BOTHUBO 28:4 - Sumi Naga CL (Re-edited) Bible (BSI)

⁴ Pa pelo Abraham kükümgha pesü no eno o gholo o tikughukomi tsü peniu, tishino nono inami shi chekeu yeghi khikhi Alhou no Abraham tsü keno, tino o mheghi shilu peniu!”

BAIBEL (BSI)

⁴ Pano Abraham kukumgha otsu eno opiti tsu peni, tishi keu lono nono khipa yeghilo inami shi achekeno, Alhou no Abraham tsu keu yeghihu, omheghi shilu nani.”

BOTHUBO 28:4 Referans Kwoze

Galatiami 3:14

tishianguno Khristo Jisü launo Jewkumomi lau Abraham kükümgha ighi peniye eno aküpülü vecheo ningu no piqhi püakeu Ghungu ithulu niye ke.

BOTHUBO 12:7

Tithiu Ampeu no Abram lau ipeghi no pi, “O tikughukomi lau I no ayeghi hipau tsüni.” Ikehu pa no Ampeu, khuu pa lau ipeghi keno, Pa lau akümlla-khache shiqhe.

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

LESHELE 39:12

“I kighini chilu tsülo, O Ampeu, eno O kini kugho puwo I ghügha chilu tsülo; I no anhezü piji akelo inaqhoive kevilo! Kughengu ni ye O gholo kupokichemi lakhi ke, I puasü kümtsü toi shoinami lakhi ke.

Galatiami 3:8

Kuchoyesü no azünatha ghi Alhou no Jewkumomi pelo aküpülü vecheo achipikalu penani pi ithi akehu azüu no Abraham lau atsakiviu pikülha no pi, “O vecheo shiye kümtsü kümghatsü nani.”

LESHELE 72:17

Alholo pa je ye kümsümave mono ache pelo, atsütsü lo khetsünhe ake kutolo pa jekipi apelo! Pa vecheo timiqo no müghalu pelo, shiye kümtsü no kükümghau ipi pa ku pelo!

BOTHUBO 15:8

Ikemu pa no pi, “O Ampeu Alhou, I no ti ighilu nanie pi ni ye kishino ithini kea?”

BOTHUBO 27:33

Tileno Isaac ye ighono thüthüshi ithauve no pi, “Imaye ashi hasüghi no I lau peighi püzü no ighikumo zülono I no chuve no pa kümghave tsükeu huye khuu kea? Iyei, pa ye mügha nanie.”

BOTHUBO 37:1

Jacob ye Canaan yeghi lo pa pu no inami shi achekeu yeghi lo xüache.

IPEKULU 6:4

Canaan yeghi khipau lo panongu no kachenami shi ache keno tipau panoqo tsünie pi I no panongu sasü ghi Iw puloshoqhi shike.

YEKIKITHI ATUGHIU 29:15

Kughengu ni puasüqo no inami eno kupokichemi shi ighi ketoi ningu ghi O zülo titoi kemie. Ayeghi lo ni tsala ye yekükhü toi wove cheni eno lakujupu kühae.