BOTHUBO 31:29 - Sumi Naga CL (Re-edited) Bible (BSI)

²⁹ O ghüzalu kepu küka I u lo ani. Ikemu iji o pu Lhou no I pütsa no, ‘Jacob vilo alhoksa momu akivi kiumu pimo kepushi kutokupui lo,’ ipie.

BAIBEL (BSI)

²⁹ Oshipusave kepu kuka i-ulo anie, ikemu iji putho lono opu Lhou no ivilo ishi pie, ‘Olikhi osuchileluvelo eno Jakob vilo akivi na alhoksa namu pikevilo.’

BOTHUBO 31:29 Referans Kwoze

BOTHUBO 31:53

Abraham Lhou, Nahor Lhou eno panoqo papu Lhou no nikujo dolo xaküthau ke.” Ikehu Jacob no pa pu Isaac no Sümsa chekeu jeku tushoqhive,

BOTHUBO 31:42

Tsala I pu Lhou, Abraham Lhou eno Isaac no Sümsa chekeu huno I küdau aghimo aye, mtsüqheino no ye au kümsa I puwuve aghini cheke. Alhou no I ghime eno I u lo kümla ithulu tsü püzü iji o lomipi ke.”

BOTHUBO 31:24

Ikemu putho lo Alhou no asamou no Arameami Laban lau ighi no pa vilo pi, “Jacob vilo alhoksa momu akivi kiumu pimo kepushi kutokupui lo.”

BOTHUBO 28:13

Eno julo, Ampeu no tipau shou aghi no pi, “Ni ye Ampeu, o pu Abraham Lhou eno Isaac Lhou ke. Nono ayeghi khile ngo ani keno I no no eno o tikughukomi tsüni.

Apostolmi 9:5

Saul no pi, “Ampeu, no ye khuu kea?” “Ni ye Jisü, nono kijipüsa akeu huke.

DANIEL 6:26

I no xaküthaza lakhi mla ani, ti ye I yekipeqha lo timi kümtsü no Daniel Lhou zülo khokhoshi eno sükümsa shini, kughengu Pa ye aküxüpu Lhou, pülhapuju ache keue; Pa kükaqha ye khilemu kütsave mla nani, eno Pa yekipeqha ye ashekha kutolo anani.

DANIEL 6:20

Daniel no khile akeno tipau kupunu ighi kelo, pa no amloksa lono ighamku. Akükau no Daniel lau asheshu, “O Daniel, aküxüpu Lhou qeu, o Lhou khuu nono tamono qecheni keno, Pa ye abongshuuqo launo o xalu kemo kea?”

DANIEL 3:28

Nebuchadnezzar no pi, “Shadrach, Meshach, eno Abednego noqo Lhou sheqhelo, Pa no Paw kungumi puwu no Pa qemi, Pa pülübe chekemi xaphelue, panongu no pano Lhou likhi kumo aye kütami lhou qe eno mlla moniye akükau yezah qhive no pano phimpi ghi pephe tsüve ke.

DANIEL 2:47

Akükau no khochile Daniel vilo pi, “Kuchou no o Lhou ye alhouqo Lhou, kükami shou Ampeu, eno tuqhou küsü püakeu pekipheu, kughengu no ye tuqhou küsü püakeu phepe piyelue.”

LESHELE 52:1

O akumtou, kushiye alhoksa lono qheza cheni kea? Alhouw iqemokeu kikimiye ye atsala kupuju acheni.

KUKAMI AKINIU 19:10

“Judah kükau Hezekiah vilo ishi pilo: ‘O Lhou khuu nono pülü cheni keno Pa no Jerusalem pesü Assyria kükau u lo sütsümo nanie pikeu no o pishiqhipe kevilo.

BOTHUBO 24:50

Tileno Laban ngo Bethuel pama no khochile, “Avehu ye Ampeu launo ighivae; ningu ye o vilo akivi momu aküsa pimlavae.

BOTHUBO 31:5

eno pama vilo pi, “I no ithivae nokujo papu ye püzüu toi I lau agigihu kühavae. Ikemu I pu Lhou no I gholo anie.

BOTHUBO 31:7

tishimu pa no I pishiqhive eno I jume ghuthu chighi kilive tsü. Ikemu Alhou no I ghüza peni keu puloza pa tsümoe.

MICAH 2:1

Khunono küsakügha kuchughu eno pano lüpa lono alhoksa shicheni keno ahasapue! Kughou no tsütho ipeghini keno panongu no tishi cheni, kughengu pano u lo tishilu kepu küka anike.

SAMUEL AKINIU 13:22

Ikemu Absalom ye akivi na alhoksa namu Amnon vilo kiumu pimoe, Amnon no pa chepu Tamar shipüthave ke ghenguno pa ye Amnon mithive.