BOTHUBO 19:24 - Sumi Naga CL (Re-edited) Bible (BSI)

²⁴ Tishino Ampeu no atsütsü lono Sodom ngo Gomorrah shou tsübuta kipti ngo ami ghuqhi tsü.

BAIBEL (BSI)

²⁴ Tile AMPEU no Sodom ngo Gomora shou atsutsulo AMPEU launo alkatra kipti ngo ami ishi ghuqhi pukue.

BOTHUBO 19:24 Referans Kwoze

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—

ISAIAH 13:19

Chaldeami juaje eno qheküzapu, kükaqha dolo jukighilepu Babylon ye Sodom ngo Gomorrah toi Alhou no kütsaleve nani.

Jude 1:7

Sodom ngo Gomorrah eno hokümxa lo mishighünaqo lo ghi ashupu asalha eno ashiaji pulou phukeu lono lhokta mi pesü aghime tsükeu huno kichekipiye shike.

2 Peter 2:6

tsala Sodom ngo Gomorrah phughiqo pesü ayevu kughulhove tsükeu lono panoqo püghavetsü, eno pano pesü Alhou kümthami lau kiu ighi nani keno kichekipiye shi püaghi aye;

AMUS 4:11

“Alhou no Sodom ngo Gomorrah kütsave ketoi I no nongu khami kütsavae, nongu ye amiphoki lono amsü püxü phelu ketoie; ikeghi nongu ye I lau ideighi moe,” ipi Ampeu no pi.

JEREMIYA 50:40

Alhou no Sodom ngo Gomorrah eno tipa sükümxa lo mishighünaqo kütsaleve kelo toi milakhimu tile küghüna kithemo nani, ipi Ampeu no sheshu.

ZEFANIA 2:9

Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

AKUMLO 4:6

Kughengu Iw timi nga ghime keu ye Sodom ghime nguno akijeu, ti ye khunomu li kuphu mono ghuthu khavino kütsave.

JEREMIYA 20:16

Timi tipau ye Ampeu no küpümo no mishighünaqo haleve ketoi pelo; pa pelo inaqhe aküqa chilu pelo eno puchou kütüghü keu sütsa chilu pelo,

JOB 18:15

Pa kilo khikhi paw kumo keno tipaqo likhi acheni; amichu no pa ki hokümxa kuchopu leküxü püanie.

HOSIYA 11:8

Ni ye kishino o pheveni kea, O Ephraim? Ni ye kishino o qhiveni kea, O Israel? Ni ye kishino o pesü Admah toi shitsüni kea? Ni ye kishino Zeboiim toi o peithani kea? I mlo no kilive ani; Iw kikimiye ye lüvüi eno mtshaminhei ke.

JEREMIYA 49:18

Sodom ngo Gomorrah eno tipa cheaxü lo mishighünaqo kütsale kelo toi khunomu tile küghüna kithe move nani, Ampeu no pi ani.

ISAIAH 1:9

Aqokitikhi MPEU no ningu ghenguno ghükulumi aghulo qhitsümo keaye, ningu ye Sodom ngo Gomorrah toive aghini che.

LESHELE 11:6

Kixikilami shou amibalu ghuqhi tsülo; ami, amichu eno pitipüza keu mülhü no pano saje shitsü lo.

Luke 10:12

I no nongu vilo piani, tipa tsala lo Sodom ghimeu nomu aphughi tipau nguno puqhe kulupu shi nani.

Piyeküsü 14:10

azü temokeu tsaiji toi pa jukhu lo Alhou loghu akümkau lesü no pije nani, eno kungumi kimthemi ngo Ambeti zülono ami eno amichu pesü ghimeqhi piti nani.

BOTHUBO 13:10

Lot no pa nhethi tsüpuku no Jordan Khila huye azünihoi Ampeu ghutu toi, Zoar küdau Egypt yeghi toi aghikeu ithulu. (Hi ye Ampeu no Sodom ngo Gomorrah kütsa mphi züuke.)

BOTHUBO 13:12

Abram ye Canaan yeghi lo xüsüve, eno Lot no akhila lo mishighünaqo dolo xüsüve no Sodom kutolo pa phiki pekho wove.

BOTHUBO 18:17

Ampeu no pi, “I no kiu shiniye ani keno Ni ye Abraham launo küsüveni keshea?

BOTHUBO 19:23

Kughou Lot no Zoar lo ighi keno, khetsünhe ye ayeghi shou vü ipeghive.

IPEKULU 9:23

Moses no pa küsü atsütsü küdau peqhe, eno Ampeu no pasapagha ngo mürasü eno ami ayeghi lo puwu. Ampeu no mürasü Egypt yeghi shou ghuqhi tsü.

JOB 1:16

Pa no pi aphi lono aghinikishiu lakhiu ighi no pi, “Atsütsü lono Alhou mi ikiqighi no ambe ngo aqemiqo pitiqhivae, eno I likhino pokasü o vilo piniye ighi anie.”

ISAIAH 30:33

Kughengu amikishi-a ye khaghi no kutope qhivae, mtsüqheino ti ye akükau piti nike mla püani, akiptia ye thonhei eno kije kusho shipe asü no kupukuno shi püani; eno Ampeu tuthu no amichu ghoki toi tipau küiqü püacheni.

ZAKINIU 28:24

Ampeu no nongu ghakhu lo tsütsüghu pesü amkhu shive tsü nani. Nongu pithive moke kutolo atsütsü lono ayeghimkhu ghuqhi nani.

ZAKINIU 29:22

Tiqheli akiniu lo nongu tianuli ngo aghakhu kushuo lono ighi kemi inami no Ampeu no kishi aghakhu hipau ghime eno küsükini pesü pishipuju keno ithulu püzü ishi pi nani—

JEREMIYA 23:14

Ikemu Jerusalem tungkupmi gholo Ni ye aküighüpu ithulue: panongu no salha eno miki cheni; alhoksa kümlami shikumto, ikehu khunomu alhoksa lono tsüghü ighimoe; I zülo panongu kümtsü Sodom ngo Gomorrah timi toivae.”