BOTHUBO 2:17 - Sumi Naga CL (Re-edited) Bible (BSI)

¹⁷ ikemu no ye akivi ngo alhoksa kighithi sübo loye chumoni, kughengu tipau chuke tsala lono no ye mtsüqheino thive nani.”

BAIBEL (BSI)

¹⁷ ikemu akivi eno alhoksa ithilupe chekeu subo xathi noye chukevilo. Kughengu tipau chukeu tsala nino noye thini putsae.”

BOTHUBO 2:17 Referans Kwoze

Rommi 6:23

Kughengu axine jume ye akithi, ikemu Alhouw kümsagho huno ni Mpeu Khristo Jisü küdau no lhokta küxü ke.

James 1:15

Tishino ngosükümla no mishipu luve no axine punu cheni; eno kughou axine no chhikhoi thuwuveni keno akithi süghive cheni.

BOTHUBO 3:19

Nono ayeghi lo idewo moke kutolo o tsünhizü o gi lono ijiqi ghi no ye achuqupu chuni, kughengu tipau lono o lhophe; kughengu no ye ayeghimkhu eno ayeghimkhu lo idewove nani.”

Piyeküsü 21:8

Ikemu amlo kulotimi, aküpülü pheve kemi, kitiqeve kemi, ghikiqhimi, küsalhami, küdüumi, ajulho kümllami, eno kimkimi, hipaqo saje ye ami eno amichu piti chekeu yizü lo anani, tino akithi akiniu.”

Kolosiami 2:13

Nongu khunoqo axine eno aphighüyiko ghamo keu lo thi ache keno, Alhou no ni xine kümtsü qhive tsüno Khristo gholono xüputhu tsüke,

1 Tim. 5:6

Ikemu chimemi khuu no li küxü kilhekulhu xüni keno, li ye xü aphi lono kithimi shivae.

Galatiami 3:10

Khunono Ayezah pelu keu shou pükhü cheni keno pano ye müsüinivae; kughengu ishi yepüani, “Khunono Ayezah Kaku lo yepüakeu kümtsü pape moni eno tipaqo mla moni keno müsüinivae.”

1 Kor. 15:22

Adam vecheo timi kümtsü thive ketoi Khristo gholono kümtsü püxüve nani.

1 John 5:16

Khuana no pa thiküzümi lakhino akithipu kumo xine shi aghi keu ithulu aye, Alhou lau khulo, eno Alhou no aküxü pesü akithipu kumo xine shive kemi tsü nani. Akithipu lo sailove chekeu xine ghi ani; tipau ghenguno inikhu kepue pi ni ye piamoe.

1 Kor. 15:56

Akithiw qükepu sahu ye axine, eno axine küka ye Ayezah ke.

Rommi 1:32

Alhou mikucho zakütsü kiqilo khunono hikithipu shicheni keno thive küzüe pi ithi apülaghi panongu no hipaqo shike likhi kumono kütami no shi aghike lo ghi pano kupulo tsü cheni.

EZEKEL 18:32

Kughengu Ni ye khuu kithi lomu aloqilu chemoe ipi Ampeu Alhou no asheshu; ikehu tsüghü ighilo eno xülulo.”

BOTHUBO 3:17

Adam vilo Pa no pi, “Nono o nipu tsau inive no asübo khikhi, ‘No ye hipau lono chu kevilo,’ ipi I no azah o tsü keno, tipau xathi chuveke ghenguno, ayeghi ye o ghenguno müsüinivae; o küxü kupuju no ye aghime shi mlano chuniae;

BOTHUBO 3:11

Pa no pi, “Khuu no no ye aphikümsa pi o vilo pi kea? No ye I no o vilo chu kevilo pi azah tsükeu sübo lono chuve keshea?”

Ephesiami 5:14

eno kiu kiumu ithuluve keu ye aküvü ake. Tighenguno ishi pi püani, “Ithulo, O aküzüu, eno akithi lono ithughilo, Khristo no o shou yepüvü nani.”

Rommi 6:16

Tsala nongu no aghokulu qüaxemi lakhi toi khuana lau nongu mpi ikhiphe tsü aye, nongu ye pa qeu shivae pi mtha keshea? Nongu no khuu gholu ani keno ti ye axine lo sawuve chekeu akithi keo, achipikalu keu lo sawu chekeu aghokulu keno, hiküma dolo lakhi shi aghi nani.

EZEKEL 33:8

Tsala I no kixikilau vilo, O kixikilau, no ye mtsüqheino thinani, eno nono ti pimove no kixikilau pelo pa laghi lono tsüghü pemo aye, kixikilau huye pa kipimi ghenguno thive nani, ikemu pa ji ye I no o launo khu nani.

EZEKEL 18:4

Julo, angulho kümtsü Iw ke; apu ngulho ngo anu ngulho ghi Iw ke: Khuu no axine shini keno thive nani.

Piyeküsü 20:14

Tishino Akithi ngo Kithigha küma ye amiyizü lo vesüve. Amiyizü hipau no akithi akiniu ke.

Rommi 8:2

Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.

Piyeküsü 2:11

Khuu no akini ani keno Aghungu no akukuhouqo lau piakeu chilulo. Khuu no theqhi luni keno pa ye akiniu kithi huno ghüzamla nani.’

EZEKEL 33:14

Itaghi, I no kixikilau vilo, ‘No ye mtsüqheino thinani,’ ipi püaghi namu, pa no pa xine lono tsüghüve no kiu no achipi eno kuchou keno mla aye,

ZAKINIU 30:19

Ishi tsala lo I no nongu zülo aküxü ngo akithi, kükümgha ngo müsüini keu qhitsü ani, eno atsütsü ngo ayeghi pelo thopi shipenike küsü ani. Tighenguno aküxü kishelu lo, tishianguno nongu eno no polo kughukomi ye xülu nani,

ZAKINIU 30:15

“Julo, ishi tsala lo I no nongu zülo aküxü ngo akivipu, eno akithi ngo alhoksa qhitsü ani.

EZEKEL 18:13

akighishe lono püna, ala lu cheghi aye, pa ye xülu nani keshea? Pa ye xümo nani. Pa ye aphikümqhüpu hi kümtsü shivae; pa ye mtsüqheino thinani; pa ji ye pa ampi shou anani.

KUKAMI ATUGHIU 2:42

pa no Shimei kusaghipe no pi, “‘Nono ashou khila khilamu wuke tsalani no, no ye thive nanie pi mtsüqheino ithilo,’ ipi ni ye o pelo Ampeu je lono tushoqhipe eno o ghutuke kumo? Eno nono I vilo, ‘Nono pi akeu ye akivi; I no agholuni,’ ipike.

SAMUEL ATUGHIU 14:39

Kughengu Ampeu khuu Israel xalu cheni keno, Pa xü anike, I nu Jonathan no shi aghimu, pa ye mtsüqheino thini.” Ikemu khunomu pa khochile moe.

ZAKINIU 27:26

“‘Khukhumu Ayezah hi kümtsü papemo keu ye müsüinivae.’ Eno timi kümtsü no ‘Amen,’ ipini.

AKIKIHI 26:65

Kughengu Ampeu no panoqo ghenguno ishi pipüae, “Panongu ye asayeqha lono thive nani.” Ikehu Jephunneh nu Caleb ngo Nun nu Joshua pama kumo aye khumu ghümove.

BOTHUBO 20:7

Ikehu itehi, timi nipu hu tsüchileve lo, kughengu pa ye tungkupu ke pa no o ghenguno inikhu tsü nani, eno no ye xülu nanie. Ikemu tsala nono li tsüchile moaye, no eno o gholo akeqo kümtsü mtsüqheino thive nanie pi ithilo.”

BOTHUBO 2:9

Ampeu Alhou no asübo jeli khikhino aloqiqhiyi ithulu kepu eno achuqupu ghenguno alo kepu keno, kümtsü achhigha lono lhoipeghi lupe. Aküxüpu eno akivi ngo alhoksa kighithi sübo no aghutu mta lo ae.

Piyeküsü 20:6

Khunono xüchilekulu atüghüu lo küsaje luni keno akümghapu eno akimthepue. Akithi akiniu ye hipaqo shou aküka kühavae, panongu ye Alhou eno Khristo chinemi shi nani eno Pa gholo ampe qhethonhe ayepe nani.

JEREMIYA 26:8

Kughou Jeremiah no Ampeu no timiqo vilo pi penike azah tsükeu pitave keno, achinemi ngo tungkupmi eno timi kümtsü no pa tsüqü luve no pi, “No ye thi nani!

SAMUEL ATUGHIU 22:16

Akükau no pi, “Ahimelek, no eno o pu kibolomi kümtsü mtsüqheino thive masavae.”

SAMUEL ATUGHIU 20:31

Kughengu Jesse nu ayeghi lo xüake tivilo no eno o kükaqha shiqhe lumo nani. Tighenguno wuno I lau saghi lo, kughengu pa ye mtsüqheino thimasa nani.”

SAMUEL ATUGHIU 14:44

Saul no pi, “Alhou no titoi I lau eno alau ghi shipelo; Jonathan, no ye mtsüqheino thiniae.”

KUKAMI ATUGHIU 2:37

Kughengu nono Kidron hechesü ipeke tsalani no, no ye thive nanie pi ithilo. O kipimi ye o kütsü shou ikughi nani.”

XAKUTHAMI 3:2

Pa no hi shikeu ye Israelmi tiqheli lakhikhi pelo aghükishi ghili ithi peniye eno kütami khunoqo no aghükishi ghili mtha keno, tipaqo shika peniye ke.