BOTHUBO 32:9 - Sumi Naga CL (Re-edited) Bible (BSI)

⁹ Eno Jacob no pi, “O I pu Abraham Lhou eno I pu Isaac Lhou, O Ampeu khuu no I vilo, ‘O ghakhu lo eno o sholokumi lau idewove lo, tishianguno I no o lau akivi shi tsünie,’ ipi keno,

BAIBEL (BSI)

⁹ Tile Jakob no inikhue, “O ipu Abraham Lhou eno ipu Isak Lhou. AMPEU nono ivilo pikeuno, ‘No yeghilo eno nobolomi lau idewovelo eno ino akivishi opeitha nani’ ipi.

BOTHUBO 32:9 Referans Kwoze

BOTHUBO 31:42

Tsala I pu Lhou, Abraham Lhou eno Isaac no Sümsa chekeu huno I küdau aghimo aye, mtsüqheino no ye au kümsa I puwuve aghini cheke. Alhou no I ghime eno I u lo kümla ithulu tsü püzü iji o lomipi ke.”

BOTHUBO 31:13

Ni ye Bethel, nono khile atsükucho nukishe eno I lau ashoqhi shi keno, tipa Lhou ke. Itehi ithulo, ayeghi hipau lono wuve no o sholokumi yeghi lo idewove lo.’”

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

BOTHUBO 31:3

Tile Ampeu no Jacob vilo pi, “O puno yeghi lo no bolomi lau idewove lo, I no o gholo ananie.”

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

BOTHUBO 31:53

Abraham Lhou, Nahor Lhou eno panoqo papu Lhou no nikujo dolo xaküthau ke.” Ikehu Jacob no pa pu Isaac no Sümsa chekeu jeku tushoqhive,

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

YEKIKITHI AKINIU 32:20

Tithiu Hezekiah ngo Amoz nu tungkupu Isaiah pama no hipa ghenguno kungugha lau ighamku inikhu.

YEKIKITHI AKINIU 20:6

eno pi, “O Ampeu, ni puasü Lhou, No ye kungugha lo Alhou ke kumo keshea? Nono ayeghi lo kükaqha kümtsü shou ayepe ani. O u lo aküka eno akumto akeu ghenguno timi khumu o mjochile mlae.

SAMUEL ATUGHIU 30:6

David ye ighono avesave, kughengu timi kümtsü no pano tianuli ghenguno alolo kukhukimji shi akehu atu pesü pa veqhiveni piuve. Ikemu David no Ampeu pa Lhou launo pa ampi shikumto luve.

IPEKULU 3:6

Eno Pa no pi, “Ni ye o pu Lhou, Abraham Lhou, Isaac Lhou eno Jacob Lhou ke.” Moses no pa gi küsüve, kughengu pa ye Alhou junike msave.

BOTHUBO 31:29

O ghüzalu kepu küka I u lo ani. Ikemu iji o pu Lhou no I pütsa no, ‘Jacob vilo alhoksa momu akivi kiumu pimo kepushi kutokupui lo,’ ipie.

BOTHUBO 17:7

I no o Lhou eno o thiu tikughukomi Lhou shinike Iw puloshoqhi Nikujo dolo shi nani eno o thiu tiqheli kupuju lo shekhaha puloshoqhi shi nani.

YEKIKITHI AKINIU 20:12

O ni Lhou, No ye panongu shou xakütha puku tsümo keshea? Kughengu hi aqokitikhi kije ni leniye chekemi zülo ningu ye aküka kühavae. Ningu ye kiu shikepu keno mthavae, ikemu ningu ye O lau ju anie.”

BOTHUBO 28:15

Julo, I no o gholo ani eno nono khile khile wunamu I no o süsho nani, eno ayeghi hipau lo o sachile ighi nani. Kughengu I no o lau ashoqhi kiu shi keno tipau shive moke kutolo Ni ye o qhivemo nani.”

BOTHUBO 32:8

tsüno kümsü, “Tsala Esau no aghazü lakhi lo ighi no tipau leve aye, aghazü lakhiu ye poka luve nani.”

BOTHUBO 49:25

o pu Lhou, o kuphu tsükeu, Akughushuu kükümgha, kunguu atsütsü lo eno aqhou azü kutho lo akeu, akichhi ngo atita kükümgha pesü o kümgha tsüke ghenguno ke.

JEREMIYA 32:16

“Aküqhü kiyepa pesü Neriah nu Baruch tsüve kethiu I no Ampeu lau ishi inikhu: