BOTHUBO 32:4 - Sumi Naga CL (Re-edited) Bible (BSI)

⁴ eno panoqo piputo ghi pi, “Nongu ye I mpeu Esau vilo hitoi pilo: O qeu Jacob no piani, ‘Ni ye Laban gholo inami shi itehi kutolo ngo ighivae.

BAIBEL (BSI)

⁴ Eno panongu vilo hitoi Esao putsalo pi ahza tsue, “oqeu Jakob no ishi pie, niye Laban gholo inami shi ghi hi kutolo acheke.

BOTHUBO 32:4 Referans Kwoze

1 Peter 3:6

Sarah ye hitoi Abraham gholu no pa vilo ampeu ipi kuche. Nongu no achipiu mla eno kichi kümsa kelo msaichimo aye, nongu ye li ngaqo ake.

Luke 14:11

Kughengu alikhi asüqhe kemi kümtsü kuchunive nani, eno alikhi ampi kuchuni keu süqhe nani.”

YETSAPIU 10:4

Yepeu no o shou amloide aye, o-a qhive kevilo, kughengu iqünheive keu no akipimi kije qhivetsü nani.

AHOLE 15:1

Mtshaminhei khochile keu no aloghu ikhive tsücheni, ikemu atsa kümka no amlo kighide xukutho cheni.

AHOLE 6:3

hi shilo, I nu, no ampi xalulo, kughengu no ye o küsau u bokhu lo auve ake: mtazü o küsau lau wuno mlominyi pa qhüiniju lo.

KUKAMI ATUGHIU 20:32

Ikehu panongu no kumshophi no apo khapu eno akighi no akütsü khapusü Israel kükau lau wuno pi, “O qeu Ben-hadad no piani, ‘Kimiyeno I pelo xülu pelo.’” Akükau no pi, “Pa ye xüaphi kea? Pa ye I thiküzüue.”

SAMUEL ATUGHIU 26:17

Saul no David sütsa michiluve no pi, “I nu David, hi ye o sütsa keshea?” David no pi, “Hi ye I sütsae, I mpeu, O akükau.”

IPEKULU 32:22

Aaron no pi, “I mpeu xukighide tavelo. Nono timiqo ithi anike panongu ye küsakügha shinike kutope anie.

BOTHUBO 33:8

Esau no pi, “Aloji mqo I no sholu keqo ye kiu kiqi kea?” Jacob no khochile, “I mpeu zülo kimiyeqhiyi ithulu tsü peniye ke.”

BOTHUBO 32:18

no ye ishi pilo, ‘Hipaqo ye o qeu Jacobw ke. Agho I mpeu Esau lau tsü puwu akeqo ke. Eno tinguno alau, pa ghi ningu thiu chenie.’”

BOTHUBO 32:5

Ni ye amshitsü, khurha, atsüaqu, aqemi totimi ngo kiptimi ani. I no I mpeu vilo pi peniye puwu ani, tishianguno I kimiyeqhiyi tsü peniye ke.’”

BOTHUBO 27:37

Isaac no Esau khochile, “Julo, I no pa pelo o shou ampeu shivepe ae, eno I no pa thiküzümi kümtsü pa qemi shi penike tsüvae, eno athi ngo atsaizü vecheo I no pa pelo xülu peni keu shivae. Tishi aye I nu, o ghenguno ni ye kiu shitsü luni kea?”

BOTHUBO 27:29

Ashiayeqo no o qe peni eno shiyeqo no o zülo itsaqi peni. O thiküzümi shou ampeu shilulo, eno o za nuliqo pelo o zülo pishiqho peni. Khukhumu o müsüini keu ye müsüinive peniu, khukhumu o kümgha tsükeu ye müghalu peniu!”

BOTHUBO 23:6

“Ningu tsa inilo, I mpeu; no ye ningu gholo Alhouw kükapumi lakhie. Ningu kumoki akiviu lo ow kithimi shiqholo. Ningu khunomu o launo ni kumoki süchilepe o tsümove keu shimo nani.”

BOTHUBO 4:7

Tsala nono achipi shi aye, no ye ikhikulupu shimoni keshea? Eno nono akivi shimove aye, axine ye ahukikha ijepe ani. Tino o shou kaluveni shi ani, ikemu no ye tipau shou theqhi luve masae.”

BOTHUBO 31:41

Hi ampe muku ni ye o kilo ngovae. O nga pama ghenguno I no ampe chighibidi o qe, eno ampe tsügho no o tsü-aqu ghenguno, eno nono I jume ghuthu chighi kilive tsüe.

AHOLE 25:15

Kutuokutuu keu no yepemi züiza luve cheni, eno amili kümtsha no aghi kümka ghi hepholu nani.

BOTHUBO 25:30

Esau no Jacob vilo pi, “I pelo huchuyi keu yekulho hipau chulu pelo, kughengu ni ye amzü no thiqhivae!” (Tighenguno pa je ye Edom kuve tsüe.)

BOTHUBO 33:14

I no Seir lo I mpeu lau ighilu moke kutolo I mpeu no pa qeu züuno cheghi lo, ni ye atsü-aqu I züu chekeqo ngo atianuliqo lache kiqi lono asheshi no ighinie.”

BOTHUBO 36:8

Ikehu Esau ye Seir lo atoghi lo küghünave. (Esau ye Edom ke.)

BOTHUBO 36:9

Seir ato yeghi lo Esau, Edommi papu tikughuko hipaqo.

XAKUTHAMI 5:4

“Ampeu, kughou Nono Seir qhive keno, kughou Nono Edom ghakhu lono chewuve keno, ayeghi no itha eno atsütsü lono tsütsüghu iqighi, iyei, khüngküsü no azü leqhie.

ISAIAH 21:11

Dumah ghenguno pimhelu keu tsape. Milakhi no Seir lono I kuno pi, “Aghukheu, putho do khitohi ania? Aghukheu, putho do khitohi ania?”