BOTHUBO 25:21 - Sumi Naga CL (Re-edited) Bible (BSI)

²¹ Isaac no pa nipu ghenguno Ampeu vilo inikhu, kughengu li ye anuhami ke. Eno Ampeu no pa kighini khochile tsüno pa nipu Rebekah ye mishive.

BAIBEL (BSI)

²¹ Liye anuha shi aghike ghenguno Isak no AMPEU vilo inikhutsue. AMPEU no pa kighini khochile tsuno Rebeka ye mishiluve.

BOTHUBO 25:21 Referans Kwoze

EZRA 8:23

Tighenguno ningu no hipau ghenguno kümvü eno ni Lhou vilo qhüiniju, eno nino khukeu Pa no chilu tsü.

Luke 1:13

Ikemu kungumi huno pa vilo pi, “Msa kevilo, Zechariah, kughengu o kighini chiluve tsüae, o nipu Elizabeth no anu lakhi punu nani, eno nono pa je John kutsü nani.

ISAIAH 58:9

Tileno nongu no ighamku nani eno Ampeu no khochiletsü nani, nongu no ku nani eno Ampeu no pinani, “Ni hile ani.” Tsala nongu no kuokhasü nongu dolono ikhi süwuve aye, eno kütami nguku keu ngo kixikila tsa pikeu ikhive aye,

YEKIKITHI AKINIU 33:13

Pa no Alhou lau inikhu, eno pa kighini no Alhou mlo buve no Pa no itaghi Jerusalem lo pa kükaqha lo sachile ighive. Tileno Manasseh no Ampeu ye Alhou kepi ithive.

YEKIKITHI ATUGHIU 5:20

Panongu no Hagritmi ngo pano gholo akemi shou toluve, kughengu panongu no aghüshiqa lono Alhou lau pükhübe no kuphu penike khekulhoshi khu kelo Alhou no chilu tsüno aghümi pesü pano u lo sütsüe.

SAMUEL ATUGHIU 1:27

Anu hipau ghenguno I no inikhu, eno I no qhüiniju ketoi Ampeu no I khochileve tsüae.

Luke 1:7

Ikemu Elizabeth no anuhami kehu pama ye anuli kühano ache, eno pama gha kitemi shive.

ISAIAH 45:11

Ampeu Israel Lhou Akimtheu, O lhokeu no ishi piani, “Ighini keu vehu I vilo inijulo; no ye I nuli vehu lo eno I kümla vehu lo azah tsü kulupu ani keshea?

AHOLE 10:24

Kixikilami no kiu msa cheni keno pano shou ighi nani, ikemu amikuchomi ye pano no laju chekeu ithulu nani.

LESHELE 91:15

Kughou pa no I kuni keno, I no pa khochile nani; aveküsa lo I no pa gholo anani; I no pa xalu nani eno pa gihu nani.

BOTHUBO 11:30

Sarai ye anuhami; li ye anuli kühano ache.

LESHELE 145:19

Pa sümsa chekemi no kümsü pulo keu shikupu tsücheni; Pa no pano sütsa chilu no xalu cheni.

LESHELE 127:3

Julo, atianuli ye Ampeu launo ighikeu mheghi ke, atita lo xathi ye asaxü ke.

LESHELE 65:2

O No khuu akighini chilutsü cheni keno, O lau timi kümtsü no ighi nani.

ISAIAH 65:24

Panongu no I kumphi lono I no khochile nani; panongu no pi aphi lono I no chiluve nani.

LESHELE 50:15

eno shiluküsa tsala lo I kulo I no o xalu nani, eno nono I sheqhe nani.”

SAMUEL ATUGHIU 1:11

Li no ashoqhi lakhi shino pi, “O aqokitikhi Mpeu, tsala Nono o qeliu ghime jutsü eno o qeliu kümsümave tsümo no anu lakhi pesü o qeliu tsü aye, I no pa pesü aküxü kupuju ghenguno Ampeu lau tsüveni eno aqe pesü pa kütsü lo bemoni.”

SAMUEL ATUGHIU 1:2

Pa ye anipu kini ache. Anipu lakhi je no Hannah eno lakhiu je no Peninnah. Peninnah ye anuli bidi ache ikemu Hannah ye atianuli kühae.

BOTHUBO 16:2

Sarai no Abram vilo pi, “Julo, Ampeu no atianuli pununi keu lono I lakhavae. I qeliu lau wulo; tishi aye li vecheo atianuli I lau punu tsüluvi ke.” Eno Abram no Sarai tsa inive.

SAMUEL ATUGHIU 1:17

Ikehu Eli no khochile, “Aloino wulo, Israel Lhou pelo nono Pa lau qhüiniju akeu khochiletsü peni.”

BOTHUBO 30:22

Tishino Alhou no Rachel kümsülu, eno Alhou no li sütsa chilu tsüno li tita khaqhive tsü.