BOTHUBO 20:6 - Sumi Naga CL (Re-edited) Bible (BSI)

⁶ Tileno Alhou no asamou no pa vilo pi, “Iyei, no ye o mlo lo akikhi akeu lono shivae pi I no ithi ani, eno I shou axine shipe moniye I no o küghütshüve ke. Tighenguno I no o pelo li bupe move.

BAIBEL (BSI)

⁶ Alhou no asamouno pa vilo pi, “Iye, noye omlo kiumu kupuna kupugha keu kuhano li saghi kepi ino ithi anie, kughengu opelo ishou axine shipemoni aye nighi osuchileluve anike tighenguno ino opelo li bupe moveke.

BOTHUBO 20:6 Referans Kwoze

SAMUEL ATUGHIU 25:34

Kughengu Israel Lhou xü anike mtsüqheino o ghüzave niye akeu lono Pa no I hakhalue, nono mtazü I sholu moke aye, kuchou no thanau Nabal kilo kiptimi lakhimu püxü moni cheke.”

SAMUEL ATUGHIU 25:26

Ikehu itehi, Ampeu xü anike eno I mpeu no xüake toi, nono aji peleni ye akeu lono Ampeu no o hakhalu ketoi, itehi o ghümi eno khunoqo o shou alhoksa shiniye phucheni keno tipaqo pelo Nabal toive pelo.

AHOLE 21:1

Akükau mlo ye Ampeu u lo aghoki zü aketoi, khilekhile mu Pa gholau no sawu cheni.

BOTHUBO 35:5

Panongu no chesü wuche kelo, Alhou launo thüghüi kepu lakhi panongu hokümxa lo mishighünaqo shou ikughive, ikehu panongu ye Jacob nuliqo hawu move.

BOTHUBO 31:7

tishimu pa no I pishiqhive eno I jume ghuthu chighi kilive tsü. Ikemu Alhou no I ghüza peni keu puloza pa tsümoe.

2 Thes. 2:7

Kughengu ayezah heküxau ye tuqhou no akümla shi ayae, ikemu pa hakhape akeu ikhive moke kutolo tishi ani aphi.

LESHELE 84:11

Kughengu Ampeu Alhou ye khetsünhe eno azüto ke; Ampeu no kikimiye eno agigihu pesü tsücheni. Khunono müzüchoi xücheni keno pano launo thime kivi kiumu süchileve chemoe.

IPEKULU 34:24

Kughengu I no shiyeqo nongu zülono haleve no nongu ghuthu pekhotsü nani; tithiu ye kughou nongu no ampe lo ghuthu küthü Ampeu nongu Lhou zülo ighini keno, khunomu nongu yeghi jumine monani.

2 Kor. 6:17

Ikehu panoqo launo ipevelo eno pano launo kütüta shivelo, ipi Ampeu no pi, eno mithekumo kiumu bu kevilo, tileno I no nongu ikhilu nani,

LESHELE 81:12

Ikehu pano no shinishi keu kükümsü pape wuve peniye I no pano pesü amlo kuthovi keu shive peke.

LESHELE 51:4

O hebide ghi I no axine shive no O nhethe lo kiu no alhoksa keno ti shivae, ikehu O tsa ye achipi loke eno Ow küghakütha lo tichetighe kühae.

BOTHUBO 39:9

Akibo hipau lo I nguno alau kije kühae, momu pa ye o likhi kumo aye kütau kiumu I launo süchileve moe, kughengu no ye pa nipu ke. Tishi aye kishino küsakügha kije eno axine hipau ni ye Alhou hebide ghi shini kea?”

BOTHUBO 20:18

Kughengu Abraham nipu Sarah ghenguno Ampeu no Abimelek kilo atita kümtsü lakhave tsüke.

2 Thes. 2:11

Tighenguno Alhou no kübangü keu panongu lau puwu nani, eno panongu no kichileu pülü nani,

1 Kor. 7:1

Itehi ye nongu no I lau yepuwu keu tsalo: “Kiptimi lakhi ye totimi sasü ashiaji küqhamo keu pavie.”

ACHINE 6:2

“Khuana no pa küsami no kiketsü momu süshotsü penike kiuala tsü kelo pa no mqüqhive momu püka luve no Ampeu zülo axine shive; momu pa no anguka lono pa küsau launo süxa luvetsü;

BOTHUBO 26:11

Ikehu Abimelek no timi kümtsü ghutu ghi pi, “Khukhumu timi hipau momu pa nipu bukeu ye mtsüqheino pithive nani.”

BOTHUBO 3:3

ikemu Alhou no pi, ‘Nokujo ye aghutu mta lo axathibo akeu xathi ye chukevilo, tike kumono tipau bu kevilo, tishimo aye thive nani.’”

MATTHEW 27:19

Tilikhi kumono Pilate no küghakütha lakhü lo iqa akelo pa nipu no atsa lakhi pa lau pi puwu, “Amikuchomi tipau shou kiumu shikevilo, kughengu iji I samou no ni ye pa ghenguno shishe imevae.”

BOTHUBO 31:24

Ikemu putho lo Alhou no asamou no Arameami Laban lau ighi no pa vilo pi, “Jacob vilo alhoksa momu akivi kiumu pimo kepushi kutokupui lo.”

AHOLE 6:29

Tihutoi timi khuu no kütami nipu sasü züveni keno, li shipüthave ke lame pa ye aghime pumove mlae.