BOTHUBO 24:27 - Sumi Naga CL (Re-edited) Bible (BSI)

²⁷ eno pi, “I mpeu Abraham Lhou, Ampeu, khuu no Paw iqemokeu kikimiye eno Paw pükhükulu I mpeu launo süchileve mo keno, Pa sheqhelo. I ghengu ye, Ampeu no ala kupuju lo I kiche sasü I mpeu no bolomi kilo süve tsüae.”

BAIBEL (BSI)

²⁷ Pano pi, “Impeu Abraham Lhou AMPEU sheqhelo. Pano pawu kupukini piqhipuakeu eno kuchou suwuve mphie. Ino alalo chekelo AMPEU no ikichepiye sasu impeu no sholokumi kilo sue.”

BOTHUBO 24:27 Referans Kwoze

BOTHUBO 24:48

Tithiu I no I kütsü pishiqhope I mpeu Abraham Lhou, Ampeu khuu no alaghi achipi lono I mpeu nu ghenguno I sasü pa sholokumi nonga lau ighi keno, Pa mlla eno Pa je sheqhe.

LESHELE 98:3

Pa no Israel kibolomi shou Paw iqemokeu kikimiye eno pükhükulu kümsüchilelue. Ayeghiqha shekichi kümtsü lono ni Lhouw xakulu ithuluvae.

BOTHUBO 32:10

ni ye Ow iqemokeu kikimiye eno pükhükulu kümla Nono O qeu lau piye keqo akimkheu mu ithulu küzüpu kumoe, kughengu I kusü likhi kuchope ni ye Jordan hipau kathae, ikemu itehi ni ye aghazü mqo kini shivae.

BOTHUBO 24:12

Eno pa no pi, “O Ampeu, I mpeu Abraham Lhou, kimiyeno ishi tokulu I tsülo eno iqemokeu kikimiye I mpeu Abraham lau piye tsülo.

SAMUEL ATUGHIU 25:32

David no Abigail vilo pi, “Ampeu, Israel Lhou khuu ishi tsala lo o puwu no I sasü kusholupe keno, Pa sheqhelo!

RUTH 4:14

Ikehu totimiqo no Naomi vilo pi, “AMPEU je sheqhelo, ishi tsala lo Pa ye o qhivemo no o xachileni kemi aghipe ke, pa je ye Israel lo akighiche shipelo!

IPEKULU 18:10

Jethro no pi, “Ampeu, khuu no Egyptmi u lono eno Pharaoh u lono nongu xaphelu, eno Egyptmi qholono timiqo xaphelu keno Pa sheqhelo.

Luke 1:68

“Israel Lhou Ampeu ye sheqhe küzüe, kughengu Pa no Paw timiqo xuju ighi no qhüchile luvae.

AHOLE 3:6

Nono mlaitha keu kümtsü lo Ampeu kümsülu lo, eno Pa no o laghi kümtsü shikümzü tsü nani.

LESHELE 100:5

Kughengu Ampeu ye aloe; Paw kikimiye ye alhokupuju acheni, eno Paw pükhükulu ye tiqheli kümtsü lo acheni.

SAMUEL AKINIU 18:28

Tileno Ahimaaz no igha akükau vilo pi “Kümtsü akivishi ani.” Pa no akükau zülo pa gi pishiqho no pi, “Ampeu O Lhou sheqhelo, khunono I mpeu akükau hebide ithughi keno panoqo shou toluvae.”

1 Tim. 1:17

Lhokta Kükau, thimoniküau, ithukümla, Alhou Pa likhi akeu, Pa lau agigihu eno ajuküvü alhokuthu apelo! Amen.

Ephesiami 1:3

Ni Mpeu Jisü Khristo papu Alhou, khuu no kungugha kiqhe-a lono aghungu lo kükümgha kümtsü pesü Khristo küdau no ningu kümghatsü keno, sheqhe küzüe,

John 1:17

Kughengu Ayezah ye Moses vecheo tsüke, ikemu küpükini eno kuchou ye Jisü Khristo vecheo ighi.

MICAH 7:20

Nono khaghi no ni puasü lau piqhike toi No ye Jacob lau pükhükulupu eno Abraham lau iqemokeu kikimiye piye nani.

AHOLE 8:20

Ni ye amikucho eno achipiu xakütha laghi püla cheni,

LESHELE 68:19

Ampeu sheqhelo, Pa no tsalakipe ni makho putsü cheni; Alhou ye ni xakuluu ke.

SAMUEL ATUGHIU 25:39

Kughou David no Nabal thivae pi chilu keno, pa no pi, “Ampeu khuu Nabal no I thaigha keu mkhü lutsü, eno akumou shiniye akelono Pa qeu hakholu keno, Pa je sheqhelo. Ampeu no Nabal lhoksa pesü pa ampi kütsü lo pukuve tsüae.” Tithiu David no li pesü pa nipu shinike timi puwu no Abigail vilo pi.

IPEKULU 2:13

Tishiwo thoghiu kughou pa no ashou ipeghi keno, julo, Hebrewmi kini kichighi aghi. Eno pa no akumou shi akeu vilo pi, “Kushiye o küsau shou hepuku ani kea?”

IPEKULU 2:11

Kughou Moses no kichimi shi thuwuve keno, ghulo lakhi pa no paw timi lau wuno panoqo ghime ithulu, eno Egyptmi lakhi no paw timi Hebrewmi ghaqhi aghikeu pa no ithulu.

BOTHUBO 24:42

“Ishi I no azüpuki lo ighi no pi, ‘O Ampeu, I mpeu Abraham Lhou, tsala Nono itehi I no wuche keu la heshetsü aghi aye,

BOTHUBO 24:21

Timi huno Ampeu ye pa ghüzüla lo tokulu shitsü nani kemo keno inaqhoi li chhejuae.

BOTHUBO 24:4

ikemu I ghakhu eno I bolomi lau wuno anipu lakhi I nu Isaac ghenguno lutsü lo.”

BOTHUBO 14:20

eno Shishe Akiqheu Lhou, Khuu no o ghümi pesü o u lo sütsü keno, Pa sheqhelo!” Eno Abram no thokha kümtsü lo chighi lo saje lakhi pa tsüe.

BOTHUBO 13:8

Tileno Abram no Lot vilo pi, “Nikujo dolo eno o tsü-aqu khemi ngo I tsü-aqu khemi dolo mtomshu ape kevilo, kughengu ningu ye abolomi ke.

BOTHUBO 9:26

Pa no highi pi, “Ampeu, Shem Lhou sheqhelo; Canaan pelo pa qeu shipelo.

BOTHUBO 32:11

Kimiyeno I mu Esau u lono I xaphe tsülo, kughengu ni ye pa msa anie, pa ye ni eno atianuli ngo azanoqo leighi luvike.

IPEKULU 34:6

Ampeu no pa heche wuno asheshu, “Ampeu, Ampeu, kimiyekini eno küpüqhiyi keu Lhou, amlo ideni keu lo asheshi, iqemokeu kikimiye eno pükhübekulu no kupukuno,