BOTHUBO 27:29 - Sumi Naga CL (Re-edited) Bible (BSI)

²⁹ Ashiayeqo no o qe peni eno shiyeqo no o zülo itsaqi peni. O thiküzümi shou ampeu shilulo, eno o za nuliqo pelo o zülo pishiqho peni. Khukhumu o müsüini keu ye müsüinive peniu, khukhumu o kümgha tsükeu ye müghalu peniu!”

BAIBEL (BSI)

²⁹ Timiqo pelo oqe peni, eno ashi- ayehqo pelo ozulo itsaipu peniu. Nobolomiqo shou ampiu shipeni eno oza tikughukoqo pelo ozulo itsaipu peniu. Oghusho kemiqo shou ghushokeu apeni, eno okumghatsu kemi shou kukumgha apeniu.”

BOTHUBO 27:29 Referans Kwoze

AKIKIHI 24:9

Panongu no abongshuu toi ipu itsaqi ngo nani khuu no küdaputhu nani kea? Khunono o kümgha tsüni keno akümghapue, eno khunono o müsüinini keno angusüpue.”

BOTHUBO 12:3

Khunono o kümgha tsüni keno I no kümgha tsüni, khuu no o thaighani keno I no ghushoni, eno o launo ayeghi lo akibolomi kümtsü mügha peni.”

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

Rommi 9:12

li vilo ishi pi, “Akichiu no ayitiu qe nani.”

ISAIAH 45:14

Ampeu no ishi piani: “Egypt küakini ngo Cush lhidi, eno Sabeami sübosüghimi ye o lau ighive no ow shive nani; panongu ye o pape nani; panongu ye ayikichhe no tshüpe o zülo pishiqho nani. Panongu no ishi o qhüiniju nani: ‘Mtsüqheino Alhou ye O gholo ani, kütami khumu kühae, Pa nguno alhou kütau kühae.’”

ISAIAH 49:7

Ampeu, Israel Lhou Akimtheu eno Xachilekuluu no shishe küthakügha shive keu, shiyeqo no mithi chekeu yepemi qemi vilo ishi piani: “Kükami ngo kükapumi no ithulu no ithughi püzü nongu zülo pishiqho nani; kughengu Ampeu ye pükhükulupu, Israel Lhou Akimtheu no nongu kisheluvae.”

ISAIAH 9:7

Paw yepeka eno külakishi ye kishekhave mono ikoishe nani, Pa no David kükaqha shou hipa ghuloki lono lhokta kutolo kuchou xakütha eno amikucho shosütsü eno puthuphe tsü nani. Aqokitikhi MPEU kupulo lono hipau shi nani.

LESHELE 72:8

Pa kükaqha ye azüghi lono azüghi kutolo apelo, eno Aghoki lono ayeghi shekha kutolo apelo!

KUKAMI ATUGHIU 22:47

Edom lo kükami kühano Judah kükau no kishe puwu keu no ayepe che.

AKIKIHI 23:8

Ni ye kishino Alhou no ghushomo kemi ghushoni kea? Ni ye kishino Alhou no müsüinimo kemi müsüinini kea?

BOTHUBO 37:7

Julo, ningu ye alu lo aghi ghove keu piqhe ae, eno julo, I ghi kipiqhe no müzüchoi puthugho luve. Eno nongu ghi kipiqhe no tipau veho luve no I kipiqhe zülo pishiqhoe.”

BOTHUBO 27:37

Isaac no Esau khochile, “Julo, I no pa pelo o shou ampeu shivepe ae, eno I no pa thiküzümi kümtsü pa qemi shi penike tsüvae, eno athi ngo atsaizü vecheo I no pa pelo xülu peni keu shivae. Tishi aye I nu, o ghenguno ni ye kiu shitsü luni kea?”

Piyeküsü 19:16

Paw chijeboike phi eno pa lukobo lo aje hipau yepuku püa, kükami shou Akükau eno ampemi shou Ampeu.

MATTHEW 25:45

Tileno panoqo vilo pa no pi nani, ‘Kuchou no I no nongu vilo piani, nongu no hipaqo gholo akitilau lau kiu shimove keno, nongu ye I lau shitsü movae.’

MATTHEW 25:40

Akükau no panoqo khochile nani, ‘Kuchou no I no nongu vilo piani, nongu no I thiküzü chelimi hipaqo gholo akitilau lau kiu shi keno, nongu ye I lau shive tsüae.’

YEKIKITHI ATUGHIU 5:2

Judah lagha no mtotoi shi pa thiküzümi ghüsü luno atou ghi ipeghi kemu anoghiu mheghiu no Joseph sala shive aghi),

KUKAMI ATUGHIU 4:21

Solomon no Euphrates lono Philistia eno Egypt lughi kutolo ayepe luve. Tipaqo no sükusho süqha pa tsüno pa küxü tivilo pa qeche.

BOTHUBO 25:33

Jacob no pi, “Itehi I vilo ashoqhi shilo.” Ikehu pa no pa vilo ashoqhi shive no pa punuchipiu Jacob vilo jesüve.

BOTHUBO 9:27

Alhou no Japheth kughuko tsüpeni, eno pa pelo Shem phiki lo xülu peni, eno Canaan pelo pa qe peniu.”

BOTHUBO 27:30

Isaac no Jacob kümghave tsü kemtsa, Jacob no pa pu Isaac zülono khalau ipelu mphi lono, pa mu Esau ye ashi hawu no ighi.

BOTHUBO 27:40

O zütakikihi lono no ye xünani, eno no ye o thiküzüu qe nani; ikemu kughou nono hebideni keno paw kuokhasü o kuo lono nono hechhe nani.”

BOTHUBO 37:10

Ikemu kughou pa no tipau pa pu ngo pa mu noqo vilo pi keno, pa pu no lomipi no pa vilo pi, “Nono asamo pumo keu hi ye kiu kea? Ni eno o za ngo o mu noqo ye kuchou no ighi no o zülo ayeghi lo pishiqhoni keshea?”

AKIKIHI 24:18

Edom ye haleve nani; pa ghümi Seir ghi haleve nani. Israel ye akumto shikibe nani.

ISAIAH 60:12

Kughengu shiye momu kükaqha khipaqo no nongu qemoni keno, tipaqo ye qhoi püghave nani.

ISAIAH 60:14

Nongu qodaqhi chekemi nuliqo no pishiqho pesü nongu lau ighi nani; eno nongu junuqhi kemi kümtsü nongu pukhu philo pishiqho nani; panongu no nongu pesü Ampeuw mishighüna, Israel lo Akimtheu, Zion ipi kunani.