BOTHUBO 36:6 - Sumi Naga CL (Re-edited) Bible (BSI)

⁶ Esau no pa nipuqo, pa tianuli, pa kilo akemi kümtsü, eno atsüaqu, lhoxü jeli eno amheghi pa no Canaan yeghi lono pighilu keqo kümtsü saluve. Pa ye pa thiküzüu Jacob launo putou yeghi lo wuve.

BAIBEL (BSI)

⁶ Ike Esao no pa nipuqo ngo panu eno angaqo ngo pa kilo timi akemi kumtsu, eno atsu-aqu ngo kuakini khije Kanan yeghilo akelono hekutsulu keqo sasu pa thikuzuu Jakob launo ayeghi kutau wuve.

BOTHUBO 36:6 Referans Kwoze

BOTHUBO 32:3

Jacob no pa züuno Edom ghakhu lo Seir yeghi lo pa mu Esau lau atsapemi puwu,

Piyeküsü 18:13

yeghüthi, tsüngqüikeu mukhu, müsüghüta, axokütsüngü zü, aji, thazü, ashomkhu, ashothi, atsüaqu ngo ambe, khurshi ngo khurkulu, eno aqüaxemi, ti ye küxümi pesü kimje keu piani. Lhidimi no highi pi,

BOTHUBO 28:4

Pa pelo Abraham kükümgha pesü no eno o gholo o tikughukomi tsü peniu, tishino nono inami shi chekeu yeghi khikhi Alhou no Abraham tsü keno, tino o mheghi shilu peniu!”

BOTHUBO 25:23

Ampeu no li vilo pi, “Shiye kini o polo ani, eno ashiaye kini o lolo akeu ye kijethave nani; lakhi no lakhiu nguno akumtou shive nani, akichiu no ayitiu qe nani.”

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

BOTHUBO 13:11

Ikehu Lot no pa ampi sala Jordan Khila kümtsü kisheluve, eno pa ye kipelau wuve. Pama ye hitoi lakhino lakhi launo kütüta shive.

BOTHUBO 13:6

ikehu pama kümtsa küghünani keu ye ayeghi no tülalove; kughengu pamaw pichepighi ye ighono kutomo akehu kümtsa küghüna mlave,

BOTHUBO 12:5

Abram no pa nipu Sarai, pa thiküzüu nu Lot, panongu no tinhemgha hekütsülu keqo, eno Haran lono qhülu kemi ishi sasü Canaan yeghi lo wuve. Kughou panongu no Canaan yeghi lo ighi keno,

EZEKEL 27:13

Javan, Tubal, eno Meshech no o sasü lhidi shiche; panongu no timi ngo alazayi liqo pesü o nhemgha kilhisho che.

BOTHUBO 36:5

eno Oholibamah no Jeush, Jalam eno Korah punu. Anu hipaqo ye Canaan yeghi lono Esau lau punu keqoke.