BOTHUBO 28:3 - Sumi Naga CL (Re-edited) Bible (BSI)

³ Akughushu Lhou no o kümghatsü peni eno o pelo athi pithilu eno kughukolu peniu, tishianguno no ye lighimi timi shilu peni.

BAIBEL (BSI)

³ Akughushu Lhou pelo okumghatsu peniu eno opiti kughukoluno opelo lighimi shilu peniu.

BOTHUBO 28:3 Referans Kwoze

BOTHUBO 48:3

Eno Jacob no Joseph vilo pi, “Akughushu Lhou no Canaan yeghi, Luz lono I lau ipeghi no I kümghatsüe,

BOTHUBO 35:11

Eno Alhou no pi, “Ni ye Akughushu Lhou ke; athi pithilu eno kighishelu lo. O launo shiye lakhi lighimi ipeghi nani, eno o phi lono kükami ipeghi nani.

BOTHUBO 13:16

I no o polo kughuko pesü ayeghi lo asaye toi shi tsüni, ikehu tsala khuana no ayeghi lo asaye kihikulupu shi aghi aye, o polo kughuko ghi kihilu nani.

BOTHUBO 9:1

Alhou no Noah eno pa nuli kümghatsü no panoqo vilo pi, “Athi pithilu, kughukolu, eno ayeghi shepichhilu lo.”

BOTHUBO 1:28

Eno Alhou no panongu kümghatsü, Pa no panoqo vilo pi, “Athi pithilu no kughukolu lo, ayeghi nhakhalu no qhasülu lo, eno azüghi lo akha shou, atsütsü lo aghauqo shou, eno ayeghi lo itikiche lhoxü kümtsü shou qhasülu lo.”

BOTHUBO 43:14

Akughushu Lhou pelo timi hupau zülo küpükini nongu tsü peniu, eno pa pelo nongu thiküzüu lakhiu ngo Benjamin kighide puwo peniu. I ghengu ye, tsala I no I tianuli pühave kepu shive namu pühave niae.”

BOTHUBO 41:52

Anu akiniu je pesü pa no Ephraim kutsü, “Kughengu I ghimeqhi keu yeghi lono Alhou no I pelo athi pithilu peke.”

BOTHUBO 24:60

Eno panongu no Rebekah kümghatsü no li vilo pi, “Ni chepu, o pelo qhethonhe no qhethonhe paza shilu peniu, eno o tikughuko no pano mithi chekeqo khagho lelu peniu!”

Piyeküsü 21:22

Ni ye aphughi lo achineki ithumlae, kughengu aphughi chineki ye Ampeu Alhou Akughushuu eno Ambeti huke.

2 Kor. 6:18

I no nongu Papu shinani, eno nongu no I pu-anga shinani, ipi Akughushu Mpeu no pi ani.”

LESHELE 127:3

Julo, atianuli ye Ampeu launo ighikeu mheghi ke, atita lo xathi ye asaxü ke.

IPEKULU 6:3

Ni ye Akughushu Lhou shi Abraham, Isaac, eno Jacob lau ipeghi, ikemu I je, Ampeu, pesü Ni ye panongu lau kilethi moe.

LESHELE 127:1

Ampeu no aki shiqhe tsümo aye, aki kishimi no aghime shi aju püka akeu ye adoue. Ampeu no mishighüna khekuto tsümo aye, aghukheu no khekuto akeu ye adoue.

BOTHUBO 17:20

Ishmael ghengu ye, I no o tsa chiluvae; julo, I no pa kümghave tsüae eno pa pelo shishe athi pithilu eno kughukolu penani. Pa ye yepemi chighikini papu shi nani, eno I no pa pesü shiye kije lakhi shitsü nani.

BOTHUBO 26:4

I no o tikughuko atsütsü lo ayepuqo toi kighishe tsü nani eno o tikughuko lau ayeghi hipaqo kümtsü tsü nani. Eno o tikughuko vecheo ayeghiqha lo shiye kümtsü kümghatsü nani,

BOTHUBO 26:24

Eno Ampeu no tipaji pa lau ipeghi no pi, “Ni ye o pu Abraham Lhou ke. Msa kevilo, kughengu I no o gholo ani, eno o kümghatsü nani eno I qeu Abraham je lono o tikughuko kighishe tsü nani.”

BOTHUBO 27:33

Tileno Isaac ye ighono thüthüshi ithauve no pi, “Imaye ashi hasüghi no I lau peighi püzü no ighikumo zülono I no chuve no pa kümghave tsükeu huye khuu kea? Iyei, pa ye mügha nanie.”

BOTHUBO 48:4

eno I vilo pi, ‘Julo, I no o pelo athi pithi eno kughuko lupe nani, eno timi aqokitikhi shivepe nani, eno pülhapuju mheghi shi ayeghi hipau pesü o shelo o tikughukoqo tsü nani.’

BOTHUBO 49:25

o pu Lhou, o kuphu tsükeu, Akughushuu kükümgha, kunguu atsütsü lo eno aqhou azü kutho lo akeu, akichhi ngo atita kükümgha pesü o kümgha tsüke ghenguno ke.

IPEKULU 1:7

Ikemu Israel shiaye ye shishe kije ikowove; panongu ye kighishe wove eno shishe mtotoi thuwuve, ikehu panongu no ayeghi tipau chhitoive.

RUTH 2:4

Eno julo, Boaz no Bethlehem lono hughi, eno ghile kuhumi vilo pi, “Ampeu no nongu gholo apelo!” Panoqo no khochile, “Ampeu no o kümghatsü peni.”