonhatsü kevilo, I ghügha inaqhoive pe kevilo.

BOTHUBO 9:5

Eno nongu küxü ji luve tsükeu ye I no kihikülai keu avehupu shi nani: tüghashi eno timi kümtsü launo I no kihikülai keu avehupu shi nani. Timi küxü ghenguno I no pa küsau launo kihikülai keu avehupu shi nani.

LESHELE 50:21

No ye thime hipaqo shivae, ikeghi Ni ye inaqhoi ighivae; nono kümsü keu no nighi o toi kemi küghashi ani. Ikemu itehi I no o lomipi ani eno ngukube keu o zülo süghi ani.

IPEKULU 3:7

Tileno Ampeu no pi, “I no mtsüqheino Iw timi khunoqo Egypt lo ani keno, pano ghime ithuluvae eno hekiqhimi ghenguno panongu no ighamku akeu chiluvae. I no panow shiluküsaqo ithivae,

JOB 24:12

Aphughi lo aghüzaku kupumi eno thiuche kemi no kuphu lopi igha keghi Alhou no khuu kutokumo mu phüju tsümove.

KUKAMI AKINIU 9:26

‘Ighina I no Naboth ngo pa nuli ji pele keu ithulue—Ampeu no sheshu—I no alu hipau lono o lochile nani.’ Tighenguno itehi, Ampeu tsa kiqi lono Joram kumo ikhipe Naboth lu lo vesüve tsülo.”

JOSHUA 7:19

Tile Joshua no Achan vilo pi, “I nu, Ampeu Israel Lhou Ampeu juküvüpu shilo eno Pa sheqhelo. Eno I vilo no ye kiu shive akeno pilo; I zülo küsü kevilo.”

BOTHUBO 18:20

Tishino Ampeu no pi, “Sodom ngo Gomorrah shou ngukube igha keu no kije shivae eno panongu xine no kuthoküzü shive akehu,

BOTHUBO 3:13

Tileno Ampeu Alhou no totimi vilo pi, “No ye hi ye kiu shive akea?” Totimi huno pi, “Apighi no I pishiqhive, eno ni ye chuveke.”

Apostolmi 5:9

Ikemu Peter no li vilo pi, “Kishino nokujo ye pulo küqhano Ampeu Ghungu peju niye shi kea? Julo, o kimi shiqho wu kemi ahukikha lo ighivae, eno panongu no nou ghi khape ipeve niae.”

Apostolmi 5:3

Ikemu Peter no pi, “Ananias, kushiye Aghungu Kimthe pishiqhi niye Satan no o mlo lo iloghive no ayeghi jekulu pisa hami o sala qhiluve kea?

ZAKINIU 21:1

“Ampeu no nongu tsü akeu yeghi lo timi lakhi heqhipe aluza lo aghini, eno khuu no pa heqhive keno nongu no mthaveni kelo,

SAMUEL ATUGHIU 13:11

Samuel no pi, “No ye kiu shive akea?” Saul no pi, “Kughou timiqo no I launo apanaghave, nono kihitha tsükeu tsala lo ighi move, eno Philistiami no Michmash lo hekütsü luve keno,

YEKIKITHI AKINIU 28:9

Ikemu Ampeuw tungkupmi lakhi Oded ipikeu no Samaria lo Israel ghüshimi idewo chekeqo vilo pi, “Julo, Ampeu nongu puasü Lhou no Judah lau amlo ideve no nongu pelo panoqo leluvepe, ikemu nongu no axukighide lono panongu ghiqhive keu no iku atsütsü tovae.

LESHELE 9:13

I küpüqhiyi tsülo, O Ampeu! O, No khuu akithi khagho lono I sünhelu cheni keno, I mithi kemi launo I ghime kitikhi ithulu tsülo,