BOTHUBO 38:20 - Sumi Naga CL (Re-edited) Bible (BSI)

²⁰ Kughou Judah no totimi u lono ashoqhi shi püakeu luchile penike Adullammi pa küsau launo aneti tsü puwu keno, pa ye li phumlave.

BAIBEL (BSI)

²⁰ Juda no Adullam no ghami pashou gholono aneti lakhi tsupuwu puzu totimi lau huno pa nhemgha puakeu sughi peniye puwu, ikemu paye li phumlave.

BOTHUBO 38:20 Referans Kwoze

Luke 23:12

Hipa züu Herod ngo Pilate pama ye aghümi shi ache kemu tipa tsala lono aküsami shiluve.

SAMUEL AKINIU 13:3

Amnon no aküsau lakhi ache, pa je Jonadab, pa ye David thiküzüu Shimeah nu ke. Jonadab ye ighono mqümghami lakhi.

XAKUTHAMI 14:20

Eno Samson nipu pesü pa ghulhu lo pa küsau kiviu tsüve.

ACHINE 19:17

“O mlo lo o thiküzümi mithi moni, ikemu pa sasü kiqikuto lulo, tikumo aye pa ghenguno nou no axine shilu nosae.

BOTHUBO 20:9

Tileno Abimelek no Abraham kuno pa vilo pi, “No ye ningu lau kiu shive akea? Eno ni ye o lau kiu xine shivepi no ye ni eno I kükaqha shou axine kije süghi ani kea? No ye I lau shimo kepu kümla shivae.”

BOTHUBO 38:1

Tipa ghuloki lo Judah ye pa thiküzümi qhive no Adullammi lakhi, khuu je Hirah keno pa lau iqive.

BOTHUBO 38:19

Tishino li ye ithu no wuve, eno li no agi künhaphi lhaqhive no chimemi phimini pepuve.

BOTHUBO 38:21

Pa no tile timiqo vilo ighiju, “Achineki kütüqhaliu khuu Enaim laghi phivilo acheni keno, li ye khile ani kea?” Panongu no pi, “Achineki kütüqhaliu khumu hile achemoe.”